മിനീസ്ക്രീന് പ്രേക്ഷകര്ക്ക് പ്രിയപ്പെട്ട താരദമ്പതികളാണ് മൃദൃല വിജയ്യും യുവ കൃഷ്ണയും. സോഷ്യല് മീഡിയയില് സജീവമായ ഇവര് തങ്ങളുടെ ജീവിതത്തിലെ വിശേഷങ്ങളെല്ലാം ആരാധകരുമായി പങ്കുവയ്ക്കാറുണ്ട്.
ഇപ്പോഴിതാ അഞ്ചാം വിവാഹവാര്ഷിക ദിനത്തില് മൃദുലയ്ക്ക് ഒപ്പമുളള ചിത്രങ്ങള് പങ്കുവച്ചിരിക്കുകയാണ് യുവ കൃഷ്ണ. '5 വര്ഷത്തെ ഒരുമിച്ചുള്ള ജീവിതത്തിന് ആശംസകള് എന്റെ സ്നേഹമേ. ഈ 5 വര്ഷങ്ങള് വളരെ വിലപ്പെട്ടതാണ്, ഇതിനൊപ്പം ഒരു പൂജ്യം കൂടി ചേര്ത്ത് ഇത് 50 വര്ഷമാക്കാന് ഞങ്ങള് ആഗ്രഹിക്കുന്നു. ഞങ്ങളുടെ അഞ്ചാം വിവാഹവാര്ഷികം'', എന്നാണ് ചിത്രങ്ങള്ക്ക് അടിക്കുറിപ്പായി നല്കിയത്. നിരവധി ആരാധകര് പോസ്റ്റിന് താഴെയായി മൃദുലയ്ക്കും യുവ കൃഷ്ണയ്ക്കും വിവാഹവാര്ഷികാശംസകള് നേര്ന്ന് എത്തി.
2021 ജൂലൈ 8-നാണ് യുവ കൃഷ്ണയും മൃദുല വിജയ്യും വിവാഹം കഴിക്കുന്നത്. ധ്വനി കൃഷ്ണ എന്നാണ് ഈ ദമ്പതികളുടെ മകളുടെ പേര്.
