തനിക്കും കുടുംബത്തിനുമെതിരെ നടക്കുന്ന അധിക്ഷേപങ്ങള്ക്കും പരിഹാസങ്ങള്ക്കും ചുട്ടമറുപടിയുമായി നടിയും രാഷ്ട്രീയപ്രവര്ത്തകയുമായ ഖുശ്ബു സുന്ദര്. തന്റെ മക്കളെയും കുടുംബത്തെയും ലക്ഷ്യമിട്ട് മോശം പരാമര്ശങ്ങള് നടത്തുന്നവര്ക്കെതിരെ രൂക്ഷഭാഷയിലാണ് താരം പ്രതികരിച്ചത്. സോഷ്യല് മീഡിയയില് പങ്കുവെച്ച ദീര്ഘമായ കുറുപ്പിനൊപ്പം കുടുംബാംഗങ്ങള്ക്കൊപ്പമുളള ചിത്രവും ഖുശ്ബു പങ്കുവെച്ചു.
സ്നേഹത്തിലും വിശ്വാസത്തിലും പരസ്പര ധാരണയിലുമാണ് തന്റെ കുടുംബം കെട്ടിപ്പടുത്തതെന്ന് പറഞ്ഞുകൊണ്ടാണ് ഖുശ്ബുവിന്റെ കുറിപ്പ് ആരംഭിക്കുന്നത്. ഇന്നത്തെ നിലയിലെത്താൻ തങ്ങൾ ഏറെ പോരാടുകയും കഠിനാധ്വാനം ചെയ്യുകയും ചെയ്തിട്ടുണ്ട്. ജീവിതത്തിൽ പലതവണ തളരുകയും വീഴുകയും ചെയ്തെങ്കിലും ഓരോ തവണയും കൂടുതൽ ശക്തിയോടെ തിരിച്ചുവന്നുവെന്നും താരം പറയുന്നു.
മക്കളെ ഏറെ കരുതലോടെയാണ് വളർത്തിയതെന്നും വിജയത്തിന്റെ പേരിൽ വഴിതെറ്റാനോ സെലിബ്രിറ്റികളുടെ മക്കളാണെന്നതിന്റെ ആനുകൂല്യം മുതലെടുക്കാനോ ഒരിക്കലും അനുവദിച്ചിട്ടില്ലെന്നും ഖുശ്ബു വ്യക്തമാക്കി. മാതാപിതാക്കളുടെ വ്യക്തിത്വത്തിന്റെ പേരിൽ അവർക്ക് പ്രത്യേക പരിഗണന ലഭിച്ചിട്ടില്ലെന്നും മക്കളെക്കുറിച്ച് തങ്ങൾക്ക് അങ്ങേയറ്റം അഭിമാനമുണ്ടെന്നും താരം കുറിച്ചു.
എന്നാൽ ഒരു അമ്മയെന്ന നിലയിൽ തന്റെ മക്കളെ ഉപയോഗിച്ച് ആരെങ്കിലും ‘രണ്ട് മിനിറ്റ് ചീപ്പ് പബ്ലിസിറ്റി’ നേടാൻ ശ്രമിക്കുന്നത് അനുവദിക്കില്ലെന്നാണ് ഖുശ്ബുവിന്റെ മുന്നറിയിപ്പ്. കുടുംബത്തെ ഉപയോഗിച്ച് ഫോളോവേഴ്സിനെയും ചിരിയെയും നേടാൻ ശ്രമിക്കുന്നവർക്കുള്ള വ്യക്തമായ സന്ദേശമാണിതെന്നും താരം പറയുന്നു.
“ഒരിക്കലും ഒരു അമ്മയുമായി കളിക്കരുത്. തന്റെ കുഞ്ഞുങ്ങളെ സംരക്ഷിക്കാൻ ആക്രമിക്കാൻ പോലും തയ്യാറാകുന്ന മുറിവേറ്റ കടുവയാണ് അമ്മ,” എന്ന ശക്തമായ വാക്കുകളോടെയാണ് ഖുശ്ബു വിമർശകർക്ക് മുന്നറിയിപ്പ് നൽകിയത്. തന്റെ നിശബ്ദത ഇത്തരം മോശം പ്രവണതകളെ അംഗീകരിക്കുന്നതിന്റെ അടയാളമല്ലെന്നും അവർ വ്യക്തമാക്കി.
പണം വാങ്ങി തങ്ങളെയും കുടുംബത്തെയും കുറിച്ച് സംസാരിക്കുന്ന ചില യൂട്യൂബർമാർക്കും താരം മുന്നറിയിപ്പ് നൽകി. സ്വന്തം കുടുംബം പോറ്റുന്നതിനായി മറ്റുള്ളവരുടെ കുടുംബത്തെക്കുറിച്ച് സംസാരിക്കുന്നവർ അതിരുകടക്കരുതെന്നാണ് ഖുശ്ബുവിന്റെ നിലപാട്.
“ഇനി മതി. നമ്മൾ ഇന്ന് നമുക്കുവേണ്ടി സംസാരിച്ചില്ലെങ്കിൽ ഇവർ നമ്മളെ ചവിട്ടിക്കടന്നുപോകും. നമ്മളിലുള്ള ശക്തി വാങ്ങിയതല്ല, നേടിയെടുത്തതാണ്,” എന്നും താരം കുറിച്ചു.
സ്ത്രീകൾ സ്വയം നിലകൊള്ളണമെന്നും സ്വന്തം ബഹുമാനം സംരക്ഷിക്കണമെന്നും ഖുശ്ബു കുറിച്ചു. മറ്റുള്ളവർ അപമാനിക്കുന്നത് ഒരിക്കലും അനുവദിക്കരുതെന്നും അവർ പറഞ്ഞു. പ്രതിസന്ധികളിൽ സുഹൃത്തായും കുടുംബമായും ഒപ്പം നിൽക്കുന്ന നടി രാധിക ശരത്കുമാറിനും കുറിപ്പിന്റെ അവസാനം ഖുശ്ബു നന്ദി അറിയിച്ചു.
സ്നേഹത്തിലും വിശ്വാസത്തിലും പരസ്പര ധാരണയിലുമാണ് തന്റെ കുടുംബം കെട്ടിപ്പടുത്തതെന്ന് പറഞ്ഞുകൊണ്ടാണ് ഖുശ്ബുവിന്റെ കുറിപ്പ് ആരംഭിക്കുന്നത്. ഇന്നത്തെ നിലയിലെത്താൻ തങ്ങൾ ഏറെ പോരാടുകയും കഠിനാധ്വാനം ചെയ്യുകയും ചെയ്തിട്ടുണ്ട്. ജീവിതത്തിൽ പലതവണ തളരുകയും വീഴുകയും ചെയ്തെങ്കിലും ഓരോ തവണയും കൂടുതൽ ശക്തിയോടെ തിരിച്ചുവന്നുവെന്നും താരം പറയുന്നു.
മക്കളെ ഏറെ കരുതലോടെയാണ് വളർത്തിയതെന്നും വിജയത്തിന്റെ പേരിൽ വഴിതെറ്റാനോ സെലിബ്രിറ്റികളുടെ മക്കളാണെന്നതിന്റെ ആനുകൂല്യം മുതലെടുക്കാനോ ഒരിക്കലും അനുവദിച്ചിട്ടില്ലെന്നും ഖുശ്ബു വ്യക്തമാക്കി. മാതാപിതാക്കളുടെ വ്യക്തിത്വത്തിന്റെ പേരിൽ അവർക്ക് പ്രത്യേക പരിഗണന ലഭിച്ചിട്ടില്ലെന്നും മക്കളെക്കുറിച്ച് തങ്ങൾക്ക് അങ്ങേയറ്റം അഭിമാനമുണ്ടെന്നും താരം കുറിച്ചു.
എന്നാൽ ഒരു അമ്മയെന്ന നിലയിൽ തന്റെ മക്കളെ ഉപയോഗിച്ച് ആരെങ്കിലും ‘രണ്ട് മിനിറ്റ് ചീപ്പ് പബ്ലിസിറ്റി’ നേടാൻ ശ്രമിക്കുന്നത് അനുവദിക്കില്ലെന്നാണ് ഖുശ്ബുവിന്റെ മുന്നറിയിപ്പ്. കുടുംബത്തെ ഉപയോഗിച്ച് ഫോളോവേഴ്സിനെയും ചിരിയെയും നേടാൻ ശ്രമിക്കുന്നവർക്കുള്ള വ്യക്തമായ സന്ദേശമാണിതെന്നും താരം പറയുന്നു.
“ഒരിക്കലും ഒരു അമ്മയുമായി കളിക്കരുത്. തന്റെ കുഞ്ഞുങ്ങളെ സംരക്ഷിക്കാൻ ആക്രമിക്കാൻ പോലും തയ്യാറാകുന്ന മുറിവേറ്റ കടുവയാണ് അമ്മ,” എന്ന ശക്തമായ വാക്കുകളോടെയാണ് ഖുശ്ബു വിമർശകർക്ക് മുന്നറിയിപ്പ് നൽകിയത്. തന്റെ നിശബ്ദത ഇത്തരം മോശം പ്രവണതകളെ അംഗീകരിക്കുന്നതിന്റെ അടയാളമല്ലെന്നും അവർ വ്യക്തമാക്കി.
പണം വാങ്ങി തങ്ങളെയും കുടുംബത്തെയും കുറിച്ച് സംസാരിക്കുന്ന ചില യൂട്യൂബർമാർക്കും താരം മുന്നറിയിപ്പ് നൽകി. സ്വന്തം കുടുംബം പോറ്റുന്നതിനായി മറ്റുള്ളവരുടെ കുടുംബത്തെക്കുറിച്ച് സംസാരിക്കുന്നവർ അതിരുകടക്കരുതെന്നാണ് ഖുശ്ബുവിന്റെ നിലപാട്.
“ഇനി മതി. നമ്മൾ ഇന്ന് നമുക്കുവേണ്ടി സംസാരിച്ചില്ലെങ്കിൽ ഇവർ നമ്മളെ ചവിട്ടിക്കടന്നുപോകും. നമ്മളിലുള്ള ശക്തി വാങ്ങിയതല്ല, നേടിയെടുത്തതാണ്,” എന്നും താരം കുറിച്ചു.
സ്ത്രീകൾ സ്വയം നിലകൊള്ളണമെന്നും സ്വന്തം ബഹുമാനം സംരക്ഷിക്കണമെന്നും ഖുശ്ബു കുറിച്ചു. മറ്റുള്ളവർ അപമാനിക്കുന്നത് ഒരിക്കലും അനുവദിക്കരുതെന്നും അവർ പറഞ്ഞു. പ്രതിസന്ധികളിൽ സുഹൃത്തായും കുടുംബമായും ഒപ്പം നിൽക്കുന്ന നടി രാധിക ശരത്കുമാറിനും കുറിപ്പിന്റെ അവസാനം ഖുശ്ബു നന്ദി അറിയിച്ചു.
Comments