ഹരിദ്വാര്: അയോധ്യയിലെ രാമക്ഷേത്രം, ഉത്തരാഖണ്ഡിലെ ബദരിനാഥ് ധാം ഉള്പ്പെടെയുള്ള നിരവധി പ്രമുഖ ക്ഷേത്രങ്ങളില് കാണിക്കപ്പണം തട്ടിയെടുക്കുന്നതായി ആരോപണം ഉയര്ന്നതിനെത്തുടര്ന്ന്, സമാനമായ ക്രമക്കേടുകള് തടയുന്നതിനായി ഹരിദ്വാറിലെ മനസാ ദേവി ക്ഷേത്രത്തിന്റെ മുന്കരുതല്. പൂജാരിമാര്ക്കും ജീവനക്കാര്ക്കും പോക്കറ്റില്ലാത്ത വസ്ത്രങ്ങള് വിതരണം ചെയ്തതായി പിടിഐ റിപ്പോര്ട്ട് ചെയ്തു.
വഴിപാടുകളും സംഭാവനകളും കൈകാര്യം ചെയ്യുന്നതുമായി ബന്ധപ്പെട്ട് പൊതുജനങ്ങളില് നിന്ന് വലിയ തോതിലുള്ള പരിശോധനകളും, കൂടുതല് സുതാര്യതയും ഉത്തരവാദിത്തവും വേണമെന്ന ആവശ്യവും ശക്തമാകുന്ന പശ്ചാത്തലത്തിലാണ് നടപടിയെന്ന് അഖില ഭാരതീയ അഖാഡ പരിഷത്തിന്റെയും മനസാ ദേവി ക്ഷേത്ര ട്രസ്റ്റിന്റെയും അധ്യക്ഷനായ മഹന്ത് രവീന്ദ്രപുരി പ്രതികരിച്ചു.
പൂജാരിമാര് പോക്കറ്റില്ലാത്ത വസ്ത്രങ്ങള് ധരിച്ച് മാത്രമേ അവരുടെ ചുമതലകള് നിര്വഹിക്കാവൂ എന്ന് ഏതാനും ദിവസങ്ങള്ക്ക് മുമ്പ് തീരുമാനമെടുത്തിരുന്നതായി അദ്ദേഹം പറഞ്ഞു. ഓരോ ഭക്തനും അവര് നല്കുന്ന സംഭാവനയ്ക്ക് രസീത് ലഭിക്കുന്നുണ്ടെന്ന് ഉറപ്പാക്കുമെന്നും, സംഭാവനയായി ലഭിക്കുന്ന തുകയുടെ ഒരു രൂപ പോലും ദുരുപയോഗം ചെയ്യപ്പെടില്ലെന്നും രവീന്ദ്രപുരി ഊന്നിപ്പറഞ്ഞു.
ഈ സംരംഭത്തില് പൂജാരിമാരും ക്ഷേത്രം ജീവനക്കാരും ക്ഷേത്ര ട്രസ്റ്റിനോട് പൂര്ണ്ണമായി സഹകരിക്കുന്നുണ്ടെന്ന് പറഞ്ഞു. ഭക്തരും തീരുമാനത്തെ സ്വാഗതം ചെയ്തു. ഇങ്ങനെയുള്ള നടപടികള് തീര്ത്ഥാടകരുടെ വിശ്വാസം കൂടുതല് ശക്തമാക്കുമെന്ന് അവര് അഭിപ്രായപ്പെട്ടു. രാമക്ഷേത്രത്തിനും ബദരിനാഥ് ധാമിനും പുറമെ, മധ്യപ്രദേശിലെ ബഗ്ലാമുഖി ക്ഷേത്രത്തില് നിന്നും ഗുജറാത്തിലെ അംബാജി ക്ഷേത്രത്തില് നിന്നും സംഭാവന ഫണ്ടുകളില് ക്രമക്കേട് നടന്നതായി റിപ്പോര്ട്ടുകള് വന്നിരുന്നു.
വഴിപാടുകളും സംഭാവനകളും കൈകാര്യം ചെയ്യുന്നതുമായി ബന്ധപ്പെട്ട് പൊതുജനങ്ങളില് നിന്ന് വലിയ തോതിലുള്ള പരിശോധനകളും, കൂടുതല് സുതാര്യതയും ഉത്തരവാദിത്തവും വേണമെന്ന ആവശ്യവും ശക്തമാകുന്ന പശ്ചാത്തലത്തിലാണ് നടപടിയെന്ന് അഖില ഭാരതീയ അഖാഡ പരിഷത്തിന്റെയും മനസാ ദേവി ക്ഷേത്ര ട്രസ്റ്റിന്റെയും അധ്യക്ഷനായ മഹന്ത് രവീന്ദ്രപുരി പ്രതികരിച്ചു.
പൂജാരിമാര് പോക്കറ്റില്ലാത്ത വസ്ത്രങ്ങള് ധരിച്ച് മാത്രമേ അവരുടെ ചുമതലകള് നിര്വഹിക്കാവൂ എന്ന് ഏതാനും ദിവസങ്ങള്ക്ക് മുമ്പ് തീരുമാനമെടുത്തിരുന്നതായി അദ്ദേഹം പറഞ്ഞു. ഓരോ ഭക്തനും അവര് നല്കുന്ന സംഭാവനയ്ക്ക് രസീത് ലഭിക്കുന്നുണ്ടെന്ന് ഉറപ്പാക്കുമെന്നും, സംഭാവനയായി ലഭിക്കുന്ന തുകയുടെ ഒരു രൂപ പോലും ദുരുപയോഗം ചെയ്യപ്പെടില്ലെന്നും രവീന്ദ്രപുരി ഊന്നിപ്പറഞ്ഞു.
ഈ സംരംഭത്തില് പൂജാരിമാരും ക്ഷേത്രം ജീവനക്കാരും ക്ഷേത്ര ട്രസ്റ്റിനോട് പൂര്ണ്ണമായി സഹകരിക്കുന്നുണ്ടെന്ന് പറഞ്ഞു. ഭക്തരും തീരുമാനത്തെ സ്വാഗതം ചെയ്തു. ഇങ്ങനെയുള്ള നടപടികള് തീര്ത്ഥാടകരുടെ വിശ്വാസം കൂടുതല് ശക്തമാക്കുമെന്ന് അവര് അഭിപ്രായപ്പെട്ടു. രാമക്ഷേത്രത്തിനും ബദരിനാഥ് ധാമിനും പുറമെ, മധ്യപ്രദേശിലെ ബഗ്ലാമുഖി ക്ഷേത്രത്തില് നിന്നും ഗുജറാത്തിലെ അംബാജി ക്ഷേത്രത്തില് നിന്നും സംഭാവന ഫണ്ടുകളില് ക്രമക്കേട് നടന്നതായി റിപ്പോര്ട്ടുകള് വന്നിരുന്നു.
Comments