തിരുവനന്തപുരം: സ്ത്രീകൾക്ക് സൗജന്യ യാത്ര അനുവദിച്ചിട്ടുള്ള കെ എസ് ആർ ടി സി ഓർഡിനറി ബസുകളുടെ സബ് ക്ലാസ് ലിസ്റ്റ് അധികൃതർ ഔദ്യോഗികമായി പുറത്തിറക്കി. ഓർഡിനറി ബസുകളുടെ ഗണത്തിൽ പെടുന്ന ഏഴ് പ്രധാന വിഭാഗങ്ങളിലാണ് സ്ത്രീകൾക്ക് ഈ സബ് ക്ലാസ് അടിസ്ഥാനത്തിൽ സൗജന്യ യാത്ര ആനുകൂല്യം ലഭിക്കുകയെന്ന് കെ എസ് ആർ ടി സി അറിയിച്ചിട്ടുണ്ട്.
സ്ത്രീകൾക്ക് സൗജന്യ യാത്ര ലഭ്യമാകുന്ന ബസുകള് തിരിച്ചറിയാന് പ്രിയദര്ശിനി സ്റ്റിക്കര് ഒട്ടിക്കുക്കുമെന്ന് ഗതാഗതമന്ത്രി സി.പി.ജോൺ. സ്ത്രീ സൗജന്യ യാത്രാ പദ്ധതിയുടെ ഉദ്ഘാടനം ജൂണ് 15ന് രാവിലെ 8.30ന് തമ്പാനൂര് ബസ് ടെര്മിനല് മുഖ്യമന്ത്രി വി.ഡി. സതീശനാണ് നിര്വഹിക്കുന്നത്. 8.30ന് ശേഷമായിരിക്കും സ്ത്രീകള്ക്കു സൗജന്യമായി യാത്ര ചെയ്യാന് കഴിയുക.
ആദ്യഘട്ടത്തിൽ കെഎസ്ആർടിസിയുടെ 3,125 ഓർഡിനറി ബസുകളിലാണ് പദ്ധതി നടപ്പാക്കുന്നത്. സ്ത്രീകൾക്ക് സൗജന്യമായി യാത്ര ചെയ്യാൻ പ്രത്യേക രജിസ്ട്രേഷനോ രേഖകളോ ആവശ്യമില്ല. യാത്രയ്ക്കിടെ കണ്ടക്ടറിൽ നിന്ന് 'സീറോ ടിക്കറ്റ്' അല്ലെങ്കിൽ 'പ്രിയദർശിനി' ടിക്കറ്റ് കൈപ്പറ്റിയാൽ മതിയാകും . പ്രായഭേദമെന്യേ എല്ലാ സ്ത്രീകൾക്കും ട്രാൻസ്ജെൻഡർ വ്യക്തികൾക്കും ഓർഡിനറി സർവീസുകളിൽ സൗജന്യ യാത്ര ലഭ്യമാകും.
എഴ് വിഭാഗം ബസുകളിൽ ഇനി സ്ത്രീകൾക്ക് യാത്ര സൗജന്യം
സാധാരണ ഓർഡിനറി സർവീസ്
സിറ്റി ഓർഡിനറി ബസ്
ലിമിറ്റഡ് സ്റ്റോപ്പ് ഓർഡിനറി സർവീസ്
ടൗൺ ടു ടൗൺ ബസ്
ഫെയർ സ്റ്റേജ് ലിമിറ്റഡ് സ്റ്റോപ്പ് ഓർഡിനറി
പോയിന്റ് ടു പോയിന്റ് ഓർഡിനറി സർവീസ്
ഗ്രാമവണ്ടി സർവീസ്
ഓർഡിനറി ബസുകളുടെ എണ്ണം; ജില്ല തിരിച്ചുള്ള കണക്ക്
തിരുവനന്തപുരം 687
കൊല്ലം 415
പത്തനംതിട്ട 150
ആലപ്പുഴ 227
കോട്ടയം 162
ഇടുക്കി 125
എറണാകുളം 325
തൃശൂർ 153
പാലക്കാട് 122
മലപ്പുറം 98
കോഴിക്കോട് 156
വയനാട് 172
കണ്ണൂർ 205
കാസർകോട് 128
