തിരുവനന്തപുരം: കഴിഞ്ഞ മൂന്ന് പതിറ്റാണ്ട് ഐഎഫ്എഫ്കെയ്ക്കു ആതിഥേയത്വം വഹിച്ച തലസ്ഥാന നഗരിയായ തിരുവനന്തപുരത്തു നിന്നും അന്താരാഷ്ട്ര ചലച്ചിത്ര മേള കൊച്ചിയിലേക്ക് മാറ്റാന് കേരള സര്ക്കാര് പദ്ധതിയിടുന്നു.സൂചനകള്ക്കിടെ പ്രതിഷേധവുമായി ചലച്ചിത്ര പ്രേമികള്.
മുഖ്യമന്ത്രി വി ഡി സതീശന് നിയമസഭയില് അവതരിപ്പിച്ച 2026-27 സാമ്പത്തിക വര്ഷത്തെ പുതുക്കിയ ബജറ്റിലാണ് കൊച്ചിയില് 100 കോടി രൂപ ചെലവില് 'ജെ സി ഡാനിയേല് ഇന്റെ്ര്നാഷണല് ഫിലിം സിറ്റി' സ്ഥാപിക്കുമെന്ന പ്രഖ്യാപനം. അന്താരാഷ്ട്ര ചലച്ചിത്ര മേളയ്ക്ക് ഒരു സ്ഥിരം വേദി ഒരുക്കുക എന്നത് ഇതിന്റെ പ്രധാന ലക്ഷ്യങ്ങളിലൊന്നാണെന്നും ബജറ്റ് പ്രഖ്യാപനത്തില് വ്യക്തമാക്കുന്നു.
ഇന്റെ്ര്നാഷണല് ഫെഡറേഷന് ഓഫ് ഫിലിം പ്രൊഡ്യൂസേഴ്സ് അസോസിയേഷന്സിന്റെ' അക്രഡിറ്റേഷനുള്ള ചലച്ചിത്ര മേളയാണ് ഐഎഫ്എഫ്കെ. മേളയുടെ സ്ഥിരം വേദി മാറ്റാനുള്ള സര്ക്കാരിന്റെ് നീക്കം വലിയ സാങ്കേതിക പ്രതിസന്ധികള്ക്ക് കാരണമായേക്കാമെന്ന് ചലച്ചിത്ര പ്രമികള് ചൂണ്ടിക്കാട്ടുന്നു. നിലവിലെ സ്ഥിരം വേദി മാറ്റിയാല് അന്താരാഷ്ട്ര തലത്തിലുള്ള ഈ വലിയ അക്രഡിറ്റേഷന് നഷ്ടപ്പെടാന് സാധ്യതയുണ്ടെന്നും ഇവര് ചൂണ്ടിക്കാട്ടുന്നു.
