തിരുവനന്തരപുരം: വിഴിഞ്ഞം തുറമുഖ ഓഹരി കൈമാറ്റത്തില് നിലപാട് കടുപ്പിക്കാനൊരുങ്ങി പ്രതിപക്ഷം. വരും ദിവസങ്ങളില് കനത്ത പ്രതിഷേധം നടത്താനും മുഖ്യമന്ത്രിയെ പ്രതിക്കൂട്ടിലാക്കുന്ന തരത്തില് നീങ്ങാനുമാണ് ഉദ്ദേശം. ഇക്കാര്യത്തില് താഴേത്തട്ടില് പ്രചാരണം ശക്തമാക്കുകയും ചെയ്യും.
സര്ക്കാരിനെതിരേയുള്ള പ്രചരണവും പ്രക്ഷോഭവും ഒരുപോലെ ശക്തിപ്പെടുത്താനാണ് തീരുമാനം. മുഖ്യമന്ത്രിയും അദാനിയും എംഎസ്സി കമ്പനിയുമായി നടന്നത് വലിയ ഡീലാണെന്നാണ് സിപിഐഎമ്മിന്റെ ആരോപണം. പ്രതിപക്ഷം അതിരൂക്ഷ വിമര്ശനം ഉന്നയിക്കുന്നതിനിടെ സര്ക്കാര് ചെലവിട്ട തുക മുഖ്യമന്ത്രി വി ഡി സതീശന് പുറത്തുവിട്ടിരിക്കുകയാണ്. കഴിഞ്ഞ സര്ക്കാരിന്റെ കാലത്ത് സംസ്ഥാന സര്ക്കാരും കേന്ദ്രവും ചേര്ന്ന് 5,370 കോടി ചെലവിട്ടെന്നായിരുന്നു പ്രതിപക്ഷത്തിന്റെ വാദം.
വിഴിഞ്ഞം തുറമുഖ പദ്ധതിക്ക് വേണ്ടി സര്ക്കാര് ചെലവിട്ടത് 3764.54 കോടി രൂപയാണെന്നാണ് മുഖ്യമന്ത്രി വ്യക്തമാക്കിയിരിക്കുന്നത്. നിയമസഭയില് പ്രതിപക്ഷ എംഎല്എമാരുടെ ചോദ്യത്തിന് നല്കിയ മറുപടിയിലാണ് ഇക്കാര്യം വ്യക്തമാക്കിയത്. ഒന്നാം ഘട്ടത്തില് കേന്ദ്ര സര്ക്കാര് 817.80 കോടി രൂപയും അദാനി ഗ്രൂപ്പ് 2454 കോടിയും ചെലവ് ചെയ്തതായി മുഖ്യമന്ത്രി വി ഡി സതീശന് വിശദീകരിച്ചു.
