തിരുവനന്തപുരം: വൈദ്യുതി തടസ്സമുണ്ടായാൽ ഇനി കെഎസ്ഇബി സെക്ഷൻ ഓഫീസിലേക്ക് നിരന്തരം വിളിച്ച് ബുദ്ധിമുട്ടേണ്ടതില്ല. സെക്ഷൻ ഓഫീസിലെ ലാൻഡ്ലൈൻ നമ്പറുകൾ തിരക്കിലായതിനാൽ പലപ്പോഴും കോൾ ലഭിക്കാത്ത സാഹചര്യം ഒഴിവാക്കാൻ കെഎസ്ഇബി വാട്സ്ആപ്പ് സേവനം ഒരുക്കിയിട്ടുണ്ട്.
9496001912 എന്ന നമ്പറിലേക്ക് വാട്സ്ആപ്പിലൂടെ സന്ദേശം അയച്ച് വൈദ്യുതി സംബന്ധമായ പരാതികൾ എളുപ്പത്തിൽ രജിസ്റ്റർ ചെയ്യാം. പരാതി ഉടൻ ബന്ധപ്പെട്ട സെക്ഷൻ ഓഫീസിലെത്തുകയും, രജിസ്ട്രേഷൻ നമ്പർ തിരികെ ലഭിക്കുകയും ചെയ്യും.
പരാതി രജിസ്റ്റർ ചെയ്യുന്നതിനൊപ്പം വൈദ്യുതി ബിൽ തുക, അവസാനമായി നടത്തിയ പേയ്മെന്റിന്റെ വിവരങ്ങൾ എന്നിവ ഉൾപ്പെടെ വിവിധ കെഎസ്ഇബി സേവനങ്ങളും ഈ വാട്സ്ആപ്പ് നമ്പർ വഴി ലഭ്യമാകും. അതിനാൽ ഈ നമ്പർ ഫോണിൽ സേവ് ചെയ്ത് വയ്ക്കുന്നത് ഉപകാരപ്രദമാണ്.
Comments