2026-ലെ നീറ്റ് യുജി പരീക്ഷ ചോദ്യപേപ്പര് ചോര്ന്ന സംഭവത്തില് പ്രതികരിച്ച് നടന് കമല്ഹാസന്. പരീക്ഷയിലെ ക്രമക്കേടുകളെ അപലപിച്ച അദ്ദേഹം, ലക്ഷക്കണക്കിന് വിദ്യാര്ത്ഥികള് അനുഭവിക്കുന്ന മാനസിക വിഷമത്തിന് ആര് ഉത്തരവാദിത്വം ഏറ്റെടുക്കുമെന്ന് ചോദിച്ചു. ചോദ്യപേപ്പര് ചോര്ന്നെന്ന ആരോപണത്തെത്തുടര്ന്ന്, മെയ് 3 ന് നടത്തിയ മെഡിക്കല് പ്രവേശന പരീക്ഷ റദ്ദാക്കിയിരുന്നു.
'നീറ്റ് പ്രവേശന പരീക്ഷയ്ക്കായി പകലും രാത്രിയും പഠിച്ച 22 ലക്ഷം വിദ്യാര്ത്ഥികളുടെ കഠിനാധ്വാനവും സ്വപ്നങ്ങളുമാണ് കുറ്റകരമായ ഗൂഢാലോചനകളിലൂടെ തകര്ക്കപ്പെട്ടിരിക്കുന്നത്. ഈ മാനസിക വിഷമത്തിന് ആര് ഉത്തരവാദിത്തം ഏറ്റെടുക്കും? ഇതുവരെ ക്രമക്കേടുകളെക്കുറിച്ചുള്ള ആരോപണങ്ങളില്ലാതെ ഒരു നീറ്റ് പരീക്ഷ പോലും നടന്നതായി ഞാന് ഓര്ക്കുന്നില്ല. അതുകൊണ്ടാണ് വിദ്യാഭ്യാസം വീണ്ടും സംസ്ഥാന പട്ടികയിലേക്ക് കൊണ്ടുവരാന് ഞങ്ങള് പോരാടുന്നത്.ഈ അനീതി നിറഞ്ഞ നീറ്റ് പരീക്ഷയില് നിന്നും ഇതിന് പിന്നില് പ്രവര്ത്തിക്കുന്ന മാഫിയകളില് നിന്നും ഇന്ത്യന് വിദ്യാര്ത്ഥികള് സംരക്ഷിക്കപ്പെടണം'', എന്നാണ് എക്സില് പങ്കുവച്ച പോസ്റ്റില് കമല്ഹാസന് കുറിച്ചത്.
நீட் நுழைவுத் தேர்வுக்காக இரவு பகலாகப் படித்த 22 லட்சம் மாணவர்களின் உழைப்பும் கனவும் குற்றக்கும்பல்களால் சிதைக்கப்பட்டுள்ளது. இந்த மன உளைச்சலுக்குப் பொறுப்பேற்கப் போவது யார்?
இதுவரை ஒரு நீட் தேர்வு கூட முறைகேடு புகார்கள் இல்லாமல் நடந்ததாக எனக்கு நினைவில்லை. இதனால்தான் கல்வியை…— Kamal Haasan (@ikamalhaasan) May 12, 2026
മെയ് 3 ന് നടന്ന പരീക്ഷയുടെ ചോദ്യപേപ്പര് ചോര്ന്നുവെന്ന് വ്യക്തമായതോടെയാണ് തീരുമാനമെന്ന് അധികൃതര് അറിയിച്ചു. മെഡിക്കല് പ്രവേശനത്തിനായി വീണ്ടും പരീക്ഷ നടത്തും. ഇതിനായി വിജ്ഞാപനം ഇറക്കും. പുതിയ ഹാള്ടിക്കറ്റ് ഉടന് കുട്ടികള്ക്ക് വിതരണം ചെയ്യുമെന്ന് അധികൃതര് അറിയിച്ചു.
