കൊല്ക്കത്ത: പശ്ചിമ ബംഗാളില് ജനപ്രിയ പദ്ധതികള് പ്രഖ്യാപിച്ച് മുഖ്യമന്ത്രി സുവേന്ദു അധികാരി. അഞ്ചു രൂപയ്ക്ക് ഊണും മീനും, സ്ത്രീകള്ക്ക് അന്നപൂര്ണയോജനയ്ക്കു കീഴില് പ്രതിമാസം മൂവായിരം രൂപ, മദ്യശാലകള്ക്കു നിയന്ത്രണം, പുതുതായി ആയുഷ് വകുപ്പിന്റെ രൂപീകരണം തുടങ്ങിയവയാണു പ്രഖ്യാപിച്ചത്.
അന്നപൂര്ണ യോജന പദ്ധതിയുടെ അപേക്ഷാ ഫോമുകള് ഇന്നു മുതല് വിതരണം ചെയ്തു തുടങ്ങുമെന്ന് ബംഗാള് മുഖ്യമന്ത്രി അറിയിച്ചു. ഈ പദ്ധതി പ്രകാരം സ്ത്രീകള്ക്ക് പ്രതിമാസം 3,000 രൂപ ധനസഹായം ലഭിക്കും. അന്നപൂര്ണ യോജനയുടെ ആനുകൂല്യങ്ങള് എല്ല ഇന്ത്യക്കാര് ലഭിക്കുമെന്നും സുവേന്ദു അധികാരി പറഞ്ഞു. ആഴ്ചയില് രണ്ടു തവണ അഞ്ചു രൂപയ്ക്ക് മീന് കൂട്ടിയുള്ള ഊണ് ലഭ്യമാക്കും.
ഇതിനായി 400 പ്രത്യേക കാന്റീനുകള് സ്ഥാപിക്കും. സംസ്ഥാനത്ത് മദ്യശാലകള്ക്കു കര്ശന നിയന്ത്രണം ഏര്പ്പെടുത്തും. സ്കൂളുകള്, സ്കൂളുകള്, കോളജുകള്, ആരാധനാലയങ്ങള് എന്നിവയുടെ ഒരു കിലോമീറ്റര് ചുറ്റളവില് മദ്യശാലകള് അനുവദിക്കില്ല.
അനധികൃത കുടിയേറ്റക്കാര്ക്കെതിരേ കര്ശന നടപടികള് സ്വീകരിക്കുമെന്നും അദ്ദേഹം പറഞ്ഞു. ആരോഗ്യവകുപ്പില്നിന്ന് വേര്പെടുത്തി സംസ്ഥാനത്ത് പുതിയ ആയുഷ് വകുപ്പ് രൂപീകരിക്കുമെന്നും സുവേന്ദു അധികാരി പറഞ്ഞു.
