തിരുവനന്തപുരം: വിഴിഞ്ഞം തുറമുഖവുമായി ബന്ധപ്പെട്ട് തങ്ങളുടെ ഷെയര് സ്വകാര്യകപ്പല് കമ്പനിക്ക് വില്ക്കാനുള്ള അദാനി ഗ്രൂപ്പിന്റെ തീരുമാനം അറിഞ്ഞിരുന്നില്ലെന്ന് മുഖ്യമന്ത്രി പറയുന്നത് പച്ചക്കള്ളമെന്ന് സിപിഐഎം സംസ്ഥാനസെക്രട്ടറി എം.വി. ഗോവിന്ദന്. ബംഗലുരുവില് അദാനിയുടെ അരികിലേക്ക് യാത്ര നടത്തിയ മുഖ്യമന്ത്രി വിവരം പത്രങ്ങളിലൂടെയാണ് അറിഞ്ഞതെന്ന പറയുന്നത് വിശ്വസിക്കാനാകില്ലെന്നും പറഞ്ഞു.
ലോകത്ത് തന്നെ ശ്രദ്ധയേമായ വിഴിഞ്ഞം തുറമുഖം അതിന്റെ കൃത്യം തുടരുകയാണ്. തുറമുഖം യാഥാര്ത്ഥ്യമാക്കാന് കേരളാഗവണ്മെന്റിന് വലിയ ബാദ്ധ്യതയാണ് ഏറ്റെടുക്കേണ്ടി വന്നത്. ഉമ്മന്ചാണ്ടി സര്ക്കാരാണ് തുറമുഖത്തിന്റെ കരാറില് ഒപ്പുവെച്ചത്. എല്ഡിഎഫ് സര്ക്കാര് പദ്ധതി നടപ്പിലാക്കിയപ്പോള് അദാനിയുമായി കരാര് ഉണ്ടാക്കി തുറമുഖം തുടങ്ങിയെന്നും ഇടതുപക്ഷം ഇടതുപക്ഷമല്ലാതായെന്നുമാണ് വിമര്ശിച്ചത്.
ലോകത്തെ തന്ത്രഎ്രപധാനമായ തുറമുഖം കൂടിയായ വിഴിഞ്ഞത്തിന്റെ 25 ശതമാനം ഓഹരി കൈമാറാന് പോലും സര്ക്കാരിന്റെ അനുമതി വേണമെന്നിരിക്കെ മുഖ്യമന്ത്രി അറിഞ്ഞില്ലെന്ന് എങ്ങിനെ പറയാനാകുമെന്നും ചോദിച്ചു. വിഴിഞ്ഞം തുറമുഖവുമായി ബന്ധപ്പെട്ട് 49 ശതമാനം ഓഹരി അദാനി എംഎസ് സി കപ്പല് കമ്പനിക്ക് കൈമാറുന്നത് സംബന്ധിച്ച വിവരം ചര്ച്ചയായപ്പോള് അദാനി സര്ക്കാരിനെ സമീപിച്ചിട്ടില്ലെന്നും വിവരം അറിഞ്ഞത് മാധ്യമങ്ങള് വഴിയാണെന്നുമായിരുന്നു മുഖ്യമന്ത്രി സഭയില് പറഞ്ഞത്.
