ബിഗ് ബോസ് മലയാളം സീസണ്‍ നാലില്‍ മത്സരാര്‍ത്ഥിയായി എത്തിയതു വഴി ആരാധകരെ സൃഷ്ടിക്കുകയും പിന്നീട് സോഷ്യല്‍ മീഡിയ ഇന്‍ഫ്‌ളുവന്‍സറായും പബ്ലിക്ക് ഫിഗറായും ബി.ജെ.പി സ്ഥാനാര്‍ഥിയായും ശ്രദ്ധ നേടുകയും ചെയ്ത വ്യക്തിയാണ് റോബിന് രാധാകൃഷ്ണന്‍. സെലിബ്രിറ്റിയായ ശേഷമുള്ള വിവാഹമായതു കൊണ്ട് റോബിന്റെ ഭാര്യ ആരതി പൊടിയും സോഷ്യല്‍ മീഡിയയിലൂടെ ഏറെ ശ്രദ്ധിക്കപ്പെട്ട വ്യക്തിയാണ്. ഫാഷൻ ഡിസൈനർ, സംരംഭക എന്നീ നിലകളില്‍ തിളങ്ങി നില്‍ക്കുന്ന ആരതി പൊടി സോഷ്യല്‍ മീഡിയയിലെ റോബിനെ വിവാഹം ചെയ്തതോടെയാണ്. ഇവരുടെ വിവാഹവും പങ്കിടുന്ന ചിത്രങ്ങളുമെല്ലാം സോഷ്യല്‍ മീഡിയ ഏറ്റെടുത്തിട്ടുണ്ട്. സെലിബ്രിറ്റികള്‍ ഉള്‍പ്പെടെ നിരവധി പ്രമുഖർക്ക് വസ്ത്രങ്ങള്‍ ഡിസൈൻ ചെയ്ത് നല്‍കി സ്വന്തമായൊരു ഇടം നേടിയെടുക്കാൻ ആരതിക്ക് ഇതിനകം സാധിച്ചിട്ടുണ്ട്.
എന്നാല്‍ ഇക്കഴിഞ്ഞ ദിവസങ്ങളില്‍ റോബിന്റെ പേര് കേള്‍ക്കുന്നത് സാമ്പത്തിക ഇടപാടുമായി ബന്ധപ്പെട്ട വിഷയങ്ങളിലാണ്. മുന്‍ ബിഗ് ബോസ് താരം വേദ് ലക്ഷ്മിയും കേരള ഫാഷൻ ലീഗ് ഉടമ അഭില്‍ ദേവുമാണ് റോബിനെതിരെ ശക്തമായി രംഗത്ത് വന്നത്. പലപ്പോഴായി കടം വാങ്ങിയ പണം റോബിന് തിരികെ നല്‍കിയില്ലെന്നാണ് ആരോപണം. റോബിന് എതിരെയുള്ള പുതിയ വിവാദം സോഷ്യല്‍ മീഡിയയിലും ചര്‍ച്ചയായിട്ടുണ്ട്.
ഇപ്പോഴിതാ റോബിനുമായി ബന്ധപ്പെട്ടുള്ള വിവാദങ്ങള്‍ കത്തി നില്‍ക്കുമ്പോള്‍ തന്റെ നിലപാട് സോഷ്യല്‍ മീഡിയയിലൂടെ പങ്കിടുകയാണ് ആരതി പൊടി. ഭൂമി കുലുങ്ങുമ്പോഴും അടിപതറാതെ നില്‍ക്കാൻ പഠിച്ചിട്ടുണ്ടെന്നും ഈശ്വരന്റെ കരങ്ങളില്‍ അഭയം തേടിയെന്നുമാണ് ആരതി പൊടി കുറിച്ചത്.
‘‘ഭൂമി കുലുങ്ങുമ്പോഴും അടിപതറാതെ നില്‍ക്കാൻ അവള്‍ പഠിച്ചു... ഈശ്വരന്റെ കരങ്ങളില്‍ അഭയം തേടി, ദേവീശക്തിയെ നെഞ്ചിലേറ്റുന്നവളാണ് യഥാർത്ഥ ശക്തയായ സ്ത്രീ...’’ എന്നാണ് ഒരു രാജകുമാരിയെപ്പോലെ ഒരുങ്ങിയ തന്റെ ചിത്രങ്ങള്‍ പങ്കിട്ട് ആരതി പൊടി കുറിച്ചത്. തനിക്കെതിരെയും തന്റെ ബിസിനസ്സ് സ്ഥാപനത്തിനെതിരെയും ഉയരുന്ന വ്യാജ പ്രചാരണങ്ങള്‍ക്കെതിരെ ഇൻസ്റ്റഗ്രാം സ്റ്റോറിയിലൂടെയും ആരതി നിലപാട് വ്യക്തമാക്കിയിട്ടുണ്ട്.
‘‘വ്യക്തമായ ഒരു പ്രസ്താവന...
സോഷ്യല്‍ മീഡിയയില്‍ ഇപ്പോള്‍ ധാരാളം ആരോപണങ്ങളും ചർച്ചകളും നടക്കുന്നുണ്ട്. ഒരു കാര്യം ഞാൻ വ്യക്തമായി പറയാം. ഇത് അഭിലും റോബിനും തമ്മിലുള്ള പ്രശ്നമാണ്. അവർക്ക് എന്ത് പ്രശ്നങ്ങളുണ്ടെങ്കിലും, അവർ അത് സ്വയം പരിഹരിക്കണം. എന്നെയോ എന്റെ പേരോ എന്റെ ബ്രാൻഡോ അതിലേക്ക് വലിച്ചിഴക്കരുത്.
ലക്ഷ്മി എന്റെ വീഡിയോകളും ഉള്ളടക്കവും മനഃപൂർവ്വം ഉപയോഗിക്കുകയും എന്നെ ഇതിലേയ്ക്ക് വലിച്ചിഴയ്ക്കുകയും ചെയ്തു. ഈ ആരോപണങ്ങളില്‍ എനിക്ക് യാതൊരു ബന്ധവുമില്ല. എന്റെ പേരും ബ്രാൻഡും ഉപയോഗിച്ച്‌ തെറ്റായ വിവരണം സൃഷ്ടിക്കുമ്പോള്‍ ഞാൻ മൗനം പാലിക്കില്ല. ഇതിന് ഉത്തരവാദികളായവർക്കെതിരെ മാനനഷ്ടക്കേസ് ഉള്‍പ്പെടെയുള്ള നിയമനടപടി സ്വീകരിക്കും.
എന്റെ ബ്രാൻഡ് ഞാൻ ഒറ്റരാത്രികൊണ്ട് നിർമ്മിച്ച ഒന്നല്ല. വർഷങ്ങളുടെ കഠിനാധ്വാനത്തിന്റെയും ത്യാഗത്തിന്റെയും സമർപ്പണത്തിന്റെയും എന്റെ സ്വന്തം ഐഡന്റിറ്റി കെട്ടിപ്പടുക്കാൻ ഞാൻ ചെലവഴിച്ച എല്ലാത്തിന്റെയും ഫലമാണിത്. ആരോപണങ്ങള്‍ പ്രചരിപ്പിച്ച്‌ എന്നെ ബാധിക്കാത്ത കാര്യങ്ങളിലേക്ക് എന്റെ പേര് വലിച്ചിഴച്ച്‌ എന്റെ പ്രശസ്തിയെയോ എന്റെ ബിസിനസിനെയോ നശിപ്പിക്കാൻ ആർക്കും അവകാശമില്ല.
ദയവായി എന്റെ നിശബ്ദതയെ ബലഹീനതയായി തെറ്റിദ്ധരിക്കരുത്. സത്യം എനിക്കറിയാം. ഇന്ന് എനിക്കുള്ളതെല്ലാം കെട്ടിപ്പടുക്കാൻ ഞാൻ നടത്തിയ പരിശ്രമം എനിക്കറിയാം. ശരിയായ നിയമപരമായ മാർഗങ്ങളിലൂടെ എന്റെ പേരും ബ്രാൻഡും ഞാൻ സംരക്ഷിക്കും. എന്നെയും എന്റെ ബ്രാൻഡിനെയും ഇതില്‍ നിന്ന് ഒഴിവാക്കുക...’’ എന്നാണ് ആരതി പൊടി ഇന്‍സ്റ്റഗ്രാം സ്റ്റോറിയില്‍ കുറിച്ചിരിക്കുന്നത്.
അഭില്‍ ദേവിന് ലക്ഷക്കണക്കിന് രൂപ നല്‍കാനുണ്ടെന്നാണ് വേദലക്ഷ്മി ആരോപിക്കുന്നത്. തങ്ങളുടെ വാദങ്ങള്‍ക്ക് തെളിവായി ചില ഓഡിയോ റെക്കോർഡിങ്ങുകളും ഇവർ സോഷ്യല്‍ മീഡിയ വഴി പുറത്തുവിട്ടിരുന്നു. വേദലക്ഷ്മിക്ക് എട്ടു ലക്ഷം രൂപയും അബില്‍ദേവിന് 40 ലക്ഷത്തോളം രൂപയും റോബിൻ നല്‍കാനുണ്ടെന്നാണ് പരാതി. പണം തിരികെ ചോദിച്ചപ്പോള്‍ റോബിൻ ബി.ജെ.പി ബന്ധങ്ങള്‍ ചൂണ്ടിക്കാട്ടിയതായും ഹണിട്രാപ്പില്‍പ്പെടുത്തുമെന്ന് ഭീഷപ്പെടുത്തിയതായും ഇരുവരും മാദ്ധ്യമങ്ങളോട് പറഞ്ഞു.
എന്നാല്‍ ഈ ആരോപണങ്ങള്‍ പൂർണ്ണമായും നിഷേധിച്ചുകൊണ്ട് റോബിൻ രംഗത്തെത്തിയിട്ടുണ്ട്. വേദലക്ഷ്മിയും അഭില്‍ ദേവും ചേർന്ന് കെട്ടിച്ചമച്ച എഡിറ്റഡ് ഓഡിയോകളാണ് പ്രചരിപ്പിക്കുന്നതെന്നും, തന്നെ സാമ്പത്തികമായും രാഷ്ട്രീയമായും തകർക്കാനും പണം തട്ടിയെടുക്കാനുമുള്ള ആസൂത്രിത ശ്രമമാണ് നടക്കുന്നതെന്നുമാണ് റോബിന്റെ വാദം. റോബിനുണ്ടെന്നും കടം കൊടുത്തവരും പങ്കാളി ആരതി പൊടി പോലും ആ കണ്‍വിന്‍സിങ് പവറില്‍ പെട്ട് പോയവരാണെന്നും ചിലര്‍ കുറിച്ചു. ഏഴ് ദിവസം നീണ്ടുനില്‍ക്കുന്ന ആര്‍ഭാട വിവാഹം നടത്തി റോബിന് വരുത്തിവെച്ച സാമ്പത്തിക ബാധ്യതയെ കുറിച്ച്‌ അബില്‍ ദേവ് വാര്‍ത്ത സമ്മേളനത്തില്‍ പറഞ്ഞിരുന്നു.
Comments