കേരളത്തിന്റെ നിയുക്ത മുഖ്യമന്ത്രി വി.ഡി സതീശന് ആശംസകള് അറിയിച്ച് സംവിധായകനും ബിഗ് ബോസ് താരവുമായ അഖില് മാരാര്. ജനങ്ങളോട് പറഞ്ഞ വാക്കുകള് പാലിച്ചില്ലെങ്കില് പിണറായി വിജയനെ എതിര്ത്തതിന്റെ പത്തിരട്ടി അങ്ങയെ എതിര്ക്കാന് താനും മുന്നില് ഉണ്ടാവും എന്നാണ് അഖില് മാരാര് ഫേസ്ബുക്കില് കുറിച്ചത്. വി.ഡി സതീശനൊപ്പമുളള ചിത്രവും കുറിപ്പിനൊപ്പം അഖില് മാരാര് പങ്കുവച്ചിട്ടുണ്ട്.
'' മുഖ്യമന്ത്രി ആയ വി. ഡി സതീശന് ഹൃദയത്തില് നിന്നും ആശംസകള്. ജനങ്ങളോട് പറഞ്ഞ വാക്കുകള് പാലിച്ചില്ലെങ്കില് പിണറായി വിജയനെ എതിര്ത്തതിന്റെ പത്തിരട്ടി അങ്ങയെ എതിര്ക്കാന് ഞാനും മുന്നില് ഉണ്ടാവും. പറഞ്ഞ വാക്കുകള് പാലിച്ചു ജനങ്ങളോട് നീതി പുലര്ത്തണം എന്നൊരു അപേക്ഷ മാത്രം''- അഖില് മാരാരിന്റെ വാക്കുകള്.
നിയമസഭാ തിരഞ്ഞെടുപ്പില് തൃക്കാക്കര നിയോജകമണ്ഡലത്തിലെ എന്ഡിഎ സ്ഥാനാര്ത്ഥിയായിരുന്നു അഖില് മാരാര്. 21444 വോട്ടാണ് അഖില് മാരാര്ക്ക് ലഭിച്ചത്. യുഡിഎഫിന്റെ ഉമാ തോമസാണ് തൃക്കാക്കരയില് വിജയിച്ചത്.
