മലയാള സിനിമയുടെ അഭിമാനം മലയാളികളുടെ പ്രിയപ്പെട്ട ലാലേട്ടന്റെ 66-ാം ജന്മദിനമാണിന്ന്. സഹപ്രവര്ത്തകരും ആരാധകരുമടക്കം നിരവധിപ്പേര് മോഹന്ലാലിന് പിറന്നാള് ആശംസകള് അറിയിച്ച് സോഷ്യല് മീഡിയയില് എത്തുന്നുണ്ട്. ഇപ്പോള് നടന് ഇര്ഷാദ് അലി സോഷ്യല് മീഡിയയില് പങ്കുവച്ച കുറിപ്പ് ശ്രദ്ധ നേടുകയാണ്.
കൂടെയുളളവരെ സ്നേഹം കൊണ്ടും കരുതല് കൊണ്ടും ചേര്ത്തുനിര്ത്തുന്ന മോഹന്ലാലിന്റെ മനസ്സ് പലപ്പോഴും തന്നെ വിസ്മയിപ്പിച്ചിട്ടുണ്ടെന്ന് ഇര്ഷാദ് അലി കുറിച്ചു. സഹജീവികളോടുളള ആ പരിഗണന തന്നെയാണ് മോഹന്ലാലിനെ ഏറ്റവും പ്രിയപ്പെട്ട മനുഷ്യനാക്കുന്നതെന്ന് ഇര്ഷാദ് അലി പറഞ്ഞു.
'' അഭിനയത്തില് എക്കാലവും വിസ്മയിപ്പിച്ചു കൊണ്ടിരിക്കുന്ന അപൂര്വ്വ പ്രതിഭ. ക്യാമറയ്ക്ക് മുന്നിലെ പകര്ന്നാട്ടങ്ങള്ക്കപ്പുറം, കൂടെയുള്ളവരെ അളവറ്റ സ്നേഹം കൊണ്ടും കരുതല് കൊണ്ടും ചേര്ത്തുനിര്ത്തുന്ന ആ വലിയ മനസ്സ് പലപ്പോഴും വിസ്മയിപ്പിച്ചിട്ടുണ്ട്. സഹജീവികളോടുള്ള ആ പരിഗണന തന്നെയാണ് അദ്ദേഹത്തെ ഏറ്റവും പ്രിയപ്പെട്ട മനുഷ്യനാക്കുന്നത്. നമുക്ക് എന്നും അഭിമാനത്തോടെ ചേര്ത്തുപിടിക്കാനും, സ്നേഹത്തോടെ നമ്മെ ചേര്ത്തുനിര്ത്താനും ഇനിയുമേറെക്കാലം പൂര്ണ്ണ ആരോഗ്യത്തോടും ആയുസ്സോടും കൂടി ഈ ഭൂമിയില് ജീവിക്കാന് കഴിയട്ടെ.പ്രിയപ്പെട്ട ലാലേട്ടന് ജന്മദിനാശംസകള് '', ഇര്ഷാദ് അലിയുടെ വാക്കുകള്.
