നടന് സന്തോഷ് നായരുടെ അപ്രതീക്ഷിത വിയോഗത്തില് വേദനയോടെ നടി രാധിക. ദിവസങ്ങള്ക്ക് മുന്പ് വരെ സംസാരിച്ചിരുന്ന പ്രിയ സുഹൃത്തിന്റെ വേര്പാട് ഉള്ക്കൊളളാന് കഴിയാത്ത അവസ്ഥയിലാണ് താനെന്ന് രാധിക പങ്കുവെച്ച കുറിപ്പില് പറയുന്നു.
‘സന്തോഷ് ഏട്ടാ.. ഇതൊരിക്കലും വിശ്വസിക്കാനാകുന്നില്ല. ഏതാനും ദിവസങ്ങള്ക്ക് മുന്പ് സംസാരിച്ചതാണ്, ഇപ്പോള് ഈ മൗനവും. ചില നഷ്ടങ്ങള് ഉണ്ടാക്കുന്ന ശൂന്യത നികത്താന് വാക്കുകള്ക്ക് കഴിയില്ല.. സ്നേഹത്തോടെ വിട ’രാധികയുടെ വാക്കുകള്.
പത്തനംതിട്ട ഏനാത്തു വച്ചുണ്ടായ വാഹനാപകടത്തിലാണ് സന്തോഷ് നായർ മരിച്ചത്. സന്തോഷ് സഞ്ചരിച്ച കാർ ലോറിയുമായി കൂട്ടിയിടിക്കുകയായിരുന്നു. അപകടത്തിൽ സന്തോഷിന്റെ ഭാര്യ ശുഭശ്രീക്കും പരിക്കേറ്റിരുന്നു. ചികിത്സയിലിരിക്കെ സന്തോഷിനു ഹൃദയാഘാതം സംഭവിക്കുകയായിരുന്നു.
ലോറി ഡ്രൈവർക്കും പരിക്കേറ്റിട്ടുണ്ട്. ഇന്ന് പുലർച്ചെ 6.30 ഓടെയായിരുന്നു അപകടം. 1982ൽ പുറത്തിറങ്ങിയ ‘ഇതു ഞങ്ങളുടെ കഥ’ എന്ന ചിത്രത്തിലൂടെയാണ് സന്തോഷ് സിനിമാരംഗത്തേക്ക് എത്തിയത്. പ്രദർശനം തുടരുന്ന ‘മോഹിനിയാട്ടം’ ആണ് ഏറ്റവും അവസാനമായി അഭിനയിച്ച ചിത്രം.
