മിനീസ്‌ക്രീന്‍ പ്രേക്ഷകര്‍ക്ക് ഏറെ പ്രിയപ്പെട്ട താരദമ്പതികളാണ് മൃദുല വിജയ്‌യും യുവ കൃഷ്ണയും. സോഷ്യല്‍ മീഡിയയില്‍ സജീവമായ ഇരുവരും തങ്ങളുടെ ജീവിതത്തിലെ സന്തോഷ നിമിഷങ്ങള്‍ എല്ലാം ആരാധരുമായി പങ്കുവയ്ക്കാറുണ്ട്. ഇപ്പോഴിതാ മകള്‍ ധ്വനിക്ക് ജന്മദിനാശംസകള്‍ നേര്‍ന്ന് യുവ കൃഷ്ണ പങ്കുവച്ച കുറിപ്പ് ശ്രദ്ധ നേടുകയാണ്.
''ഞങ്ങളുടെ ഓരോ ദിവസവും പ്രചോദനവും സന്തോഷവും സ്നേഹവും നിറച്ചുകൊണ്ടിരിക്കുന്ന, ഞങ്ങളുടെ പ്രിയപ്പെട്ട കുഞ്ഞിക്കുസൃതിപ്പെട്ടിക്ക് ഒരായിരം ഹൃദയം നിറഞ്ഞ ജന്മദിനാശംസകൾ!
നിന്റെ പുഞ്ചിരിയും കുസൃതികളും സ്നേഹവും എന്നും ഞങ്ങളുടെ ജീവിതത്തിൽ നിറഞ്ഞുനിൽക്കട്ടെ. ദൈവത്തിന്റെ അനുഗ്രഹവും സന്തോഷവും സമാധാനവും എന്നും നിന്നോടൊപ്പമുണ്ടാകട്ടെ. ജീവിതത്തിലെ ഓരോ സ്വപ്നങ്ങളും സഫലമാകട്ടെ, ഓരോ ചുവടുകളും വിജയത്തിലേക്ക് നയിക്കട്ടെ.
ഞങ്ങളുടെ പ്രിയപ്പെട്ട കുസൃതിപ്പെട്ടിക്ക് ഒരായിരം ജന്മദിനാശംസകൾ! '' , കുഞ്ഞ് ധ്വനിയുടെ ചിത്രത്തിനൊപ്പം യുവ കൃഷ്ണ കുറിച്ചു. പോസ്റ്റിന് താഴെ നിരവധിപ്പേര്‍ ധ്വനിക്ക് പിറന്നാള്‍ ആശംസകള്‍ നേര്‍ന്ന് കമന്‍റുകളുമായി എത്തി.
2021 ജൂലൈയില്‍ ആയിരുന്നു യുവ കൃഷ്ണയുടെയും മൃദുലയുടെയും വിവാഹം. 2022 ആഗസ്റ്റ് 18നാണ് മകള്‍ ജനിക്കുന്നത്.
Comments