പ്രേക്ഷകര്ക്ക് ഏറെ പ്രിയപ്പെട്ട താരദമ്പതികളാണ് സ്നേഹയും പ്രസന്നയും. അച്ചമുണ്ട് അച്ചമുണ്ട് എന്ന ചിത്രത്തിലൂടെയാണ് സ്നേഹയും പ്രസന്നയുമായി സൗഹൃദത്തിലാകുന്നത്. പിന്നീട് ഇരുവരും തമ്മില് പ്രണയത്തിലായി. 2012 മെയ് 11 ആയിരുന്നു ഇരുവരുടെയും വിവാഹം.
ഇപ്പോള് വിവാഹവാര്ഷിക ദിനത്തില് സ്നേഹ സോഷ്യല് മീഡിയയില് പങ്കുവച്ച കുറിപ്പാണ് ശ്രദ്ധ നേടുന്നത്. സ്നേഹയുടെയും പ്രസന്നയുടെയും 14-ാം വിവാഹവാര്ഷികമാണിന്ന്.
'' വിവാഹവാര്ഷികാശംസകള് ഡാഡാ. കഴിഞ്ഞ 14 വര്ഷമായി ഓരോ സന്തോഷത്തിലും വെല്ലുവിളികളിലും ചിരിയിലും കണ്ണീരിലും കൈകോര്ത്ത് പിടിച്ച്... ഇന്നും ഓരോ ദിവസവും നമ്മള് പരസ്പരം തിരഞ്ഞെടുക്കുന്നു. ജീവിതത്തിന്റെ ഓരോ ഘട്ടത്തിലും നമ്മള് പരസ്പരം താങ്ങായി നിന്നു, ഒന്നിച്ച് വളര്ന്നു, കഠിനമായ ദിവസങ്ങളില് പരസ്പരം മുറുകെ പിടിച്ചു, മനോഹരമായ നിമിഷങ്ങള് ആഘോഷിച്ചു, അങ്ങനെ എണ്ണമറ്റ ഓര്മ്മകള് നമ്മള് ഒന്നിച്ച് സൃഷ്ടിച്ചു. സത്യം പറഞ്ഞാല്, ഈ 14 വര്ഷത്തെ ഒപ്പമുള്ള യാത്രയിലെ ഏറ്റവും വലിയ 'ലവ് സ്റ്റോറി' എന്നത് പരസ്പരമുള്ള മൂഡ് മാറ്റങ്ങളും സ്വഭാവങ്ങളും നിസ്സാര കാര്യങ്ങള്ക്കായുള്ള വഴക്കുകളും അതിജീവിച്ചു മുന്നോട്ട് പോകുന്നു എന്നത് തന്നെയാണ്.
തമാശകള് മാറ്റിവെച്ചാല്, നമ്മള് പങ്കിടുന്ന ഈ ബന്ധം സത്യത്തില് വളരെ മനോഹരമാണ്. സ്നേഹം, ക്ഷമ, പരസ്പര ധാരണ, ഒത്തൊരുമ എന്നിവയില് കെട്ടിപ്പടുത്ത ഒരു ബന്ധം.ഇനിയും ഒരുപാട് വര്ഷത്തെ സ്നേഹത്തിനും ചിരിക്കും ഓര്മ്മകള്ക്കും ഒപ്പം പരസ്പരം ശല്യം ചെയ്തുകൊണ്ടുള്ള ഈ ജീവിതത്തിനും വേണ്ടി... ഐ ലവ് യൂ'', എന്നാണ് സ്നേഹയുടെ കുറിപ്പ്. നിരവധി ആരാധകരാണ് സ്നേഹ പങ്കുവച്ച പോസ്റ്റിന് താഴെയായി ഇരുവര്ക്കും ആശംസകളുമായി എത്തുന്നത്.
തമിഴകത്തിന്റെ പ്രിയ നായികയാണെങ്കിലും മലയാള സിനിമയിലൂടെ നായികയായി അരങ്ങേറ്റം കുറിച്ച നായികയാണ് സ്നേഹ. പല മലയാള സിനിമകളിലൂടെയും ഹൃദയം കവര്ന്നിട്ടുണ്ട് സ്നേഹ. വ്യത്യസ്തമാര്ന്ന കഥാപാത്രങ്ങളിലൂടെ താരം ആരാധകരെ വിസ്മയിപ്പിച്ചു. തമിഴില് മാത്രമല്ല തെലുങ്ക്, മലയാളം സിനിമകളിലും സജീവമായിരുന്നു താരം.
