തമിഴ്നാട് മുഖ്യമന്ത്രിയായി ദളപതി വിജയ് സത്യപ്രതിജ്ഞ ചെയ്ത് അധികാരമേറ്റതിന്റെ ആവേശത്തിമർപ്പിലാണ് കേരളത്തിലെ ആരാധകരും. ഒരു സാധാരണ കുടുംബത്തിൽ നിന്ന് വന്ന് സിനിമയിലും രാഷ്ട്രീയത്തിലും വിജയക്കൊടി പാറിച്ച വിജയ് യുടെ ജീവിതം സിനിമയെ വെല്ലുന്ന ട്വിസ്റ്റുകളും ടേര്ണുകളും നിറഞ്ഞതാണ്.
തമിഴക വെട്രി കഴകം എന്ന പാര്ട്ടിയിലൂടെ വിജയ് തമിഴ് മക്കള്ക്ക് വേണ്ടി പ്രവര്ത്തിക്കുന്ന ജനനായകനാന് ഒരുങ്ങിയപ്പോള് ഒരുപാട് പ്രതിസന്ധികളും ആരോപണങ്ങളും വെല്ലുവിളികളും നേരിടേണ്ടി വന്നിരുന്നു. എന്നാലതിനെയൊക്കെ കാറ്റില് പറത്തിയാണ് തമിഴക വെട്രി കഴകം സ്ഥാപകനുമായ സി.ജോസഫ് വിജയ് വലിയ ഭൂരിപക്ഷത്തോടെ ജയിച്ച് തമിഴ് നാടിന്റെ മുഖ്യമന്ത്രിയായത്.
ഇപ്പോഴിതാ തന്നെ വിജയ് കാണാനെത്തിയ സന്തോഷം സോഷ്യല് മീഡിയയിലൂടെ പങ്കിടുകയാണ് ഡിഎംകെ നേതാവും മുൻ മുഖ്യമന്ത്രിയുമായിരുന്ന എം.കെ. സ്റ്റാലിന്. തന്നെ വിജയ് കാണാനെത്തിയെന്നും സ്നേഹനിർഭരമായ ആശംസകളും ഉപദേശങ്ങളും നൽകിയെന്നുമാണ് സ്റ്റാലിന് കുറിച്ചിരിക്കുന്നത്.
‘‘തമിഴ്നാട് മുഖ്യമന്ത്രിയായി ചുമതലയേറ്റ ബഹുമാനപ്പെട്ട ശ്രീ. വിജയ് രാഷ്ട്രീയ മര്യാദയോടെ എന്നെ സന്ദർശിച്ച് സ്വാഗതം ചെയ്തു...ഞാൻ അദ്ദേഹത്തിന് എന്റെ സ്നേഹനിർഭരമായ ആശംസകളും ഉപദേശങ്ങളും നൽകി....’’ എന്ന കുറിപ്പിനൊപ്പമാണ് ഈ മധുരമായ കൂടിക്കാഴ്ചയുടെ ദൃശ്യങ്ങള് എം.കെ സ്റ്റാലിന് പങ്കിട്ടിരിക്കുന്നത്. എം.കെ. സ്റ്റാലിൻ മുഖ്യമന്ത്രി വിജയിയെ പൊന്നാടയണിയിക്കുന്നതും തിരിച്ച് സ്റ്റാലിനെ ആദരിക്കുന്നതും ചിത്രങ്ങളില് കാണാം.
മുഖ്യമന്ത്രിയായി സത്യപ്രതിജ്ഞ ചെയ്തതിനു പിന്നാലെ ആദ്യമായാണ് സ്റ്റാലിനും വിജയിയും തമ്മിൽ കൂടിക്കാഴ്ച നടത്തുന്നത്. സോഷ്യല് മീഡിയയിലൂടെ പങ്കിട്ട ഈ ചിത്രങ്ങള് വിജയ് ആരാധകര് ഏറ്റെടുത്തു. നിമിഷനേരം കൊണ്ട് ചിത്രങ്ങള് വൈറലായി. ‘എങ്ക ദളപതി, ബഹുമാനം മാത്രം, ഇത് നല്ല ആളുകളുടെയും ബഹുമാനത്തിന്റെയും ഒരു ഉദാഹരണമാണ്. രാഷ്ട്രീയത്തിലെ എല്ലാവർക്കും ഇത് ഒരു മാതൃകയാണ്. ഇരുവർക്കും ഇത് പൊതുവായുണ്ട്....’ എന്നതടക്കമാണ് കമന്റുകള്.
പ്രതിപക്ഷ നേതാവ് ഉദയനിധി സ്റ്റാലിനും എം.കെ സ്റ്റാലിനും ചേര്ന്നാണ് വിജയ് യെ വീട്ടിലേക്ക് സ്വീകരിച്ചത്. എം.കെ. സ്റ്റാലിന്റെ വീട്ടിലെത്തിയ വിജയിയെ കൈകൊടുത്ത് കെട്ടിപ്പിടിച്ച് സ്വാഗതം ചെയ്യുന്നത് ഉദയനിധി സ്റ്റാലിനാണ്. തുടര്ന്ന് വിജയിയെ ഹസ്തദാനം ചെയ്ത് കെട്ടിപ്പിടിച്ച് വീടിനത്തേക്ക് ആനയിച്ചത് എം.കെ സ്റ്റാലിനാണ്.
