തിരുവനന്തപുരം: ഇന്ധനവിലയില് വീണ്ടും വര്ധനവ് രേഖപ്പെടുത്തി. പെട്രോള് ലിറ്ററിന് 87 പൈസയും ഡീസലിന് 91 പൈസയുമാണ് ഇന്ന് കൂട്ടിയത്. കഴിഞ്ഞ പത്ത് ദിവസത്തിനിടെ ഇത് മൂന്നാമത്തെ തവണയാണ് എണ്ണക്കമ്പനികള് വില വര്ധിപ്പിക്കുന്നത്.
കോവിഡ്/ലോക്ക്ഡൗണ് നിയന്ത്രണങ്ങള്ക്ക് ശേഷം മെയ് 15-നാണ് രാജ്യത്ത് വലിയൊരു വിലവര്ധനവ് ഉണ്ടായത്. അന്ന് പെട്രോളിനും ഡീസലിനും ലിറ്ററിന് 3 രൂപ വീതം ഒറ്റയടിക്ക് വര്ധിപ്പിച്ചിരുന്നു. തൊട്ടുപിന്നാലെ കഴിഞ്ഞ ദിവസവും പെട്രോളിന് 86 പൈസയും ഡീസലിന് 83 പൈസയും കൂട്ടിയിരുന്നു. ഇതിന് പിന്നാലെയാണ് ഇപ്പോള് വീണ്ടും വില ഉയര്ത്തിയിരിക്കുന്നത്. വരും ദിവസങ്ങളിലും ഇന്ധനവില നേരിയ തോതില് ഉയര്ത്താനാണ് എണ്ണക്കമ്പനികളുടെ നീക്കം. മൊത്തത്തില് എട്ട് രൂപ വരെ വര്ധിപ്പിക്കാനാണ് ലക്ഷ്യമിടുന്നത്.
ഇന്ധനവിലയ്ക്ക് പിന്നാലെ ഗാര്ഹിക ആവശ്യങ്ങള്ക്കുള്ള പാചകവാതക സിലിണ്ടറുകളുടെ വിലയും ഉടന് വര്ധിക്കുമെന്നാണ് റിപ്പോര്ട്ടുകള് സൂചിപ്പിക്കുന്നത്. അന്താരാഷ്ട്ര വിപണിയില് ക്രൂഡ് ഓയില് വില ഇനിയും ഉയര്ന്നാല് വരും ദിവസങ്ങളിലും രാജ്യത്ത് ഇന്ധനവില കൂടിയേക്കും. തുടര്ച്ചയായുണ്ടാകുന്ന ഈ വിലവര്ധനവ് സാധാരണക്കാരുടെ ജീവിതത്തെ സാരമായി ബാധിക്കും.
അന്താരാഷ്ട്ര വിപണിയില് അസംസ്കൃത എണ്ണയുടെ (ക്രൂഡ് ഓയില്) വില കുതിച്ചുയരുന്നത് വലിയ തിരിച്ചടിയാകും. ഇന്ധനവില കൂടുന്നത് ചരക്കുകൂലിയും യാത്രാച്ചെലവും വര്ധിപ്പിക്കും. ഇത് ടാക്സി, ബസ് സര്വീസുകളെ പ്രതിസന്ധിയിലാക്കുമെന്നു മാത്രമല്ല, വിപണിയില് നിത്യോപയോഗ സാധനങ്ങളുടെ വിലക്കയറ്റത്തിന് നേരിട്ട് കാരണമാവുകയും ചെയ്യും.
