തമിഴ്നാട് മുഖ്യമന്ത്രിയായി അധികാരമേറ്റെടുത്ത വിജയ്യെ അഭിനന്ദിച്ച് സിനിമാ ലോകത്ത് നിന്നും നിരവധി പ്രമുഖരാണ് എത്തുന്നത്. ഇപ്പോള് സംവിധായകന് എസ്. ഷങ്കര് സോഷ്യല് മീഡിയയില് പങ്കുവച്ച കുറിപ്പും ശ്രദ്ധ നേടുകയാണ്. ലക്ഷ്യബോധവും പ്രവ്യത്തിയും ഒന്നിച്ചുചേര്ന്നാല് എന്തും സാധ്യമാണെന്ന് നിങ്ങള് തെളിയിച്ചിരിക്കുന്നു എന്ന് ഷങ്കര് സോഷ്യല് മീഡിയയില് കുറിച്ചു.ഇത് ഗംഭീരമായ ഒരു തുടക്കമാണെന്നും ഇനിയും ഉയരങ്ങളിലേക്ക് കുതിക്കാന് വിജയ്ക്ക് സാധിക്കട്ടെയെന്നും ഷങ്കര് ആശംസിച്ചു.
'' സിനിമയില് മാത്രം സംഭവിക്കുന്ന കാര്യങ്ങള് എന്ന് പലരും പറഞ്ഞതിനെയെല്ലാം തകര്ത്തുകൊണ്ട്, ലക്ഷ്യബോധവും പ്രവൃത്തിയും ഒന്നിച്ചുചേര്ന്നാല് എന്തും സാധ്യമാണെന്ന് നിങ്ങള് തെളിയിച്ചിരിക്കുന്നു. ബഹുമാനപ്പെട്ട തമിഴ്നാട് മുഖ്യമന്ത്രിയും ടിവികെ നേതാവുമായ വിജയ്ക്ക് എന്റെ ഹൃദയം നിറഞ്ഞ ആശംസകള്.ജനങ്ങളുടെ ആഗ്രഹം സഫലമായിരിക്കുന്നു, ഗംഭീരമായ ഒരു തുടക്കമാണ് നിങ്ങളുടേത്. ഇനിയും ഉയരങ്ങളിലേക്ക് കുതിക്കാന് സാധിക്കട്ടെ സഹോദരാ'', എന്നാണ് ഷങ്കറിന്റെ വാക്കുകള്.
ഞായറാഴ്ചയാണ് തമിഴ്നാട് മുഖ്യമന്ത്രിയായി വിജയ് സത്യപ്രതിജ്ഞ ചെയ്തത്. വിജയ്ക്കൊപ്പം മറ്റ് ഒമ്പത് മന്ത്രിമാരും സത്യപ്രതിജ്ഞ ചെയ്തു.
