റിയാദ്: കാത്തിരുന്ന് കാത്തിരുന്ന് ഒടുവില് കപ്പ് തൂക്കി ക്രിസ്ത്യാനോ റൊണാള്ഡോ. യൂറോപ്പിലെ കടുത്ത മത്സരങ്ങള് വിട്ട് സൗദിയിലേക്ക് കുടിയേറിയ ക്രിസ്ത്യാനോ റൊണാള്ഡോ സൗദിയില് ആദ്യ കിരീടമുയര്ത്തി. അല് നസറിനൊപ്പം സൗദി പ്രോ ലീഗില് താരം കപ്പുയര്ത്തി. സീസണിലെ അവസാന മത്സരത്തില് ഡമാക്കിനെതിരെ 4-1 ന് അല്-നാസര് വിജയിച്ചതോടെയാണ് മോഹം പൂവണിഞ്ഞത്.
മത്സരത്തില് ക്രിസ്ത്യാനോ ഇരട്ടഗോളുകള് നേടി. മാനേയും കോമാനും ടീമിന്റെ മറ്റു രണ്ടുഗോളുകളും നേടി. മാഞ്ചസ്റ്റര് യുണൈറ്റഡ് വിട്ടതിനുശേഷം, 2022 ഡിസംബറിലാണ് അല്-നാസര് ഈ സൂപ്പര്താരത്തെ ഒപ്പം കൂട്ടിയത്. ഇത് ലോകത്തെയാകെ അത്ഭുതപ്പെടുത്തുകയും രാജ്യത്തെ ആഗോള കായിക രംഗത്തിന്റെ ശ്രദ്ധാകേന്ദ്രമാക്കുകയും ചെയ്തു. എന്നാല്, മൂന്ന് വര്ഷത്തിലേറെ കഴിഞ്ഞിട്ടും 41 കാരനായ ഈ താരത്തിന് ഒരു പ്രധാന ആഭ്യന്തര കിരീടം പോലും നേടാനായിയിരുന്നില്ല. ആ കാത്തിരിപ്പിനാണ് ഒടുവില് വ്യാഴാഴ്ച അവസാനമായത്. മുഖ്യഎതിരാളികളായ അല് ഹിലാലിനെ മറികടന്നാണ് കിരീടം ചൂടിയത്.
അല് നസറാകട്ടെ 2019 ന് ശേഷമുള്ള തങ്ങളുടെ ആദ്യ ചാമ്പ്യന്ഷിപ്പ് കിരീടം അവര് സ്വന്തമാക്കിയത്. അടുത്തിടെ സൗദി പ്രോ ലീഗില് തന്റെ 100-ാം ഗോള് തികച്ച റൊണാള്ഡോ, ക്ലബ്ബിനായി എല്ലാ ടൂര്ണമെന്റുകളിലുമായി ഇതുവരെ 129 ഗോളുകള് നേടിയിട്ടുണ്ട്.
പ്രേക്ഷകര്ക്ക് ആവേശകരമായ ഒരു അന്ത്യമാണ് സമ്മാനിക്കപ്പെട്ടത്. മത്സരം 97-ാം മിനിറ്റിലേക്ക് കടക്കുമ്പോള് അല്-നാസര് 1-0 ന് മുന്നിലായിരുന്നു. മഞ്ഞക്കുപ്പായമണിഞ്ഞ ആരാധകര്ക്കിടയില് ആഘോഷങ്ങള് ഇതിനകം തന്നെ തുടങ്ങിക്കഴിഞ്ഞിരുന്നു, എന്നാല് മത്സരത്തിലെ അവസാന നീക്കത്തില്, ഗോള്കീപ്പര് ബെന്റോയുടെ കൈകളില് നിന്ന് ഒരു ലളിതമായ ക്യാച്ച് അപ്രതീക്ഷിതമായി കൈവിട്ടുപോവുകയും അത് ഒരു ഓണ് ഗോളായി മാറുകയും ചെയ്തു. ആ മത്സരം 1-1 ന് അവസാനിച്ചതോടെ കിരീടപ്പോരാട്ടം വീണ്ടും സജീവമായി നിന്നു, എന്നാല് വ്യാഴാഴ്ച ടീം മികച്ച പ്രകടനത്തിലൂടെ തങ്ങളുടെ ദൗത്യം വിജയകരമായി പൂര്ത്തിയാക്കി.
അല്-നാസറിന്റെ 11-ാം കിരീടം എന്നതിനൊപ്പം, ഇംഗ്ലണ്ടില് മാഞ്ചസ്റ്റര് യുണൈറ്റഡ്, സ്പെയിനില് റയല് മാഡ്രിഡ്, ഇറ്റലിയില് യുവന്റസ് എന്നിവര്ക്കൊപ്പം നേടിയ വിജയങ്ങള്ക്ക് ശേഷം റൊണാള്ഡോയുടെ എട്ടാമത്തെ ലീഗ് ചാമ്പ്യന്ഷിപ്പാണിത്. ഏഷ്യയിലെ യൂറോപ്പ ലീഗിന് തുല്യമായ എഎഫ്സി ചാമ്പ്യന്സ് ലീഗ് ടു ഫൈനലില് ശനിയാഴ്ച ജപ്പാന്റെ ഗാംബ ഒസാക്കയോട് അല്-നാസര് അപ്രതീക്ഷിതമായി പരാജയപ്പെട്ടതിന് ശേഷം റൊണാള്ഡോയ്ക്ക് ഈ കിരീടം വലിയൊരു ആശ്വാസമായി മാറും.
