ന്യൂഡൽഹി: ജന്തർമന്തറിൽ നടന്ന വിദ്യാർത്ഥി പ്രക്ഷോഭത്തിനിടെ പരിക്കേറ്റ പോലീസ് ഉദ്യോഗസ്ഥർക്ക് അഭിജിത് ദിപ്കെ ഐക്യദാർഢ്യം പ്രഖ്യാപിച്ചു. അക്രമങ്ങൾക്ക് പിന്നിൽ വിദ്യാർത്ഥികളല്ലെന്നും, പ്രതിഷേധം അട്ടിമറിക്കാൻ ബിജെപി അയച്ച ഗുണ്ടകളാണെന്നും കോക്രോച്ച് ജനതാ പാർട്ടി (സിജെപി) സ്ഥാപകൻ അഭിജിത് ദിപ്കെ ഒരു വാർത്താസമ്മേളനത്തിൽ ആരോപിച്ചു. പരിക്കേറ്റ പൊലീസ് ഉദ്യോഗസ്ഥരുടെ കുടുംബങ്ങൾ വാർത്താ സമ്മേളനം നടത്തിയതിനു പിന്നാലെയാണ് ദിപ്കെ രംഗത്തുവന്നിരിക്കുന്നത്.
ബിജെപി ഗുണ്ടകളാണ് ആക്രമണം നടത്തിയത്. അസ്വസ്ഥതകൾ ഉണ്ടാക്കാൻ ബിജെപി തങ്ങളുടെ ഗുണ്ടകളെ അയക്കുമെന്ന് ഞാൻ ആദ്യദിനം മുതൽ പറയുന്നതാണ് എന്നും അഭിജിത് ദിപ്കെ പറഞ്ഞു. സമരത്തിനിടെ ആക്രമിക്കപ്പെട്ട പോലീസ് ഉദ്യോഗസ്ഥരോട് തനിക്ക് അനുഭാവമുണ്ടെന്നും ദിപ്കെ വ്യക്തമാക്കി. അതേസമയം, ക്രൂരമർദ്ദനത്തിനിരയായ വിദ്യാർത്ഥികളുടെ കുടുംബങ്ങളുടെ അവസ്ഥയെക്കുറിച്ച് ആരും സംസാരിക്കാത്തത് എന്തുകൊണ്ടാണെന്നും അദ്ദേഹം ചോദ്യം ചെയ്തു.
ജന്തർമന്തറിലെ സമാധാനപരമായ വിദ്യാർത്ഥി പ്രതിഷേധങ്ങളെ ലക്ഷ്യമിട്ട് വലിയൊരു ഗൂഢാലോചന നടന്നിട്ടുണ്ടെന്ന് ദിപ്കെ ആരോപിച്ചു. സർക്കാരിനെതിരെ ചോദ്യങ്ങൾ ചോദിക്കാനോ വീണ്ടും പ്രതിഷേധവുമായി ഇറങ്ങാനോ ധൈര്യപ്പെടരുതെന്ന് വിദ്യാർത്ഥികളെ ഭയപ്പെടുത്താനാണ് ഇത് ചെയ്യുന്നത്. വിദ്യാർത്ഥികളെ ആക്രമിക്കാൻ ക്രിമിനൽ പശ്ചാത്തലമുള്ളവരെയാണ് ഉപയോഗിക്കുന്നതെന്നും, ഇത്തരം കുഴപ്പങ്ങൾ ഡൽഹിയിൽ മാത്രം ഒതുങ്ങുന്നത് എന്തുകൊണ്ടാണെന്നും ദിപ്കെ സംശയം പ്രകടിപ്പിച്ചു.
അതേസമയം, പരിക്കേറ്റ സബ് ഇൻസ്പെക്ടറുടെ മകളും ഡൽഹി യൂണിവേഴ്സിറ്റി വിദ്യാർത്ഥിനിയുമായ കുഞ്ജൽ, തന്റെ പിതാവ് ബാരിക്കേഡിന് സമീപം ഡ്യൂട്ടിയിലുണ്ടായിരുന്നുവെന്ന് വ്യക്തമാക്കി. ആൾക്കൂട്ടം തന്റെ പിതാവിനെ വലിച്ച് താഴെയിട്ട് മർദ്ദിച്ചു. അദ്ദേഹത്തിന് തലയ്ക്ക് ഗുരുതര പരിക്കേൽക്കുകയും നാല് തയ്യലുകൾ വേണ്ടിവരികയും ചെയ്തു. എന്നിട്ടും സോഷ്യൽ മീഡിയയിൽ അദ്ദേഹത്തെ ഒരു വില്ലനായി ചിത്രീകരിക്കാനാണ് ശ്രമിച്ചതെന്ന് അവർ പറഞ്ഞു. ജന്തർമന്തറിൽ നിന്ന് പാർലമെന്റിലേക്ക് നടത്തിയ മാർച്ചിലുണ്ടായ സംഘർഷത്തിനിടെ 130-ലധികം പോലീസ് ഉദ്യോഗസ്ഥർക്ക് പരിക്കേറ്റതായാണ് ഔദ്യോഗിക കണക്കുകൾ വ്യക്തമാക്കുന്നത്.മറ്റൊരു അസിസ്റ്റന്റ് സബ് ഇൻസ്പെക്ടറുടെ മകനായ ലക്ഷയ് സിംഗ് ബിഷ്ടും സമാനമായ അനുഭവം പങ്കുവെച്ചു. ക്രമസമാധാനം പാലിക്കാനാണ് തന്റെ പിതാവ് മുൻനിരയിൽ ഡ്യൂട്ടിക്ക് നിന്നിരുന്നത്. പിന്നീട് തലയ്ക്ക് പരിക്കേറ്റ് അദ്ദേഹം ചികിത്സയിലായി എന്നും ലക്ഷയ് പറഞ്ഞു. ഓൺലൈനിൽ നോക്കുമ്പോൾ ഒരു വശം മാത്രമാണ് കാണുന്നതെന്നും, ഉദ്യോഗസ്ഥർ നേരിട്ട അതിക്രമങ്ങളെക്കുറിച്ച് ആരും ചർച്ച ചെയ്യുന്നില്ലെന്നും ലക്ഷയ് കൂട്ടിച്ചേർത്തു.
ബിജെപി ഗുണ്ടകളാണ് ആക്രമണം നടത്തിയത്. അസ്വസ്ഥതകൾ ഉണ്ടാക്കാൻ ബിജെപി തങ്ങളുടെ ഗുണ്ടകളെ അയക്കുമെന്ന് ഞാൻ ആദ്യദിനം മുതൽ പറയുന്നതാണ് എന്നും അഭിജിത് ദിപ്കെ പറഞ്ഞു. സമരത്തിനിടെ ആക്രമിക്കപ്പെട്ട പോലീസ് ഉദ്യോഗസ്ഥരോട് തനിക്ക് അനുഭാവമുണ്ടെന്നും ദിപ്കെ വ്യക്തമാക്കി. അതേസമയം, ക്രൂരമർദ്ദനത്തിനിരയായ വിദ്യാർത്ഥികളുടെ കുടുംബങ്ങളുടെ അവസ്ഥയെക്കുറിച്ച് ആരും സംസാരിക്കാത്തത് എന്തുകൊണ്ടാണെന്നും അദ്ദേഹം ചോദ്യം ചെയ്തു.
ജന്തർമന്തറിലെ സമാധാനപരമായ വിദ്യാർത്ഥി പ്രതിഷേധങ്ങളെ ലക്ഷ്യമിട്ട് വലിയൊരു ഗൂഢാലോചന നടന്നിട്ടുണ്ടെന്ന് ദിപ്കെ ആരോപിച്ചു. സർക്കാരിനെതിരെ ചോദ്യങ്ങൾ ചോദിക്കാനോ വീണ്ടും പ്രതിഷേധവുമായി ഇറങ്ങാനോ ധൈര്യപ്പെടരുതെന്ന് വിദ്യാർത്ഥികളെ ഭയപ്പെടുത്താനാണ് ഇത് ചെയ്യുന്നത്. വിദ്യാർത്ഥികളെ ആക്രമിക്കാൻ ക്രിമിനൽ പശ്ചാത്തലമുള്ളവരെയാണ് ഉപയോഗിക്കുന്നതെന്നും, ഇത്തരം കുഴപ്പങ്ങൾ ഡൽഹിയിൽ മാത്രം ഒതുങ്ങുന്നത് എന്തുകൊണ്ടാണെന്നും ദിപ്കെ സംശയം പ്രകടിപ്പിച്ചു.
അതേസമയം, പരിക്കേറ്റ സബ് ഇൻസ്പെക്ടറുടെ മകളും ഡൽഹി യൂണിവേഴ്സിറ്റി വിദ്യാർത്ഥിനിയുമായ കുഞ്ജൽ, തന്റെ പിതാവ് ബാരിക്കേഡിന് സമീപം ഡ്യൂട്ടിയിലുണ്ടായിരുന്നുവെന്ന് വ്യക്തമാക്കി. ആൾക്കൂട്ടം തന്റെ പിതാവിനെ വലിച്ച് താഴെയിട്ട് മർദ്ദിച്ചു. അദ്ദേഹത്തിന് തലയ്ക്ക് ഗുരുതര പരിക്കേൽക്കുകയും നാല് തയ്യലുകൾ വേണ്ടിവരികയും ചെയ്തു. എന്നിട്ടും സോഷ്യൽ മീഡിയയിൽ അദ്ദേഹത്തെ ഒരു വില്ലനായി ചിത്രീകരിക്കാനാണ് ശ്രമിച്ചതെന്ന് അവർ പറഞ്ഞു. ജന്തർമന്തറിൽ നിന്ന് പാർലമെന്റിലേക്ക് നടത്തിയ മാർച്ചിലുണ്ടായ സംഘർഷത്തിനിടെ 130-ലധികം പോലീസ് ഉദ്യോഗസ്ഥർക്ക് പരിക്കേറ്റതായാണ് ഔദ്യോഗിക കണക്കുകൾ വ്യക്തമാക്കുന്നത്.മറ്റൊരു അസിസ്റ്റന്റ് സബ് ഇൻസ്പെക്ടറുടെ മകനായ ലക്ഷയ് സിംഗ് ബിഷ്ടും സമാനമായ അനുഭവം പങ്കുവെച്ചു. ക്രമസമാധാനം പാലിക്കാനാണ് തന്റെ പിതാവ് മുൻനിരയിൽ ഡ്യൂട്ടിക്ക് നിന്നിരുന്നത്. പിന്നീട് തലയ്ക്ക് പരിക്കേറ്റ് അദ്ദേഹം ചികിത്സയിലായി എന്നും ലക്ഷയ് പറഞ്ഞു. ഓൺലൈനിൽ നോക്കുമ്പോൾ ഒരു വശം മാത്രമാണ് കാണുന്നതെന്നും, ഉദ്യോഗസ്ഥർ നേരിട്ട അതിക്രമങ്ങളെക്കുറിച്ച് ആരും ചർച്ച ചെയ്യുന്നില്ലെന്നും ലക്ഷയ് കൂട്ടിച്ചേർത്തു.
Comments