തിരുവനന്തപുരം : കീം പരീക്ഷാഫലം പ്രഖ്യാപിച്ചു .. ഉന്നത വിദ്യാഭ്യാസ മന്ത്രി റോജി എം ജോൺ കൊച്ചിയിൽ വച്ചാണ് ഫലം ഔദ്യോഗികമായി പുറത്തുവിട്ടത്. എന്ജിനീയറിങ്ങില് ആകെ 96,750 പേര് പരീക്ഷയ്ക്ക് ഹാജരായത്തില് 79,717 പേര് യോഗ്യത നേടി . എറണാകുളം സ്വദേശി റോഷൻ രാജു ഒന്നാം റാങ്ക് കരസ്ഥമാക്കി.കണ്ണൂർ സ്വദേശി ധ്യാൻ തേജ് രണ്ടാം റാങ്കും, തൃശൂർ സ്വദേശി വിസ്മയ കെ ആർ മൂന്നാം റാങ്കും നേടി.
വലിയ തയ്യാറെടുപ്പുകളോടുകൂടിയാണ് കീം പരീക്ഷ നടത്തിയതെന്നും പരാതികള് ഇല്ലാതെ സമയബന്ധിതമായി നടത്തിയെന്നും ഉന്നതവിദ്യാഭ്യാസ മന്ത്രി റോജി എം ജോണ് പറഞ്ഞു. സിബിഎസ്ഇ ഫലപ്രഖ്യാപനത്തിലെ അനിശ്ചിതത്വം കാരണമാണ് കീം ഫലപ്രഖ്യാപനം വൈകിയതെന്ന് മന്ത്രി വ്യക്തമാക്കി . ജൂലൈ 8 ന് ആദ്യ അലോട്മെന്റ് നടക്കും.
കേരളത്തില് 192 പരീക്ഷാ കേന്ദ്രങ്ങള് ഉണ്ടായിരുന്നു, കേരളത്തിന് പുറത്തും വിദേശത്തും പരീക്ഷാ കേന്ദ്രങ്ങള് ഉണ്ടായിരുന്നു. കേരളത്തില് 95,016 പേര് പരീക്ഷയ്ക്ക് ഹാജരായിരുന്നു. സിബിഎസ്ഇ പുനര് മൂല്യനിര്ണയ ഫലം വൈകിയതിനാല് കുറച്ച് കുട്ടികള്ക്ക് മാര്ക്ക് ഷീറ്റ് അപ്ലോഡ് ചെയ്യാനാണ് കീം ഫലപ്രഖ്യാപനം വൈക്കിയത്.
സിബിഎസ്ഇ വിദ്യാര്ഥികള്ക്ക് മാര്ക്ക് ലിസ്റ്റ് സമര്പ്പിക്കാന് പരമാവധി സമയം നല്കിയെന്ന് മന്ത്രി പറഞ്ഞു. മാര്ക്ക് ലിസ്റ്റ് സമര്പ്പിക്കാന് രണ്ടു തവണ സമയം നീട്ടി നല്കി. രാജ്യത്താകെ സിബിഎസ്ഇ പുനര്മൂല്യനിര്ണയത്തില് 13 ശതമാനം കൂടി ഫലം പുറത്തു വരാനുണ്ട്. ഇതില് വളരെ ചെറിയൊരു ശതമാനം എണ്ണം കുട്ടികളേ കേരളത്തില് നിന്നുള്ളൂ – അദ്ദേഹം പറഞ്ഞു.
