വ്യക്തിശുചിത്വത്തിന്റെ കാര്യത്തില് ചെറിയ കാര്യങ്ങള് പോലും വളരെ പ്രധാനപ്പെട്ടതാണ്. സ്വന്തം ടൂത്ത് ബ്രഷ് മാറ്റാനുള്ള ശരിയായ സമയം എന്ന് എന്ന ചോദ്യം പോലും ഇതില് ഉള്പ്പെടുന്നു. ഓരോ മൂന്ന് അല്ലെങ്കില് നാല് മാസത്തിലും ടൂത്ത് ബ്രഷ് മാറ്റണമെന്ന് അമേരിക്കന് ഡെന്റല് അസോസിയേഷന് (ADA) ശുപാര്ശ ചെയ്യുന്നുണ്ടെങ്കിലും, മിക്ക ദന്തഡോക്ടര്മാരും പറയുന്നത് ആളുകള് നിര്ദ്ദേശിച്ച സമയത്തേക്കാള് കൂടുതല് കാലം ഇവ ഉപയോഗിക്കാറുണ്ട് എന്നാണ്. ഒരു ടൂത്ത് ബ്രഷിന് തേയ്മാനം സംഭവിച്ചു തുടങ്ങുമ്പോള് അതിന്റെ കാര്യക്ഷമത നഷ്ടപ്പെടുമെന്ന് പഠനങ്ങള് സൂചിപ്പിക്കുന്നു. അതിന് എത്രത്തോളം തേയ്മാനം സംഭവിക്കുന്നുവോ, പല്ലിലെ പ്ലാക്ക് ഫലപ്രദമായി നീക്കം ചെയ്യാനുള്ള ശേഷി അത്രത്തോളം കുറയുന്നു. വിദഗ്ദ്ധരുടെ അഭിപ്രായത്തില്, നാരു (bristles) കള് വശങ്ങളിലേക്ക് വളഞ്ഞു തുടങ്ങുന്നതിന് തൊട്ടുമുമ്പ് തന്നെ ടൂത്ത് ബ്രഷ് മാറ്റാന് ശ്രദ്ധിക്കണം.
* ശുചിത്വത്തിന് വേണ്ടി മാത്രമല്ല - ഒരു വ്യക്തി ദിവസം രണ്ടുനേരം, രണ്ടു മിനിറ്റ് വീതം, 3 മാസം ബ്രഷ് ചെയ്യുകയാണെങ്കില്, അത് ആകെ 500 മിനിറ്റ് ബ്രഷിംഗിന് തുല്യമാണെന്ന് നാഷണല് ലൈബ്രറി ഓഫ് മെഡിസിനില് പ്രസിദ്ധീകരിച്ച പഠനം പറയുന്നു. ഒരു ടൂത്ത് ബ്രഷില് കാര്യമായ തേയ്മാനം ഉണ്ടാകാന് ഈ സമയം ധാരാളമാണ്. മിക്ക ആളുകളും കരുതുന്നത് ശുചിത്വം മാത്രമാണ് ടൂത്ത് ബ്രഷ് മാറ്റാനുള്ള ഒരേയൊരു ഘടകം എന്നാണ്. പല്ലിന്റെ ഉപരിതലത്തില് നിന്നോ ഈറകളുടെ അതിരില് നിന്നോ പ്ലാക്ക് നീക്കം ചെയ്യുന്നതില് ടൂത്ത് ബ്രഷ് ഫലപ്രദമല്ലാതാകുമ്പോള് അത് മാറ്റേണ്ടതുണ്ട്. കൂടാതെ, വളഞ്ഞ നാരുകള് സംവേദനക്ഷമതയുള്ള ഈറകളെ മുറിവേല്പ്പിക്കാനും അത്യപൂര്വ്വമായി രക്തസ്രാവത്തിന് കാരണമാകാനും സാധ്യതയുണ്ട്.
* അണുക്കളുടെ ചെറിയ താവളങ്ങള് - ബാക്ടീരിയ, ഫംഗസ് തുടങ്ങിയ നിരവധി രോഗകാരികള് സ്വതന്ത്രമായി വളരുന്ന ഒരു സൂക്ഷ്മാണു ആവാസവ്യവസ്ഥയോട് (microecosystem) ടൂത്ത് ബ്രഷുകളെ ഉപമിക്കാം. ഒരു പഠനമനുസരിച്ച്, വെറും 24 മണിക്കൂര് ഉപയോഗിച്ചതിനുശേഷവും ടൂത്ത് ബ്രഷില് സ്ട്രെപ്റ്റോകോക്കസ് മ്യൂട്ടന്സ് (Streptococcus mutans) പോലുള്ള ബാക്ടീരിയകളുടെ സാന്നിധ്യം ഉണ്ടാകാം. ഭക്ഷണത്തിലെ പഞ്ചസാര കഴിച്ച് അതിനെ ആസിഡാക്കി മാറ്റി പല്ലിന്റെ പുറംപാളിയായ ഇനാമലിനെ ദോഷകരമായി ബാധിക്കുന്നവയാണിവ. ഈ സൂക്ഷ്മാണുക്കളുടെ എണ്ണം ഉപയോഗത്തിനനുസരിച്ച് വര്ദ്ധിക്കുകയും നവജാതശിശുക്കള്, പ്രായമായവര്, ഗര്ഭിണികള്, പ്രതിരോധശേഷി കുറഞ്ഞവര് എന്നിവര്ക്ക് ആരോഗ്യപരമായ അപകടസാധ്യത ഉണ്ടാക്കുകയും ചെയ്യുന്നു.
ടൂത്ത് പേസ്റ്റിലെ ഘടകങ്ങള്, ഉമിനീര്, ചര്മ്മകോശങ്ങള്, വെള്ളം എന്നിവ ഈ സൂക്ഷ്മാണുക്കള്ക്ക് ടൂത്ത് ബ്രഷിന്റെ ഉപരിതലത്തില് തഴച്ചുവളരാന് ധാരാളമാണ്. കൂടാതെ, ടോയ്ലറ്റ് സീറ്റിന് സമീപമാണ് ബ്രഷ് വച്ചിരിക്കുന്നതെങ്കില്, ഫ്ലഷ് ചെയ്യുമ്പോള് പുറത്തുവരുന്ന ടോയ്ലറ്റ് എയറോസോളുകള് അല്ലെങ്കില് അണുക്കള് നിറഞ്ഞ കണികകള് അവയില് അടിയാന് സാധ്യതയുണ്ട്. വിദഗ്ദ്ധര് പറയുന്നതനുസരിച്ച്, വളഞ്ഞ നാരുകളില് കൂടുതല് ഈര്പ്പം തങ്ങിനില്ക്കുകയും അത് സൂക്ഷ്മാണുക്കള്ക്ക് വളരാനുള്ള മികച്ച കേന്ദ്രമായി മാറുകയും ചെയ്യും.
* അസുഖത്തിന് ശേഷം ബ്രഷ് മാറ്റേണ്ടതുണ്ടോ? - ഒരാള് രോഗബാധിതനായി മാറിയതിനു ശേഷം ടൂത്ത് ബ്രഷ് ഉപേക്ഷിക്കണമോ എന്ന കാര്യത്തില് ആരോഗ്യ വിദഗ്ദ്ധര്ക്കിടയില് വ്യത്യസ്ത അഭിപ്രായങ്ങളുണ്ട്. ഒരു അണുബാധയ്ക്കെതിരെ പ്രതിരോധശേഷി നേടിയ ശേഷം വ്യക്തിക്ക് വീണ്ടും അതേ അണുബാധ ഉണ്ടാകുന്നത് അപൂര്വ്വമാണെന്ന് ചിലര് പറയുമ്പോള്, അത്തരം റിസ്ക് എടുക്കാതിരിക്കുന്നതാണ് നല്ലതെന്ന് ചില അപൂര്വ്വ പഠനങ്ങള് സൂചിപ്പിക്കുന്നു. ചില പഠനങ്ങള് അനുസരിച്ച് വയറിളക്കം, വായയിലെ ഫംഗസ് ബാധ (thrush) എന്നിവയ്ക്ക് കാരണമാകുന്ന ബാക്ടീരിയ, വൈറസ്, ഈസ്റ്റ് എന്നിവ ടൂത്ത് ബ്രഷുകളില് കാണപ്പെടാം. അതിനാല്, പകര്ച്ചവ്യാധികള്ക്ക് ശേഷം ടൂത്ത് ബ്രഷുകള് മാറ്റുന്നതാണ് ഉചിതം.
ടൂത്ത് ബ്രഷുകള് എങ്ങനെ സംരക്ഷിക്കാം?
* ചുറ്റുമുള്ള രോഗകാരികളില് നിന്ന് ടൂത്ത് ബ്രഷുകളെ എങ്ങനെ സംരക്ഷിക്കാമെന്ന് ക്ലീവ്ലാന്ഡ് ക്ലിനിക്ക് നിര്ദ്ദേശിക്കുന്നു:
* ബ്രഷ് കുത്തനെ നിര്ത്തി വരണ്ടതാക്കാന് അനുവദിക്കുക, ഇത് രോഗകാരികള് നശിക്കാന് സഹായിക്കും.
* അടച്ചുവെക്കുന്ന കേസിനുള്ളില് സൂക്ഷിക്കുന്നത് ഒഴിവാക്കുക, ഇത് അണുക്കള് വളരാന് അനുയോജ്യമായ തണുപ്പുള്ളതും ഈര്പ്പമുള്ളതുമായ അന്തരീക്ഷം സൃഷ്ടിക്കുന്നു.
* ടോയ്ലറ്റ് സീറ്റില് നിന്ന് അകറ്റി സൂക്ഷിക്കുക.
* ടൂത്ത് ബ്രഷ് ഉപയോഗിക്കുന്നതിന് മുമ്പ് കൈകള് നന്നായി കഴുകുക.
* മറ്റുള്ളവരുമായി ഡ്രോയര് പങ്കിടുകയാണെങ്കില്, ടൂത്ത് ബ്രഷുകള് നിശ്ചിത അകലത്തില് സൂക്ഷിക്കുക.
* കുടുംബാംഗങ്ങളുമായി പോലും ടൂത്ത് ബ്രഷുകള് പങ്കിടുന്നത് ഒഴിവാക്കുക.
* ശുചിത്വത്തിന് വേണ്ടി മാത്രമല്ല - ഒരു വ്യക്തി ദിവസം രണ്ടുനേരം, രണ്ടു മിനിറ്റ് വീതം, 3 മാസം ബ്രഷ് ചെയ്യുകയാണെങ്കില്, അത് ആകെ 500 മിനിറ്റ് ബ്രഷിംഗിന് തുല്യമാണെന്ന് നാഷണല് ലൈബ്രറി ഓഫ് മെഡിസിനില് പ്രസിദ്ധീകരിച്ച പഠനം പറയുന്നു. ഒരു ടൂത്ത് ബ്രഷില് കാര്യമായ തേയ്മാനം ഉണ്ടാകാന് ഈ സമയം ധാരാളമാണ്. മിക്ക ആളുകളും കരുതുന്നത് ശുചിത്വം മാത്രമാണ് ടൂത്ത് ബ്രഷ് മാറ്റാനുള്ള ഒരേയൊരു ഘടകം എന്നാണ്. പല്ലിന്റെ ഉപരിതലത്തില് നിന്നോ ഈറകളുടെ അതിരില് നിന്നോ പ്ലാക്ക് നീക്കം ചെയ്യുന്നതില് ടൂത്ത് ബ്രഷ് ഫലപ്രദമല്ലാതാകുമ്പോള് അത് മാറ്റേണ്ടതുണ്ട്. കൂടാതെ, വളഞ്ഞ നാരുകള് സംവേദനക്ഷമതയുള്ള ഈറകളെ മുറിവേല്പ്പിക്കാനും അത്യപൂര്വ്വമായി രക്തസ്രാവത്തിന് കാരണമാകാനും സാധ്യതയുണ്ട്.
* അണുക്കളുടെ ചെറിയ താവളങ്ങള് - ബാക്ടീരിയ, ഫംഗസ് തുടങ്ങിയ നിരവധി രോഗകാരികള് സ്വതന്ത്രമായി വളരുന്ന ഒരു സൂക്ഷ്മാണു ആവാസവ്യവസ്ഥയോട് (microecosystem) ടൂത്ത് ബ്രഷുകളെ ഉപമിക്കാം. ഒരു പഠനമനുസരിച്ച്, വെറും 24 മണിക്കൂര് ഉപയോഗിച്ചതിനുശേഷവും ടൂത്ത് ബ്രഷില് സ്ട്രെപ്റ്റോകോക്കസ് മ്യൂട്ടന്സ് (Streptococcus mutans) പോലുള്ള ബാക്ടീരിയകളുടെ സാന്നിധ്യം ഉണ്ടാകാം. ഭക്ഷണത്തിലെ പഞ്ചസാര കഴിച്ച് അതിനെ ആസിഡാക്കി മാറ്റി പല്ലിന്റെ പുറംപാളിയായ ഇനാമലിനെ ദോഷകരമായി ബാധിക്കുന്നവയാണിവ. ഈ സൂക്ഷ്മാണുക്കളുടെ എണ്ണം ഉപയോഗത്തിനനുസരിച്ച് വര്ദ്ധിക്കുകയും നവജാതശിശുക്കള്, പ്രായമായവര്, ഗര്ഭിണികള്, പ്രതിരോധശേഷി കുറഞ്ഞവര് എന്നിവര്ക്ക് ആരോഗ്യപരമായ അപകടസാധ്യത ഉണ്ടാക്കുകയും ചെയ്യുന്നു.
ടൂത്ത് പേസ്റ്റിലെ ഘടകങ്ങള്, ഉമിനീര്, ചര്മ്മകോശങ്ങള്, വെള്ളം എന്നിവ ഈ സൂക്ഷ്മാണുക്കള്ക്ക് ടൂത്ത് ബ്രഷിന്റെ ഉപരിതലത്തില് തഴച്ചുവളരാന് ധാരാളമാണ്. കൂടാതെ, ടോയ്ലറ്റ് സീറ്റിന് സമീപമാണ് ബ്രഷ് വച്ചിരിക്കുന്നതെങ്കില്, ഫ്ലഷ് ചെയ്യുമ്പോള് പുറത്തുവരുന്ന ടോയ്ലറ്റ് എയറോസോളുകള് അല്ലെങ്കില് അണുക്കള് നിറഞ്ഞ കണികകള് അവയില് അടിയാന് സാധ്യതയുണ്ട്. വിദഗ്ദ്ധര് പറയുന്നതനുസരിച്ച്, വളഞ്ഞ നാരുകളില് കൂടുതല് ഈര്പ്പം തങ്ങിനില്ക്കുകയും അത് സൂക്ഷ്മാണുക്കള്ക്ക് വളരാനുള്ള മികച്ച കേന്ദ്രമായി മാറുകയും ചെയ്യും.
* അസുഖത്തിന് ശേഷം ബ്രഷ് മാറ്റേണ്ടതുണ്ടോ? - ഒരാള് രോഗബാധിതനായി മാറിയതിനു ശേഷം ടൂത്ത് ബ്രഷ് ഉപേക്ഷിക്കണമോ എന്ന കാര്യത്തില് ആരോഗ്യ വിദഗ്ദ്ധര്ക്കിടയില് വ്യത്യസ്ത അഭിപ്രായങ്ങളുണ്ട്. ഒരു അണുബാധയ്ക്കെതിരെ പ്രതിരോധശേഷി നേടിയ ശേഷം വ്യക്തിക്ക് വീണ്ടും അതേ അണുബാധ ഉണ്ടാകുന്നത് അപൂര്വ്വമാണെന്ന് ചിലര് പറയുമ്പോള്, അത്തരം റിസ്ക് എടുക്കാതിരിക്കുന്നതാണ് നല്ലതെന്ന് ചില അപൂര്വ്വ പഠനങ്ങള് സൂചിപ്പിക്കുന്നു. ചില പഠനങ്ങള് അനുസരിച്ച് വയറിളക്കം, വായയിലെ ഫംഗസ് ബാധ (thrush) എന്നിവയ്ക്ക് കാരണമാകുന്ന ബാക്ടീരിയ, വൈറസ്, ഈസ്റ്റ് എന്നിവ ടൂത്ത് ബ്രഷുകളില് കാണപ്പെടാം. അതിനാല്, പകര്ച്ചവ്യാധികള്ക്ക് ശേഷം ടൂത്ത് ബ്രഷുകള് മാറ്റുന്നതാണ് ഉചിതം.
ടൂത്ത് ബ്രഷുകള് എങ്ങനെ സംരക്ഷിക്കാം?
* ചുറ്റുമുള്ള രോഗകാരികളില് നിന്ന് ടൂത്ത് ബ്രഷുകളെ എങ്ങനെ സംരക്ഷിക്കാമെന്ന് ക്ലീവ്ലാന്ഡ് ക്ലിനിക്ക് നിര്ദ്ദേശിക്കുന്നു:
* ബ്രഷ് കുത്തനെ നിര്ത്തി വരണ്ടതാക്കാന് അനുവദിക്കുക, ഇത് രോഗകാരികള് നശിക്കാന് സഹായിക്കും.
* അടച്ചുവെക്കുന്ന കേസിനുള്ളില് സൂക്ഷിക്കുന്നത് ഒഴിവാക്കുക, ഇത് അണുക്കള് വളരാന് അനുയോജ്യമായ തണുപ്പുള്ളതും ഈര്പ്പമുള്ളതുമായ അന്തരീക്ഷം സൃഷ്ടിക്കുന്നു.
* ടോയ്ലറ്റ് സീറ്റില് നിന്ന് അകറ്റി സൂക്ഷിക്കുക.
* ടൂത്ത് ബ്രഷ് ഉപയോഗിക്കുന്നതിന് മുമ്പ് കൈകള് നന്നായി കഴുകുക.
* മറ്റുള്ളവരുമായി ഡ്രോയര് പങ്കിടുകയാണെങ്കില്, ടൂത്ത് ബ്രഷുകള് നിശ്ചിത അകലത്തില് സൂക്ഷിക്കുക.
* കുടുംബാംഗങ്ങളുമായി പോലും ടൂത്ത് ബ്രഷുകള് പങ്കിടുന്നത് ഒഴിവാക്കുക.
Comments