നടി സലീമയുടെ ആരോഗ്യാവസ്ഥയെക്കുറിച്ച് കുറിപ്പ് പങ്കുവെച്ച് സീമ ജി നായര്. സലീമയ്ക്ക് ഓറല് കാന്സര് ആയിരുന്നു. ചികിത്സയിലഝടെ അതെല്ലാം മാറിയെന്നും സീ മ കുറിപ്പില് പറയുന്നു. അതേസമയം അവര്ക്കു അസുഖം ആണെന്നറിഞ്ഞപ്പോള് കുറച്ചു പേരോട് ഞാന് സഹായം ചോദിച്ചിരുന്നു. എന്നാല് തിരക്കുകള് കൊണ്ടാവാം പലര്ക്കും സഹായിക്കാന് കഴിഞ്ഞിരുന്നില്ലെന്നും സീമ പറയുന്നുണ്ട്. സലീമയ്ക്കൊപ്പമുളള ചിത്രം പങ്കിട്ടുകൊണ്ടാണ് സീമയുടെ കുറിപ്പ്.
ശുഭദിനം . ഇപ്പോൾ ഞാൻ ചെന്നൈയിൽ ആണ്.. ഷൂട്ടിന് വന്നതാണ്, കുറെ നാളുകൾക്കു മുന്നേ സലീമ എന്നെ വിളിച്ചിരുന്നു.. മുൻ പരിചയമില്ല, കണ്ടിട്ടുമില്ല, ചെന്നൈയിലേക്കുള്ള വരവിൽ എനിക്കു കഴിഞ്ഞ രണ്ടു പ്രാവശ്യവും കാണാൻ പറ്റിയിരുന്നില്ല.. ഇന്നലെയാണ് ആദ്യമായി കണ്ടത്.. എന്റെ കൂടെയുള്ളത് ആരാണെന്നു നിങ്ങൾക്ക് മനസ്സിലായോ എന്ന് അറിയില്ല.. ഇത് നഖക്ഷതങ്ങളിലെയും ആരണ്യകത്തിലേയുമൊക്കെ നായികയായിരുന്ന സലീമ .
ഒളിച്ചിരിക്കാൻ വള്ളികുടിലൊന്നൊരുക്കി വെച്ചില്ലേ.. ആ പാട്ടൊക്കെ ഓർമ്മ വരുന്നില്ലേ.. കുറച്ചു നാളുകൾക്കു മുന്നേ സലീമക്ക് ഓറൽ കാൻസർ വന്നു.. ഇപ്പോൾ ട്രീറ്റ്മെന്റിൽ അതെല്ലാം മാറി, ഇപ്പോൾ തമിഴിൽ അഭിനയിക്കുന്നുണ്ട്.. അവരുടെ മനസ്സ് നിറയെ മലയാളികളും മലയാള സിനിമകളും ഇവിടുത്തെ ഓർമകളും ആണ്.. ഇവിടെ വർക്ക് ചെയ്യണമെന്ന് ആഗ്രഹവും ഉണ്ടു... അവർക്കു അസുഖം ആണെന്നറിഞ്ഞപ്പോൾ കുറച്ചു പേരോട് ഞാൻ സഹായം ചോദിച്ചിരുന്നു.. തിരക്കുകൾകൊണ്ടാവാം പലർക്കും സഹായിക്കാൻ കഴിഞ്ഞിരുന്നില്ല..
നടൻ വിനീത് അവരെ പോയികൊണ്ടിരുന്നു.. ശ്വേത മേനോൻ വിളിച്ചിരുന്നു, അങ്ങനെ ചിലർ മാത്രം.. ലൈംലൈറ്റിന്റെ വെള്ളി വെളിച്ചത്തിൽ നിൽക്കുമ്പോൾ എല്ലാർക്കും എല്ലാരേയും അറിയാം, അത് കഴിഞ്ഞാൽ ആർക്കും ആരെയും അറിയില്ല.. മലയാളത്തെയും മലയാളിയെയും സ്നേഹിക്കുന്ന സലീമക്ക് മലയാളത്തിലേക്ക് തിരിച്ചു വരാൻ കഴിയട്ടെയെന്നു പ്രാർത്ഥിക്കുന്നു.. അവർ കിടപ്പിലായി പോയിയെന്നു പ്രചാരണം ഉണ്ട്.. ഇപ്പോൾ അങ്ങനെ അല്ല, മുന്നോട്ടുള്ള യാത്രയിൽ അവർക്ക് കാശിനു അത്യാവശ്യം ഉണ്ട്.. അവർക്കു വർക്കാണ് ഇപ്പോൾ വേണ്ടത്, അത് സിനിമയിലായാലും, സീരിയലിൽ ആയാലും സീമ ജി നായര് കുറിച്ചു.
കുറച്ച് സിനിമകള് കൊണ്ട് തന്നെ മലയാളികളുടെ മനസില് ഇടം നേടിയ നടിയാണ് സലീമ. ആരണ്യകം, നഖക്ഷതങ്ങള്, വന്ദനം തുടങ്ങിയ സിനിമകളിലെ സലീമയെ മലയാളി ഒരിക്കലും മറക്കില്ല. വര്ഷങ്ങള്ക്ക് ശേഷം രേഖാചിത്രത്തിലൂടെ സലീമ മലയാളത്തിലേക്ക് തിരികെ വന്നിരുന്നു. പിന്നാലെയാണ് താരം കാന്സര് ബാധിതയാകുന്നത്.
