സത്യപ്രതിജ്ഞ ചെയ്ത് അധികാരമേറ്റെടുത്ത വി.ഡി സതീശന്റെ നേതൃത്വത്തിലുളള പുതിയ യുഡിഎഫ് സര്ക്കാരിന് ആശംസകള് അറിയിച്ച് സംവിധായകന് വിനയന്. '' മുഖ്യമന്ത്രി വി. ഡി സതീശനും ടീമിനും ആശംസകള് നേരുന്നു. കേരള ജനതയ്കു നല്കിയ നല്ല പ്രതീക്ഷകള് പൂവണിയുന്നതു കാണാന് കാത്തിരിക്കുന്നു. നിഷ്പക്ഷമായ നീതി നടപ്പാകട്ടെ. ജനക്ഷേമ പദ്ധതികള് ഔദാര്യമല്ല ജനതയുടെ അവകാശമാണന്ന വാക്കുകള് അന്വര്ത്ഥമാകട്ടെ'', എന്നാണ് വിനയന് ഫേസ്ബുക്കില് കുറിച്ചത്.
തിരുവനന്തപുരം സെന്ട്രല് സ്റ്റേഡിയത്തില് നടന്ന ചടങ്ങില് രാവിലെ 10.17 നായിരുന്നു സത്യപ്രതിജ്ഞാ ചടങ്ങ്. വി.ഡി സതീശന് പിന്നാലെ പി.കെ കുഞ്ഞാലിക്കുട്ടി, രമേശ് ചെന്നിത്തല, സണ്ണി ജോസഫ്, കെ.മുരളീധരന്, മോന്സ് ജോസഫ്, ഷിബു ബേബി ജോണ്, അനൂപ് ജേക്കബ്, സി.പി.ജോണ്, എ.പി.അനില്കുമാര്, എം ഷംസുദ്ദീന്, പി.സി വിഷ്ണുനാഥ്, റോജി എം ജോണ്, ബിന്ദു കൃഷ്ണ, എം.ലിജു, കെ.എം.ഷാജി, പി.കെ. ബഷീര്, പി. അബ്ദുള്ഗഫൂര്, ടി.സിദ്ദിഖ്, കെ.എ.തുളസി, ഒ.ജെ. ജനീഷ് എന്നിവരും സത്യപ്രതിജ്ഞ ചെയ്ത് അധികാരമേറ്റെടുത്തു.
എല്ലാവരും ദൈവനാമത്തിലായിരുന്നു സത്യപ്രതിജ്ഞ ചെയ്തത്. മല്ലികാര്ജ്ജുന ഖാര്ഗേ, രാഹുല്ഗാന്ധി, പ്രിയങ്കാഗാന്ധി, കേരളത്തിലെ കോണ്ഗ്രസിന്റെ വിവിധ മുതിര്ന്ന നേതാക്കള്, നിയുക്ത പ്രതിപക്ഷ നേതാവ് പിണറായി വിജയന്, സിപിഐ സംസ്ഥാന സെക്രട്ടറി ബിനോയ് വിശ്വം, ബിജെപി സംസ്ഥാന പ്രസിഡന്റും എംഎല്എ യുമായ രാജീവ് ചന്ദ്രശേഖര് എ്ന്നിവരെല്ലാം ചടങ്ങിന് സാക്ഷിയാകാന് എത്തിയിരുന്നു.
