ന്യൂഡൽഹി: തമിഴ്നാട്ടിലെ ഡിഎംകെ-കോൺഗ്രസ് സഖ്യത്തിലുണ്ടായ വിള്ളൽ ലോക്സഭയിലേക്കും. ലോക്സഭയിൽ ഡിഎംകെ അംഗങ്ങൾക്ക് വേറെ ഇരിപ്പിടം ഒരുക്കണമെന്ന് ആവശ്യപ്പെട്ട് എംപി കെ. കനിമൊഴി ലോക്സഭാ സ്പീക്കർക്ക് കത്തുനൽകി. ഇന്ത്യാസഖ്യത്തിലെ കക്ഷികളായ കോൺഗ്രസ്, ഡിഎംകെ എംപിമാർ ഒരുമിച്ചായിരുന്നു ലോക്സഭയിൽ ഇരുന്നിരുന്നത്.
നിലവിലെ മാറുന്ന രാഷ്ട്രീയ സാഹചര്യത്തില് ഇന്ത്യന് നാഷണല് കോണ്ഗ്രസുമായുള്ള തങ്ങളുടെ ബന്ധം അവസാനിക്കുകയാണ്. ഈ സാഹചര്യത്തില് പാര്ലമെന്റിലെ നിലവിലെ സീറ്റ് ക്രമീകരണവുമായി മുന്നോട്ട് പോകുന്നത് ഡിഎംകെ അംഗങ്ങളെ സംബന്ധിച്ച് ഉചിതമല്ലെന്നാണ് സ്പീക്കര്ക്ക് കനിമൊഴി നല്കിയ കത്തില് ചൂണ്ടിക്കാട്ടുന്നത്. അടുത്ത പാര്ലമെന്റ് സമ്മേളനത്തില് തന്നെ മാറ്റം നടപ്പിലാക്കണമെന്ന ആവശ്യവും കനിമൊഴി മുന്നോട്ടുവെക്കുന്നുണ്ട്.
ടിവികെയ്ക്ക് പിന്തുണ പ്രഖ്യാപിച്ചതിന് പിന്നാലെ കോണ്ഗ്രസിനെ രൂക്ഷമായി വിമര്ശിച്ച് ഡിഎംകെ രംഗത്തെത്തിയിരുന്നു. കോണ്ഗ്രസ് പിന്നില് നിന്നും കുത്തുന്നവരെന്നായിരുന്നു ഡിഎംകെ കുറ്റപ്പെടുത്തല്. തെരഞ്ഞെടുപ്പില് കോണ്?ഗ്രസും ഭരണകക്ഷിയായ ഡിഎംകെയും ഒരുമിച്ചാണ് മത്സരിച്ചത്. ടിവികെ 107 സീറ്റുകള് നേടി ഏറ്റവും വലിയ ഒറ്റക്കക്ഷിയായതോടെ കോണ്ഗ്രസ് നിലപാട് മാറ്റി സര്ക്കാര് രൂപീകരണത്തിന് ടിവികെക്ക് പിന്തുണ നല്കുകയായിരുന്നു. ടിവികെ 107 സീറ്റുകള് നേടി ഏറ്റവും വലിയ ഒറ്റക്കക്ഷിയായതോടെ കോണ്ഗ്രസ് നിലപാട് മാറ്റി സര്ക്കാര് രൂപീകരണത്തിന് ടിവികെക്ക് പിന്തുണ നല്കുകയായിരുന്നു. ആ ഘട്ടത്തില് തന്നെ ഡിഎംകെ ഇന്ഡ്യാ സഖ്യം വിട്ടേക്കുമെന്ന അഭ്യൂഹം ഉണ്ടായിരുന്നു.
