കൊച്ചി: യുവതിയെ കത്തികാട്ടി ആണ്സുഹൃത്തിന് മുന്നിലിട്ട് കൂട്ടബലാത്സംഗത്തിനിരയാക്കി. പീഡനസ്ഥലത്ത് നിന്നും നഗ്നയായി ഇറങ്ങിയോടി യുവതി രക്ഷപ്പെട്ടു. എറണാകുളത്ത് നഗരമദ്ധ്യത്തിലെ ഒരു ബഹുനില കെട്ടിടത്തില് നടന്ന സംഭവത്തില് രണ്ടുപേരെ പോലീസ് അറസ്റ്റ് ചെയ്തു. എറണാകുളം സൗത്ത് റെയില്വേ സ്റ്റേഷന് സമീപമുള്ള ആളൊഴിഞ്ഞ ബഹുനില മന്ദിരത്തിലാണ് 24 കാരി പീഡനത്തിനിരയായത്.
സംഭവവുമായി ബന്ധപ്പെട്ട് തിരുവനന്തപുരം സ്വദേശി ഡാനിഷ്, കൊല്ലം സ്വദേശി രാഹുല് എന്നിവരെ പോലീസ് അറസ്റ്റ് ചെയ്തു. ഒളിവിലുള്ള മൂന്നാം പ്രതി അതുലിനായി തിരച്ചില് ഊര്ജ്ജിതമാക്കിയിട്ടുണ്ട്. സ്വകാര്യ സ്ഥാപനത്തില് എച്ച്.ആര് വിഭാഗത്തില് ജോലി ചെയ്യുന്ന എം.ബി.എ ബിരുദധാരിയാണ് യുവതി. ചൊവ്വാഴ്ച രാത്രി പത്ത് മണിയോടെ തന്റെ ആണ്സുഹൃത്തിനൊപ്പം വിവേകാനന്ദ റോഡിലെ പൂട്ടിക്കിടക്കുന്ന ഹോട്ടല് കെട്ടിടത്തില് എത്തിയതായിരുന്നു. അവിടെ മദ്യപിച്ചുകൊണ്ടിരുന്ന പ്രതികള് പിന്തുടരുകയും കത്തികാട്ടി ഭീഷണിപ്പെടുത്തി ബന്ദികളാക്കുകയുമായിരുന്നു.
മണിക്കൂറുകളോളം നീണ്ട പീഡനത്തിനൊടുവില്, പത്താം നിലയില് നിന്നും യുവതിയും സുഹൃത്തും കെട്ടിടത്തിന്റെ പുറകുവശത്തെ ഫയര് എസ്കേപ്പ് ഗോവണി വഴി താഴേക്ക് ഇറങ്ങിയോടിയാണ് രക്ഷപ്പെട്ടത്. വിവരം അറിയിച്ച ഉടന് തന്നെ പോലീസ് സ്ഥലത്തെത്തുകയും യുവതിയെയും സുഹൃത്തിനെയും സുരക്ഷിത കേന്ദ്രത്തിലേക്ക് മാറ്റുകയും ചെയ്തു.
യുവതിയുടെ മൊഴിയുടെ അടിസ്ഥാനത്തില് പ്രതികള് സഞ്ചരിച്ച ബൈക്കിന്റെ നമ്പര് കേന്ദ്രീകരിച്ച് നടത്തിയ തല്ക്ഷണ പരിശോധനയിലാണ് രണ്ട് പ്രതികള് വലയിലായത്. യുവതി നിലവില് ആശുപത്രിയില് ചികിത്സയിലാണ്. നഗരമധ്യത്തിലെ സുരക്ഷാ ക്രമീകരണങ്ങളെയും ആളൊഴിഞ്ഞ കെട്ടിടങ്ങള് കുറ്റവാളികളുടെ താവളമാകുന്നതിനെയും കുറിച്ച് വലിയ ആശങ്കയാണ് ഈ സംഭവം ഉയര്ത്തുന്നത്.
