ചെന്നൈ: തമിഴ്നാട്ടിലെ തഞ്ചാവൂരില് മകളെ കൊലപ്പെടുത്തിയ പ്രതിയെ ജാമ്യത്തിലിറങ്ങിയപ്പോള് പിതാവും ബന്ധുക്കളും ചേര്ന്ന് വീട്ടില്കയറി വെട്ടിക്കൊന്നു. ജാമ്യത്തിലിറങ്ങിയ മുപ്പതുകാരനായ അജിത് കുമാറാണ് കൊല്ലപ്പെട്ടത്. സംഭവത്തിന് പിന്നാലെ യുവതിയുടെ പിതാവ് പുണ്യമൂര്ത്തിയും മൂന്ന് ബന്ധുക്കളും പോലീസ് സ്റ്റേഷനില് കീഴടങ്ങി.
പുണ്യമൂര്ത്തിയുടെ മകളും അദ്ധ്യാപികയുമായിരുന്ന കാവ്യയും പെയ്ന്റിംഗ് ജോലിക്കാരനായ അജിത് കുമാറും തമ്മില് ദീര്ഘകാലമായി പ്രണയത്തിലാ യിരുന്നു. ബന്ധത്തെ കാവ്യയുടെ വീട്ടുകാര് ശക്തമായി എതിര്ക്കുകയും യുവതിയുടെ വിവാഹം മറ്റൊരു ബന്ധുവുമായി നിശ്ചയിക്കുകയും ചെയ്തു. ഇതില് പ്രകോപിതനായ അജിത് കുമാര് കഴിഞ്ഞ നവംബര് 27-ന് സ്കൂളിലേക്ക് പോവുകയായിരുന്ന കാവ്യയെ വഴിയില് തടഞ്ഞുനിര്ത്തി വെട്ടിക്കൊല പ്പെടുത്തി.
മകളുടെ കൊലപാതകത്തിന് പിന്നാലെ പോലീസ് അറസ്റ്റ് ചെയ്ത അജിത് കുമാറിന് കഴിഞ്ഞ മാസമാണ് കോടതി ജാമ്യം അനുവദിച്ചത്. ജാമ്യത്തിലിറങ്ങിയ അജിത്തിനോട് പകരം വീട്ടാന് കാത്തിരുന്ന പുണ്യമൂര്ത്തിയും സംഘവും വെള്ളിയാഴ്ച പുലര്ച്ചെ രണ്ട് മണിയോടെ ഇയാളുടെ വീട്ടിലെത്തി. ഉറങ്ങിക്കിടക്കുകയായിരുന്ന അജിത് കുമാറിനെ സംഘം വെട്ടിക്കൊലപ്പെടുത്തുകയായിരുന്നു.
തഞ്ചാവൂര് ജില്ലയിലെ മേലക്കാലക്കുടി നടന്ന സംഭവത്തില്കൃത്യത്തിന് ശേഷം പ്രതികള് അമ്മപേട്ടൈ പോലീസ് സ്റ്റേഷനില് നേരിട്ടെത്തി കീഴടങ്ങി. പുണ്യമൂര്ത്തിയുടെ പിതാവ് - 53, ലോകേഷ് (22), രാമലിംഗം (30), കറുപ്പയ്യ (55) എന്നിവരാണ് അറസ്റ്റിലായിരിക്കുന്നത്. കൊല്ലപ്പെട്ട അജിത്തിന്റെ മൃതദേഹം പോസ്റ്റ്മോര്ട്ടം നടപടികള്ക്കായി തഞ്ചാവൂര് മെഡിക്കല് കോളേജ് ആശുപത്രിയിലേക്ക് മാറ്റി.
