മറയൂര്: മദ്യലഹരിയില് കാറോടിച്ച യുവാവ് മറയൂര് ടൗണില് ഭീകരാന്തരീക്ഷം സൃഷ്ടിച്ചു. മൂന്നു വാഹനങ്ങള് ഇടിച്ചു തെറിപ്പിച്ചു. രണ്ടുപേര്ക്കു പരുക്കേറ്റു. വ്യാപാര സ്ഥാപനങ്ങളുടെ വരാന്തകളിലും കാര് പാഞ്ഞു കയറി. ഇവിടെയുണ്ടായിരുന്നവര് തലനാരിഴയ്ക്കാണു രക്ഷപ്പെട്ടത്. യുവാവിന്റെ കാര് പോലീസ് പിന്തുടര്ന്ന് പിടികൂടി.
മറയൂരിലും സമീപ പ്രദേശങ്ങളിലും മത്സ്യവ്യാപാരം നടത്തുന്ന അടിമാലി ഇരുമ്പുപാലം സ്വദേശി ജിഷ്ണു (30)വാണ് പിടിയിലായത്. ഇന്നലെ െവെകുന്നേരം ആറുമണിയോടെയാണ് കാറുമായെത്തിയ യുവാവ് സി.പി.എം. ഓഫീസിനൂ സമീപത്തെ മാന്തോപ്പില് വളവ് ഭാഗത്ത് റോഡരുകില് പാര്ക്ക് ചെയ്തിരൂന്ന രണ്ട് ഇരുചക്രവാഹനങ്ങളും കടയുടെ മുന്നില് പാര്ക്ക് ചെയ്തിരുന്ന കാറും പൊതുമരാമത്ത് വകുപ്പിന്റെ െസെന്ബോര്ഡും ഇടിച്ചുതെറിപ്പിച്ചു.
ടൗണില് ഇലക്ട്രോണിക്സ് കട നടത്തുന്ന തങ്കച്ചന്റെ വാഗനാര് കാര്, പെയിന്റിങ്ങ് തൊഴിലാളി കരിമുട്ടി സ്വദേശി രഞ്ജിത്തിന്റെ ഹോണ്ടാ മാസ്ട്രോ, നൂറ് വീട് സ്വദേശി ജോയിയുടെ യമഹ റേ എന്നിവയിലാണ് കാറിടിച്ചത്. സ്കൂട്ടറിനടുത്തു നിന്നിരുന്ന രഞ്ജിത്തിന്റെ കാലിനും പള്ളനാട് ഭാഗത്ത് റോഡരികില് നിന്നിരുന്ന മേരിക്കുട്ടിക്കും പരുക്കേറ്റു.
യുവാവ് മദ്യവും കഞ്ചാവും ഉപയോഗിച്ചിരുന്നെന്നു പോലീസ് പറഞ്ഞു. പോലീസ് പിടികൂടുമ്പോള് യുവാവ് ലഹരിയില് എഴുന്നേറ്റ് നില്ക്കാനോ സംസാരിക്കാനോ കഴിയാത്ത അവസ്ഥയിലായിരുന്നു. ജിഷ്ണു ഓടിച്ചിരുന്ന ഫിയറ്റ് യുനോകാറും പോലീസ് കസ്റ്റഡിയിലെടുത്തു.
