വർഷങ്ങൾ നീണ്ട കാത്തിരിപ്പുകൾക്കും നിയമപോരാട്ടങ്ങൾക്കും ഒടുവിൽ സൗത്ത് ഇന്ത്യൻ ആർട്ടിസ്റ്റ്സ് അസോസിയേഷന്റെ (SIAA) പുതിയ ആസ്ഥാന മന്ദിരം ഉദ്ഘാടനത്തിനൊരുങ്ങുന്നു. നടികർ സംഘം കെട്ടിടത്തിന്റെ നിർമാണം അവസാന ഘട്ടത്തിലാണെന്ന് അസോസിയേഷൻ ജനറൽ സെക്രട്ടറിയും നടനുമായ വിശാൽ അറിയിച്ചു. കഴിഞ്ഞ ദിവസം ചെന്നൈയിൽ നടന്ന നടികർ സംഘം ഭാരവാഹികളുടെ യോഗത്തിനുശേഷമായിരുന്നു താരം ഈ സുപ്രധാന വിവരം പങ്കുവെച്ചത്.
"നടികർ സംഘം ഓഫീസിൽ നടന്ന ഭാരവാഹികളുടെ യോഗത്തിൽ ഞാൻ എന്റെ ചലച്ചിത്ര കുടുംബത്തെ കണ്ടുമുട്ടി. നമ്മുടെ വലിയൊരു സ്വപ്നമായ SIAA കെട്ടിടത്തിന്റെ അവസാന ഘട്ട ജോലികൾക്കായി മുഴുവൻ സംഘവും പൂർണ്ണ വേഗതയിൽ തയ്യാറെടുക്കുകയാണ്," വിശാൽ കുറിച്ചു.
സഹപ്രവർത്തകരുമൊത്തുള്ള ഓരോ കൂടിക്കാഴ്ചയും തന്നിൽ വലിയ പോസിറ്റിവിറ്റി നിറയ്ക്കുന്നുണ്ടെന്നും അദ്ദേഹം കൂട്ടിച്ചേർത്തു. "അവരെയെല്ലാം കാണുമ്പോൾ എപ്പോഴും പോസിറ്റീവും സന്തോഷവും നിറഞ്ഞ വികാരമാണ്. നിരവധി പ്രതിസന്ധികൾ, നിയമപോരാട്ടങ്ങൾ, നിരന്തരമായ കഠിനാധ്വാനം എന്നിവയുൾപ്പെടെയുള്ള എല്ലാ ഘട്ടങ്ങളിലൂടെയും കടന്നുപോയി, നമ്മൾ ലക്ഷ്യമിട്ടത് എന്താണോ അത് യാഥാർത്ഥ്യമാക്കാൻ ഒരു വലിയ ടീമിന്റെ കൂട്ടായ പരിശ്രമം ആവശ്യമാണ്. അതെ, ഒട്ടും അകലെയല്ലാത്ത ആ അഭിമാന നിമിഷത്തിനായി ഞങ്ങളെല്ലാവരും ആകാംക്ഷയോടെ കാത്തിരിക്കുകയാണ്, ദൈവാനുഗ്രഹമുണ്ടാകട്ടെ," വിശാൽ പറഞ്ഞു.
"നടികർ സംഘം ഓഫീസിൽ നടന്ന ഭാരവാഹികളുടെ യോഗത്തിൽ ഞാൻ എന്റെ ചലച്ചിത്ര കുടുംബത്തെ കണ്ടുമുട്ടി. നമ്മുടെ വലിയൊരു സ്വപ്നമായ SIAA കെട്ടിടത്തിന്റെ അവസാന ഘട്ട ജോലികൾക്കായി മുഴുവൻ സംഘവും പൂർണ്ണ വേഗതയിൽ തയ്യാറെടുക്കുകയാണ്," വിശാൽ കുറിച്ചു.
സഹപ്രവർത്തകരുമൊത്തുള്ള ഓരോ കൂടിക്കാഴ്ചയും തന്നിൽ വലിയ പോസിറ്റിവിറ്റി നിറയ്ക്കുന്നുണ്ടെന്നും അദ്ദേഹം കൂട്ടിച്ചേർത്തു. "അവരെയെല്ലാം കാണുമ്പോൾ എപ്പോഴും പോസിറ്റീവും സന്തോഷവും നിറഞ്ഞ വികാരമാണ്. നിരവധി പ്രതിസന്ധികൾ, നിയമപോരാട്ടങ്ങൾ, നിരന്തരമായ കഠിനാധ്വാനം എന്നിവയുൾപ്പെടെയുള്ള എല്ലാ ഘട്ടങ്ങളിലൂടെയും കടന്നുപോയി, നമ്മൾ ലക്ഷ്യമിട്ടത് എന്താണോ അത് യാഥാർത്ഥ്യമാക്കാൻ ഒരു വലിയ ടീമിന്റെ കൂട്ടായ പരിശ്രമം ആവശ്യമാണ്. അതെ, ഒട്ടും അകലെയല്ലാത്ത ആ അഭിമാന നിമിഷത്തിനായി ഞങ്ങളെല്ലാവരും ആകാംക്ഷയോടെ കാത്തിരിക്കുകയാണ്, ദൈവാനുഗ്രഹമുണ്ടാകട്ടെ," വിശാൽ പറഞ്ഞു.
നടികർ സംഘത്തിന്റെ ഏറ്റവും വലിയ സ്വപ്ന പദ്ധതികളിൽ ഒന്നാണ് ഈ പുതിയ കെട്ടിടം. അത്യാധുനിക ഓഡിറ്റോറിയം, പ്രിവ്യൂ തിയേറ്റർ, അസോസിയേഷന് വരുമാനം നൽകുന്ന വാണിജ്യ സ്ഥാപനങ്ങൾ എന്നിവയടങ്ങുന്നതാണ് ഈ പുതിയ ആസ്ഥാന മന്ദിരം.
വിശാലിന്റെ നേതൃത്വത്തിലുള്ള പാനൽ അസോസിയേഷൻ തിരഞ്ഞെടുപ്പിൽ വിജയിച്ചതിന് ശേഷം, 2017-ലാണ് ഇതിന് തറക്കല്ലിട്ടത്. എന്നാൽ, നിയമപരമായ തർക്കങ്ങൾ, ഫണ്ടിന്റെ കുറവ്, കോവിഡ്-19 മഹാമാരി എന്നിവ കാരണം പദ്ധതിയുടെ നിർമ്മാണം പലതവണ തടസ്സപ്പെടുകയും നീണ്ടുപോവുകയുമായിരുന്നു. സൗത്ത് ഇന്ത്യൻ ആർട്ടിസ്റ്റ്സ് അസോസിയേഷന്റെ ജനറൽ സെക്രട്ടറിയായ വിശാൽ, ഈ കെട്ടിടത്തിന്റെ നിർമ്മാണം പൂർത്തിയാക്കുക എന്നത് അസോസിയേഷന്റെ ഏറ്റവും പ്രധാനപ്പെട്ട മുൻഗണനകളിൽ ഒന്നാണെന്ന് തുടക്കം മുതൽ വ്യക്തമാക്കിയിരുന്നു.
Comments