വിന്ഫാസ്റ്റ് VF 7 (VinFast VF 7) ഇലക്ട്രിക് എസ്യുവി സ്വന്തമാക്കി നടിയും ഫാഷന് ഡിസൈനറും സംരംഭകയുമായ പൂര്ണിമ ഇന്ദ്രജിത്ത്. വിയറ്റ്നാമീസ് ഇവി ബ്രാന്ഡ് ആയ വിന്ഫാസ്റ്റിന്റെ ഈ ക്രോസ്ഓവര് എസ്യുവി കൊച്ചിയിലെ ഡീലര്ഷിപ്പില് നിന്നാണ് താരം ഡെലിവറിയെടുത്തത്. വിന്ഫാസ്റ്റിന്റെ കൊച്ചിയിലെ കോസ്റ്റലൈന് വിന്ഫാസ്റ്റ് ഡീലര്ഷിപ്പ് ഔദ്യോഗിക ഇന്സ്റ്റാഗ്രാം പേജിലൂടെ പൂര്ണിമയും പുത്തന് ഇവി ഏറ്റുവാങ്ങുന്നതിന്റെ വീഡിയോ പങ്കുവെച്ചിട്ടുണ്ട്. വിന്ഫാസ്റ്റ് VF 7 സീരീസിലെ ഏറ്റവും ഉയര്ന്ന സ്കൈ ഇന്ഫിനിറ്റി (Sky Infinity) വേരിയന്റ് ആണ് താരം തിരഞ്ഞെടുത്തത്.
ഏകദേശം 28.09 ലക്ഷം രൂപയാണ് ഈ ടോപ്പ്-എന്ഡ് മോഡലിന്റെ എക്സ്-ഷോറൂം വില വരുന്നത്. അര്ബന് മിന്റ് ഷെയ്ഡിലാണ് പൂര്ണിമയുടെ വിന്ഫാസ്റ്റ് VF7 പൂര്ത്തിയാക്കിയിരിക്കുന്നത്. സാങ്കേതിക വശങ്ങളിലേക്ക് നോക്കിയാല്, 75.3 kWh ശേഷിയുള്ള വമ്പന് ലിഥിയം-അയണ് ബാറ്ററി പായ്ക്കാണ് ഈ പ്രീമിയം എസ്യുവിയില് ഘടിപ്പിച്ചിരിക്കുന്നത്. ഇതിലെ ഓള്-വീല് ഡ്രൈവ് (AWD) മോട്ടോര് സിസ്റ്റം പരമാവധി 348 bhp പവറും 500 Nm ടോര്ക്കും ഉത്പാദിപ്പിക്കാന് ശേഷിയുള്ളതാണ്. ഫുള് ചാര്ജില് ഏകദേശം 510 കിലോമീറ്റര് വരെയാണ് ഈ മോഡലിന്റെ ക്ലെയിംഡ് റേഞ്ച്. ചാര്ജിംഗ് വേഗത കൂട്ടാന് എക്സ്പ്രസ് ഡിസി ഫാസ്റ്റ് ചാര്ജിംഗ് സംവിധാനവും ഈ വാഹനത്തിലുണ്ട്. ഫാസ്റ്റ് ചാര്ജിംഗ് സംവിധാനം ഉപയോഗിച്ച് ഇതിലെ ബാറ്ററി പായ്ക്ക് 28 മിനിറ്റ് കൊണ്ട് 10 ശതമാനത്തില് നിന്ന് 70 ശതമാനം വരെ ചാര്ജ് ചെയ്യാം.
പനോരമിക് ഗ്ലാസ് റൂഫ്, ലെവല്-2 ADAS സേഫ്റ്റി സ്യൂട്ട്, 12.9 ഇഞ്ച് ടച്ച്സ്ക്രീന്, ഡ്യുവല് സോണ് ക്ലൈമറ്റ് കണ്ട്രോള്, വെന്റിലേറ്റഡ് ഫ്രണ്ട് സീറ്റ്സ്, റിക്ലൈനബിള് റിയര് സീറ്റുകള്, ഹെഡ്സ്-അപ്പ് ഡിസ്പ്ലേയും (HUD) തുടങ്ങി നിരവധി മോഡേണ് ഫീച്ചറുകള് ഇവിയില് സജ്ജീകരിച്ചിരിക്കുന്നു. VF7 ഇവിക്ക് കമ്പനി 10 വര്ഷം അല്ലെങ്കില് 2 ലക്ഷം കിലോമീറ്റര് വരെ ബാറ്ററി വാറണ്ടി ഓഫര് ചെയ്യുന്നു. മാത്രമല്ല വിന്ഫാസ്റ്റ് ഉടമകള്ക്ക് 2028 ജൂലൈ വരെ ഫ്രീ ചാര്ജിംഗും 3 വര്ഷം ഫ്രീ മെയിന്റനന്സും കമ്പനി വാഗ്ദാനം ചെയ്യുന്നുണ്ട്.
