ഗായകനും സംഗീതസംവിധായകനുമായ മിഥുന് ജയരാജ് തന്റെ വിവാഹവാര്ഷിക ദിനത്തില് പങ്കുവെച്ച കുറിപ്പാണ് ഇപ്പോള് സോഷ്യല് മീഡിയയില് ശ്രദ്ധനേടുന്നത്. 15 വര്ഷത്തെ വിജയകരമായ ദാമ്പത്യജീവിതത്തിന്റെ സന്തോഷം പങ്കുവെക്കുന്നതോടൊപ്പം, തങ്ങളുടെ ജീവിതത്തെക്കുറിച്ച് തെറ്റായ പ്രവചനം നടത്തിയ ഒരു ജ്യോതിഷിക്കുളള രസകരമായ മറുപടിയും കുറിപ്പിലുണ്ട്.
തങ്ങളുടെ ജീവിതയാത്രയെ ഒരു തോണിയോടാണ് മിഥുന് ഉപമിച്ചിരിക്കുന്നത്.‘15 വര്ഷം ആയി ഒരുമിച്ച് ഒരേ തോണിയില് ഉള്ള യാത്ര വലിയ കൊടുങ്കാറ്റുകള് പലതും വന്നു. മുങ്ങാതെ പിടിച്ചു നിന്നു ഇത്രേം കാലം. ഇനീം കുറെ കാലം ദൂരം പോകാനുണ്ട് .തുടങ്ങിയ ഇടത്തു നിന്നും ഒരുപാട് മുന്നോട്ട് എത്തി രണ്ടാളും. വീഴാതെ തളരാതെ കാത്തതിന്..എന്നെ വിശ്വസിച്ച് കൂടെ കൂടിയതിനും സപ്പോര്ട്ട് ചെയ്തതിനും, സുഹൃത്തായരിക്കുന്നതിനും നന്ദി ഇന്ദു.
4 വര്ഷം കഴിഞ്ഞാല് divorce ആവും എന്ന് പറഞ്ഞ ആ ജ്യോതിഷിയെ ഒന്ന് കാണണം എന്തായാലും. 4 വര്ത്താനം പറയണം അയാളോട്.( ആ മഹാന് നന്മ മാത്രം വരണേ എന്റെ ഭഗവാനേ )’ മിഥുന് കുറിച്ചു. കുടുംബസമേതമുളള മനോഹരമായ ചിത്രങ്ങളും അദ്ദേഹം കുറിപ്പിനൊപ്പം ചേര്ത്തിട്ടുണ്ട്. നിരവധിപ്പേരാണ് ഇവര്ക്ക് ആശംസകള് അറിയിച്ചെത്തുന്നത്.
റിയാലിറ്റി ഷോകളിലൂടെയും ചാനല് പരിപാടികളിലുടെയും മലയാളി പ്രേക്ഷകര്ക്ക് ഏറെ സുപരിചിതരാണ് മിഥുന് ജയരാജും ഭാര്യ ഇന്ദുവും. ദക്ഷിണ എന്നൊരു മകളാണ് ഈ ദമ്പതികള്ക്കുളളത്.
