യാംഗൺ: മ്യാൻമർ തീരത്തിനടുത്ത് റോഹിങ്ക്യൻ അഭയാർത്ഥികൾ സഞ്ചരിച്ച രണ്ട് ബോട്ടുകൾ തകർന്ന് അഞ്ഞൂറിലധികം ആളുകൾ മരിച്ചതായി കടുത്ത ആശങ്ക ഉയരുന്നു. ഐക്യരാഷ്ട്രസഭയുടെ അഭയാർത്ഥി ഏജൻസിയും അന്താരാഷ്ട്ര കുടിയേറ്റ സംഘടനയുമാണ് ഈ ഞെട്ടിക്കുന്ന വിവരം പുറത്തുവിട്ടത്. കനത്ത മൺസൂൺ മഴയും പ്രതികൂല കാലാവസ്ഥയും വകവെക്കാതെ മ്യാൻമറിലെ രഖൈൻ സംസ്ഥാനത്തുനിന്നും ബംഗ്ലാദേശിലെ അഭയാർത്ഥി ക്യാമ്പുകളിൽനിന്നും മലേഷ്യ ലക്ഷ്യമാക്കി പുറപ്പെട്ട രണ്ട് ബോട്ടുകളാണ് കടലിൽ അപകടത്തിൽപ്പെട്ടത്.
ജൂൺ അവസാന വാരത്തിൽ മ്യാൻമറിലെ രഖൈൻ സംസ്ഥാനത്ത് നിന്ന് യാത്ര തിരിച്ച ഈ ബോട്ടുകളിൽ ഭൂരിഭാഗവും റോഹിങ്ക്യൻ വംശജരായിരുന്നു. ഒരു ബോട്ടിൽ ഏകദേശം 250 ഓളം ആളുകളും രണ്ടാമത്തെ ബോട്ടിൽ 280 ഓളം ആളുകളുമാണ് ഉണ്ടായിരുന്നത്. ഇതിൽ ഒരു ബോട്ടുമായുള്ള ആശയവിനിമയം പൂർണ്ണമായി നഷ്ടപ്പെടുകയും, രണ്ടാമത്തെ ബോട്ട് മ്യാൻമറിലെ അയ്യർവാടി തീരത്തിനടുത്ത് വെച്ച് മുങ്ങുകയുമായിരുന്നു എന്നാണ് ഐക്യരാഷ്ട്രസഭയുടെ അഭയാർത്ഥി ഏജൻസിയും അന്താരാഷ്ട്ര കുടിയേറ്റ സംഘടനയും വ്യക്തമാക്കുന്നത്.
മൺസൂൺ കാലത്ത് കടൽ അതീവ അപകടകരമായി തുടരുന്നതിനാലാണ് സാധാരണയായി റോഹിങ്ക്യകൾ ഈ സമയത്ത് കടൽമാർഗ്ഗമുള്ള യാത്രകൾ ഒഴിവാക്കാറുള്ളത്. എന്നാൽ നിലവിലെ കനത്ത മഴയും കടുത്ത വെള്ളപ്പൊക്കവും ഈ അപകടത്തിന്റെ ആഘാതം കൂട്ടിയിരിക്കാം എന്നാണ് യുഎൻ ഏജൻസികൾ വിലയിരുത്തുന്നത്.
മ്യാൻമർ സൈന്യത്തിന്റെ അതിക്രമങ്ങളെത്തുടർന്ന് ലക്ഷക്കണക്കിന് റോഹിങ്ക്യകളാണ് ബംഗ്ലാദേശിലെ അഭയാർത്ഥി ക്യാമ്പുകളിൽ അതിദുരിതത്തിൽ കഴിയുന്നത്. ക്യാമ്പുകളിലെ പട്ടിണിയും വിദേശസഹായം വെട്ടിക്കുറച്ചതും കാരണം മലേഷ്യ പോലുള്ള മറ്റ് ഏഷ്യൻ രാജ്യങ്ങളിലേക്ക് കടൽമാർഗ്ഗം കള്ളത്തോണികളിൽ രക്ഷപ്പെടാൻ ഇവർ നിരന്തരം ശ്രമിക്കാറുണ്ട്.കുട്ടികളും ഗർഭിണികളും അടക്കം ആയിരക്കണക്കിന് ആളുകളാണ് ഇതിനോടകം തന്നെ ഈ അപകടകരമായ സമുദ്രപാതയിൽ മരണപ്പെട്ടിട്ടുള്ളത്.
ദുരന്തത്തിന്റെ കൃത്യമായ കണക്കുകൾ ഔദ്യോഗികമായി സ്ഥിരീകരിക്കാനിരിക്കുന്നതേയുള്ളൂ എങ്കിലും, വൻതോതിലുള്ള ജീവഹാനി സംഭവിച്ചിട്ടുണ്ടാകാമെന്ന ഗുരുതരമായ ആശങ്കയിലാണ് യുഎൻ ഏജൻസികൾ. കടലിൽ കുടുങ്ങിക്കിടക്കുന്നവരെ രക്ഷപ്പെടുത്താനുള്ള സംവിധാനങ്ങൾ ശക്തമാക്കണമെന്നും മനുഷ്യക്കടത്ത് സംഘങ്ങൾക്കെതിരെ കർശന നടപടിയെടുക്കാൻ അന്താരാഷ്ട്ര സമൂഹം ഉടൻ ഇടപെടണമെന്നും യുഎൻ ആവശ്യപ്പെട്ടു.
ജൂൺ അവസാന വാരത്തിൽ മ്യാൻമറിലെ രഖൈൻ സംസ്ഥാനത്ത് നിന്ന് യാത്ര തിരിച്ച ഈ ബോട്ടുകളിൽ ഭൂരിഭാഗവും റോഹിങ്ക്യൻ വംശജരായിരുന്നു. ഒരു ബോട്ടിൽ ഏകദേശം 250 ഓളം ആളുകളും രണ്ടാമത്തെ ബോട്ടിൽ 280 ഓളം ആളുകളുമാണ് ഉണ്ടായിരുന്നത്. ഇതിൽ ഒരു ബോട്ടുമായുള്ള ആശയവിനിമയം പൂർണ്ണമായി നഷ്ടപ്പെടുകയും, രണ്ടാമത്തെ ബോട്ട് മ്യാൻമറിലെ അയ്യർവാടി തീരത്തിനടുത്ത് വെച്ച് മുങ്ങുകയുമായിരുന്നു എന്നാണ് ഐക്യരാഷ്ട്രസഭയുടെ അഭയാർത്ഥി ഏജൻസിയും അന്താരാഷ്ട്ര കുടിയേറ്റ സംഘടനയും വ്യക്തമാക്കുന്നത്.
മൺസൂൺ കാലത്ത് കടൽ അതീവ അപകടകരമായി തുടരുന്നതിനാലാണ് സാധാരണയായി റോഹിങ്ക്യകൾ ഈ സമയത്ത് കടൽമാർഗ്ഗമുള്ള യാത്രകൾ ഒഴിവാക്കാറുള്ളത്. എന്നാൽ നിലവിലെ കനത്ത മഴയും കടുത്ത വെള്ളപ്പൊക്കവും ഈ അപകടത്തിന്റെ ആഘാതം കൂട്ടിയിരിക്കാം എന്നാണ് യുഎൻ ഏജൻസികൾ വിലയിരുത്തുന്നത്.
മ്യാൻമർ സൈന്യത്തിന്റെ അതിക്രമങ്ങളെത്തുടർന്ന് ലക്ഷക്കണക്കിന് റോഹിങ്ക്യകളാണ് ബംഗ്ലാദേശിലെ അഭയാർത്ഥി ക്യാമ്പുകളിൽ അതിദുരിതത്തിൽ കഴിയുന്നത്. ക്യാമ്പുകളിലെ പട്ടിണിയും വിദേശസഹായം വെട്ടിക്കുറച്ചതും കാരണം മലേഷ്യ പോലുള്ള മറ്റ് ഏഷ്യൻ രാജ്യങ്ങളിലേക്ക് കടൽമാർഗ്ഗം കള്ളത്തോണികളിൽ രക്ഷപ്പെടാൻ ഇവർ നിരന്തരം ശ്രമിക്കാറുണ്ട്.കുട്ടികളും ഗർഭിണികളും അടക്കം ആയിരക്കണക്കിന് ആളുകളാണ് ഇതിനോടകം തന്നെ ഈ അപകടകരമായ സമുദ്രപാതയിൽ മരണപ്പെട്ടിട്ടുള്ളത്.
ദുരന്തത്തിന്റെ കൃത്യമായ കണക്കുകൾ ഔദ്യോഗികമായി സ്ഥിരീകരിക്കാനിരിക്കുന്നതേയുള്ളൂ എങ്കിലും, വൻതോതിലുള്ള ജീവഹാനി സംഭവിച്ചിട്ടുണ്ടാകാമെന്ന ഗുരുതരമായ ആശങ്കയിലാണ് യുഎൻ ഏജൻസികൾ. കടലിൽ കുടുങ്ങിക്കിടക്കുന്നവരെ രക്ഷപ്പെടുത്താനുള്ള സംവിധാനങ്ങൾ ശക്തമാക്കണമെന്നും മനുഷ്യക്കടത്ത് സംഘങ്ങൾക്കെതിരെ കർശന നടപടിയെടുക്കാൻ അന്താരാഷ്ട്ര സമൂഹം ഉടൻ ഇടപെടണമെന്നും യുഎൻ ആവശ്യപ്പെട്ടു.
Comments