കൊച്ചി: നടിയെ ആക്രമിച്ച കേസിന്റെ അന്വേഷണത്തിനിടെ മെമ്മറി കാര്ഡിലെ ദൃശ്യങ്ങള് ചോര്ന്നുവെന്നും അന്വേഷണം വേണമെന്നുമാവശ്യപ്പെട്ട് അതിജീവിത സമര്പ്പിച്ച പുനരന്വേഷണ ഹര്ജി പരിഗണിക്കുന്നതില് നിന്ന് ജഡ്ജി പിന്മാറി. ജസ്റ്റിസ് ജോബിന് സെബാസ്റ്റ്യനാണ് പിന്മാറിയത്.
അതിജീവിതയുടെ ഹര്ജി മറ്റൊരു ബെഞ്ച് പരിഗണിക്കും. മെമ്മറി കാര്ഡ് ഹാഷ് വാല്യൂ മാറിയതില് അന്വേഷണം വേണമെന്നും അതിജീവിത കോടതിയില് ആവശ്യപ്പെട്ടപ്പോള് ഹര്ജി വിശദമായി കേള്ക്കാമെന്ന് കോടതി വ്യക്തമാക്കി. നേരത്തെ അന്വേഷണം ആവശ്യപ്പെട്ടിരുന്നോ വീഴ്ച്ച വരുത്തിയവര്ക്കെതിരെ എന്തെങ്കിലും നടപടി സ്വീകരിച്ചിട്ടുണ്ടോ എന്ന് കോടതി ചോദിച്ചു.
പുതിയ ഹര്ജിയാണ് മറുപടി നല്കാന് സാവകാശം വേണമെന്നായിരുന്നു പ്രോസിക്യൂഷന് മറുപടി നല്കിയത്. അന്വേഷണ റിപ്പോര്ട്ടിന്റെ അടിസ്ഥാനത്തില് ആര്ക്കെതിരെയെങ്കിലും ഏതെങ്കിലും തരത്തില് ക്രിമിനല് നടപടികള് തുടങ്ങിയിട്ടുണ്ടോ എന്നും കോടതി ചോദിച്ചിട്ടുണ്ട്.
