നിയുക്ത മുഖ്യമന്ത്രിയായി തെരഞ്ഞെടുക്കപ്പെട്ട വി.ഡി സതീശന് ആശംസകളുമായി നടന് മമ്മൂട്ടി. '' കേരളത്തിന്റെ പതിമൂന്നാം മുഖ്യമന്ത്രിയായി നിയോഗിക്കപ്പെട്ട ശ്രീ വി. ഡി സതീശന് ഹൃദയം നിറഞ്ഞ ആശംസകള്'', എന്നാണ് മമ്മൂട്ടി ഫേസ്ബുക്കില് കുറിച്ചത്.
നടനും കേന്ദ്രമന്ത്രിയുമായ സുരേഷ് ഗോപിയും വി.ഡി സതീശന് ആശംസകള് അറിയിച്ച് എത്തി.''ശ്രീ. വി.ഡി സതീശന് കേരളത്തിന്റെ മുഖ്യമന്ത്രി പദവിയിൽ തിളക്കമാർന്ന വിജയാശംസകൾ നേരുന്നു.'' എന്നാണ്സുരേഷ് ഗോപിയുടെ വാക്കുകള്.
സിനിമാ ലോകത്ത് നിന്നും നിരവധി പേര് വി.ഡി സതീശന് ആശംസകള് അറിയിച്ച് രംഗത്തെത്തുന്നുണ്ട്.
'' കേരളത്തിന്റെ പുതിയ മുഖ്യമന്ത്രിയായി അരങ്ങേറാന് പോകുന്ന ശ്രി V D സതീശന് ഹൃദയം നിറഞ്ഞ അഭിനന്ദനങ്ങള്. കേരളത്തിന് ഏറ്റവും നല്ല ഒരു ഭരണം കാഴ്ചവയ്ക്കാന് അദ്ദേഹത്തിനും, ടീം യുഡിഎഫിനും സാധിക്കട്ടെ എന്നും ആശംസിക്കുന്നു'' , എന്നാണ് നടന് മനോജ് കെ. ജയന് ഫേസ്ബുക്കില് കുറിച്ചത്.
നീണ്ട ചര്ച്ചകള്ക്കൊടുവില് ഫലം വന്ന് പത്താം ദിവസമാണ് കോണ്ഗ്രസ് മുഖ്യമന്ത്രിയായി വി ഡി സതീശനെ പ്രഖ്യാപിച്ചത്. കേരളത്തിന്റെ ചുമതലയുള്ള എഐസിസി ജനറല് സെക്രട്ടറി ദീപാദാസ് മുന്ഷി, എഐസിസി നീരീക്ഷകരായ അജയ് മാക്കന്, മുകുള് വാസ്നിക്, ജയ്റാം രമേശ് എന്നിവര് മാധ്യമങ്ങളെ കണ്ടാണ് തീരുമാനം പ്രഖ്യാപിച്ചത്.
