കേരളത്തിന്റെ പുതിയ മുഖ്യമന്ത്രി വി.ഡി സതീശന് അഭിനന്ദനങ്ങള് അറിയിച്ച് മലയാള സിനിമാ ലോകം. ' നിയുക്ത കേരള മുഖ്യമന്ത്രി ശ്രീ വി.ഡി സതീശന് സ്നേഹം നിറഞ്ഞ ആശംസകള്. വികസനത്തിന്റെ പുതിയ പാതയിലേക്ക് നാടിനെ നയിക്കാന് അദ്ദേഹത്തിന്റെ നേതൃത്വത്തിന് സാധിക്കട്ടെ'', എന്ന് മോഹന്ലാല് ഫേസ്ബുക്കില് കുറിച്ചു.
''ഈ ഉജ്ജ്വലമായ തിരഞ്ഞെടുപ്പ് വിജയത്തില് കോണ്ഗ്രസ് പാര്ട്ടിക്ക് ഹൃദയം നിറഞ്ഞ അഭിനന്ദനങ്ങള്. കേരളത്തിന്റെ പുതിയ മുഖ്യമന്ത്രിയായി തിരഞ്ഞെടുക്കപ്പെട്ട ശ്രീ. വി.ഡി. സതീശന്, സംസ്ഥാനത്തിന്റെ നേതൃത്വമെന്ന ഈ പുതിയ അധ്യായം കുറിക്കുമ്പോള് ആവശ്യമായ കരുത്തും വിവേകവും വിജയവും ഉണ്ടാകട്ടെ എന്ന് ആശംസിക്കുന്നു.
ഒത്തൊരുമയിലൂടെയും അതിജീവനത്തിലൂടെയും പുരോഗതിയിലൂടെയുമാണ് കേരളം എപ്പോഴും തലയുയര്ത്തി നിന്നിട്ടുള്ളത്. ഈ പുതിയ തുടക്കം ലോകമെമ്പാടുമുള്ള ഓരോ മലയാളിയിലും പ്രത്യാശയും വികസനവും ആത്മവിശ്വാസവും പകരട്ടെ'' - സമൂഹമാധ്യമങ്ങളില് പങ്കുവച്ച പോസ്റ്റില് നടന് ഉണ്ണി മുകുന്ദന് കുറിച്ചതിങ്ങനെ.
' ഒരു പുതിയ കേരളത്തിനായുളള യാത്രയ്ക്ക് എല്ലാ ആശംസകളും. മുഖ്യമന്ത്രി വി.ഡി സതീശന് സാറിന് സ്നേഹപൂര്വ്വം അഭിനന്ദനങ്ങള്' , നിവിന് പോളി അറിയിച്ചു. ' ജനങ്ങളാണ് ഹൈക്കമാന്ഡ് എന്ന് തെളിയിച്ച ഏക നേതാവ്' എന്നാണ് നടന് ധര്മജന് ബോള്ഗാട്ടി കുറിച്ചത്.
