ലണ്ടന്: വിംബിള്ഡണ് 2026 പുരുഷ സിംഗിള്സ് ഫൈനലില് അലക്സാണ്ടര് സ്വെരേവിനെ നാല് സെറ്റുകള്ക്ക് പരാജയപ്പെടുത്തി ജാനിക് സിന്നര് കിരീടം നിലനിര്ത്തി. കടുത്ത പോരാട്ടം കണ്ട മത്സരത്തില് 6-7, 7-6, 6-3, 6-4 എന്ന സ്കോറിനായിരുന്നു സിന്നറുടെ വിജയം.
തന്റെ അഞ്ചാം ഗ്രാന്ഡ്സ്ലാം കിരീടം നിലനിര്ത്താനും കരിയറിലെ അഞ്ചാമത്തെ പ്രധാന ട്രോഫി സ്വന്തമാക്കാനും ഞായറാഴ്ച സിന്നര്ക്ക് മൂന്ന് മണിക്കൂറും 46 മിനിറ്റും വേണ്ടിവന്നു. ഫൈനലിന്റെ ഭൂരിഭാഗം സമയത്തും സൂപ്പര്താരത്തിന് സ്വരേവ് ഭീഷണി ഉയര്ത്തിയിരുന്നു. ജര്മ്മന് താരം മികച്ച രീതിയില് സെര്വ് ചെയ്യുകയും ബേസ്ലൈനില് നിന്ന് ശക്തമായ തിരിച്ചടികള് നല്കുകയും ചെയ്തു.
ഫ്രഞ്ച് ഓപ്പണില് ജുവാന് മാനുവല് സെറുണ്ടോളയോട് അപ്രതീക്ഷിത തോല്വി ഏറ്റുവാങ്ങി ആഴ്ചകള്ക്ക് ശേഷമാണ് സിന്നര് വന് വിജയം നേടുന്നത്. 24-ാം വയസ്സില് ഈ ഇറ്റാലിയന് താരം അഞ്ച് ഗ്രാന്ഡ്സ്ലാം കിരീടങ്ങള് നേടുകയും തന്റെ 30-ാമത്തെ കരിയര് ട്രോഫി സ്വന്തമാക്കുകയും ചെയ്തു. കൂടാതെ പീറ്റ് സാമ്പ്രാസ്, റോജര് ഫെഡറര്, നോവാക് ജോക്കോവിച്ച് എന്നിവര്ക്ക് ശേഷം വിംബിള്ഡണ് കിരീടം നിലനിര്ത്തുന്ന നാലാമത്തെ മാത്രം ലോക ഒന്നാം നമ്പര് താരമായിട്ടാണ് അദ്ദേഹം മാറിയത്.
