എംജി സര്വകലാശാലയുടെ ഓണററി ഡോക്ടറേറ്റ് ലഭിച്ച സന്തോഷം സമൂഹമാധ്യമങ്ങളിലൂടെ പങ്കുവെച്ച് നടന് മമ്മൂട്ടി. കോട്ടയത്ത് വച്ച് നടന്ന ചടങ്ങില് ഗവര്ണര് രാജേന്ദ്ര ആര്ലേക്കര് മമ്മൂട്ടിക്ക് ഡോക്ടറേറ്റ് നല്കി ആദരിച്ചു. ഇതിന്റെ ചിത്രങ്ങളും നടന് സോഷ്യല് മീഡിയയില് പങ്കുവച്ചു.
'മഹാത്മാഗാന്ധി യൂണിവേഴ്സിറ്റിയുടെ ഓണററി ഡി ലിറ്റ് ബിരുദം ഇന്ന് ബഹുമാനപ്പെട്ട കേരള ഗവര്ണറില് നിന്ന് സ്വീകരിക്കാന് കഴിഞ്ഞതില് ഏറെ സന്തോഷവും അഭിമാനവുമുണ്ട്. ഈ അവിസ്മരണീയമായ യാത്രയില് ഉടനീളം എന്നെ പിന്തുണച്ച ഏവര്ക്കും എന്റെ ഹൃദയം നിറഞ്ഞ നന്ദി', മമ്മൂട്ടി കുറിച്ചു.
മമ്മൂട്ടിയെ കൂടാതെ നാദസ്വര വിദ്വാന് തിരുവിഴ ജയശങ്കര്, വാസ്കുലര് സര്ജന് ഡോ എന് രാധാകൃഷ്ണന് എന്നിവര്ക്കും ഓണററി ബിരുദം നല്കി. ഇന്ത്യന് സിനിമയ്ക്ക് നല്കിയ സമഗ്ര സംഭാവന പരിഗണിച്ചാണ് മമ്മൂട്ടിക്ക് ഡി ലിറ്റ് നല്കുന്നത്. പ്രോ- ചാന്സലറും മന്ത്രിയുമായ റോജി എം ജോണും ചടങ്ങില് പങ്കെടുത്തു.
