മലയാളികളുടെ പ്രിയപ്പെട്ട താരമായ ബേസിൽ ജോസഫ് വളരെ ചുരുങ്ങിയ സമയം കൊണ്ടാണ് പ്രേക്ഷകമനസുകളിൽ ഇടം നേടിയത്. സംവിധായകനായി പ്രേക്ഷകമനസില് സ്ഥാനം പിടിക്കുകയും പിന്നീട് നടനായി വിസ്മയിപ്പിക്കുകയും ചെയ്ത ബേസിലിന്റെ അഭിനയത്തിന് ആരാധകര് ഏറെയാണ്. കരിയറില് മൂന്ന് ചിത്രങ്ങള് മാത്രമേ സംവിധാനം ചെയ്തിട്ടുള്ളൂവെങ്കിലും ബേസില് ജോസഫ് എന്ന പേര് ഇന്ന് മറുഭാഷാ സിനിമാപ്രേമികള്ക്കും പരിചിതമാണ്.
സോഷ്യല് മീഡിയയിലും സജീവമാണ് ബേസില്. ടോവിനോ- ബേസില് എന്നിങ്ങനെ തുടങ്ങുന്ന തന്റെ സൗഹൃദവലയത്തില് പെട്ടവരെ ട്രോളുകയും അവര് പോസ്റ്റ് ചെയ്യുന്ന ചിത്രങ്ങള്ക്ക് രസകരമായ കമന്റ് നല്കുകയും ചെയ്യുന്നതിലൂടെയും താരം പ്രേക്ഷകരുടെ ഇടയില് ലൈവായി നില്ക്കാറുണ്ട്. ബേസില് യൂണിവേഴ്സ് എന്നൊരു വിശേഷണം പോലും സോഷ്യല് മീഡിയ താരത്തിന് നല്കിയിട്ടുണ്ട്.
ഇപ്പോഴിതാ താരത്തിന്റെ ജന്മദിനത്തില് ഭാര്യ എലിസബത്തും കുടുംബവും പങ്കിട്ട ആശംസയാണ് ആരാധകര് ഏറ്റെടുക്കുന്നത്. കുഞ്ഞിനു വേണ്ടി ഇംഗ്ലീഷ് ഗാനം ഉറക്കെ ആലപിക്കുന്ന ബേസിലിനെയാണ് എലിസബത്ത് പോസ്റ്റ് ചെയ്ത വീഡിയോയിൽ കാണാനാകുന്നത്. ദൃശ്യങ്ങളില് ബേസില് പാട്ടു പാടുന്നതും അതു നോക്കിയിരിക്കുന്ന മകള് ഹോപ്പിനെയും കാണാം. സമീപത്തിരുന്ന് പാട്ട് കേൾക്കുന്ന മകൾ, ‘‘അപ്പേടെ പാട്ട് കേട്ട് ഹോപ്പിയുടെ ചെവി അടിച്ചു പോയി. ചെവി മാറ്റാം’ എന്നാണ് ബേസിലിന്റെ പാട്ട് കേട്ട് കുഞ്ഞ് ഹോപ്പിന്റെ കമന്റ്. ഹോപ്പിന്റെ കമന്റ് കേട്ട് ചിരിക്കുകയാണ് ബേസിൽ. അപ്പയുടെ വായ അടച്ചുവെയ്ക്കുന്നതല്ലേ കുറച്ചുകൂടി നല്ലതെന്ന് എലിസബത്ത് ചോദിക്കുമ്പോൾ ‘ആം’ എന്ന് ഹോപ്പ് മൂളുന്നുമുണ്ട്.
‘‘ഹാപ്പി ബര്ത്ത്ഡേ അപ്പാ...ഇനി പാടരുത്, അല്ലെങ്കില് ഞങ്ങള് വാ കെട്ടി വയ്ക്കും...’’ എന്ന ക്യാപ്ഷന് നല്കിയാണ് ബേസിലിന്റെ ഭാര്യ എലിസബത്ത് വീഡിയോ പങ്കിട്ടിരിക്കുന്നത്. ടൈറ്റാനിക്ക് സിനിമയിലെ പാട്ടാണ് ബേസില് പാടുന്നത്. നസ്റിയ ഫഹദ് അടക്കം നിരവധി പേര് ഈ വീഡിയോയ്ക്ക് താഴെ കമന്റുകള് കുറിക്കുന്നുണ്ട്. സെലിബ്രിറ്റികളടക്കം നിരവധിപ്പേരാണ് വിഡിയോ ലൈക്ക് ചെയ്തിരിക്കുന്നത്. രസകരമായ കമന്റുകളും ആരാധകർ വിഡിയോയിൽ കമന്റായി കുറിക്കുന്നുണ്ട്. ബേസിലിന് ആശംസകൾ നേർന്നും ആരാധകർ കമന്റിടുന്നുണ്ട്.
സഹോദരി ഷിൻസി ജോബിയും ബേസിലിന് ജന്മദിനാശംസ കുറിച്ച് പങ്കുവെച്ച ചിത്രങ്ങളും വൈറലാകുന്നുണ്ട്. രണ്ട് ചിത്രങ്ങളാണ് ഷിൻസി പോസ്റ്റ് ചെയ്തിരിക്കുന്നത്. 'പ്രായം കൂടും എന്ന് പേടിച്ച് പിറന്നാൾ വേണ്ടെന്ന് വയ്ച്ച പൊന്നാങ്ങളയ്ക്ക് എന്റെ പേരിലും മരുമക്കളുടെ പേരിലും കൊച്ചുമക്കളുടെ പേരിലും മാതാപിതാക്കളുടെയും ബാക്കി എല്ലാ ബന്ധു മിത്രാദികളുടെയും പേരിലും ആയിരമായിരം പിറന്നാൾ ആശംസകൾ...’ എന്നാണ് ഷിന്സി കുറിച്ചിരിക്കുന്നത്.
