മിനി ഇന്ത്യ കണ്വേര്ട്ടിബിള് ജോണ് കൂപ്പര് വര്ക്ക്സ് പായ്ക്ക് ഇന്ത്യന് വിപണിയില് പുറത്തിറക്കിയിരിക്കുകയാണ്. 61.50 ലക്ഷം രൂപയുടെ എക്സ്ഷോറൂം വിലയിലെത്തിയിരിക്കുന്ന മോഡല് പൂര്ണമായും വിദേശത്ത് നിര്മിച്ചാണ് ഇവിടെ വിപണനത്തിന് എത്തുന്നത്. വാങ്ങാന് താത്പര്യമുള്ളവര്ക്ക് ബ്രാന്ഡിന്റെ ഡീലര്ഷിപ്പുകള് സന്ദര്ശിച്ച് പ്രീ-ബുക്ക് ചെയ്തിടാനാവുന്നതാണ്. പരിമിതമായ എണ്ണത്തില് മാത്രമായിരിക്കും മിനി കണ്വേര്ട്ടിബിള് JCW പായ്ക്ക് വിപണനത്തിന് എത്തിക്കൂ.
ഡിസൈനിലേക്ക് നോക്കിയാല് അടിസ്ഥാന കാറില് മാറ്റം വരുത്താതെ തന്നെ JCW പായ്ക്ക് കണ്വെര്ട്ടിബിളിന് ഒരു സ്പോര്ട്ടിയര് വിഷ്വല് ഐഡന്റിറ്റി നല്കുന്നുണ്ട്. ലെജന്ഡ് ഗ്രേ, മിഡ്നൈറ്റ് ബ്ലാക്ക് എന്നിങ്ങനെ രണ്ട് കളര് ഓപ്ഷനുകളിലാണ് മിനി കണ്വേര്ട്ടിബിള് JCW പായ്ക്ക് ഇന്ത്യയില് അവതരിപ്പിച്ചിരിക്കുന്നത്. ഇലക്ട്രിക്കലായി പ്രവര്ത്തിക്കുന്ന സോഫ്റ്റ് ടോപ്പ് 30 കിലോമീറ്റര് വേഗതയില് 18 സെക്കന്ഡിനുള്ളില് പൂര്ണമായും താഴ്ത്താനും 15 സെക്കന്ഡിനുള്ളില് വീണ്ടും അടയ്ക്കാനും കഴിയുമെന്നാണ് മിനി പറയുന്നത്.
ഡിജിറ്റല് കീ പ്ലസ്, ഹെഡ്-അപ്പ് ഡിസ്പ്ലേ, ഹര്മന് കാര്ഡണ് സറൗണ്ട് സൗണ്ട്, ആപ്പിള് കാര്പ്ലേ, ആന്ഡ്രോയിഡ് ഓട്ടോ, റിമോട്ട് സര്വീസുകള്, റിമോട്ട് സോഫ്റ്റ്വെയര് അപ്ഗ്രേഡുകള് എന്നിവയാണ് കണ്വേര്ട്ടിബിള് JCW പായ്ക്കിലെ മറ്റ് ഫീച്ചറുകള്. ഫ്രണ്ട്, സൈഡ് കര്ട്ടന് എയര്ബാഗുകള്, റോള്ഓവര് പ്രൊട്ടക്ഷന്, എബിഎസ്, ഡൈനാമിക് സ്റ്റെബിലിറ്റി കണ്ട്രോള്, ബ്രേക്ക് അസിസ്റ്റ്, കോര്ണറിംഗ് ബ്രേക്ക് കണ്ട്രോള്, റിയര് വ്യൂ ക്യാമറ എന്നിവയാണ് മോഡലിലെ പ്രധാന സുരക്ഷാ സവിശേഷതകള്.
204 bhp കരുത്തില് പരമാവധി 300 Nm ടോര്ക്ക് ഉത്പാദിപ്പിക്കുന്ന 2.0 ലിറ്റര് ടര്ബോ പെട്രോള് എഞ്ചിനാണ് ലക്ഷ്വറി ഹാച്ചിന്റെ ഹൃദയം. ബൂസ്റ്റ് മോഡ് ഫംഗ്ഷനോടുകൂടിയ 7-സ്പീഡ് ഡ്യുവല്-ക്ലച്ച് സ്റ്റെപ്ട്രോണിക് സ്പോര്ട് ട്രാന്സ്മിഷനുമായാണ് എഞ്ചിന് ജോടിയാക്കിയിരിക്കുന്നത്. പൂജ്യം മുതല് 100 കിലോമീറ്റര് വരെ വേഗത കൈവരിക്കാന് 6.9 സെക്കന്ഡ് സമയം മാത്രം മതിയാവും പുതിയ മിനി കണ്വേര്ട്ടിബിള് JCW പായ്ക്കിന്. അതേസമയം പരമാവധി വേഗം മണിക്കൂറില് 240 കിലോമീറ്ററാണ്. രണ്ട് വര്ഷത്തെ സ്റ്റാന്ഡേര്ഡ് അണ്ലിമിറ്റഡ് കിലോമീറ്റര് വാറണ്ടി, രണ്ട് വര്ഷത്തെ 24×7 റോഡ്സൈഡ് അസിസ്റ്റന്സ്, മൂന്ന് വര്ഷം അല്ലെങ്കില് 40,000 കിലോമീറ്റര് മുതല് ആരംഭിക്കുന്ന സര്വീസ് പ്ലാനും ഇതിനൊപ്പം ലഭിക്കുന്നതായിരിക്കും.
