തിരുവനന്തപുരം: കേരള സര്വകലാശാലയുടെ എല്എല്.ബി. പരീക്ഷാ മൂല്യനിര്ണയത്തില് ഗുരുതര വീഴ്ചകള്. ഒന്നാം മൂല്യനിര്ണയത്തില് പരാജയപ്പെട്ട തിരുവനന്തപുരം ഗവ. ലോ കോളജിലെ 45 വിദ്യാര്ഥികള് പുനര്മൂല്യനിര്ണയത്തില് ഉയര്ന്ന മാര്ക്കോടെ വിജയിച്ചതോടെയാണ് വിവാദം തലപൊക്കിയത്. ആദ്യ മൂല്യനിര്ണയം നടത്തിയ അധ്യാപകര്ക്കെതിരേ നടപടി ആവശ്യപ്പെട്ട് വിദ്യാര്ഥി സംഘടനകളും രംഗത്തുവന്നു.
പുനര്മൂല്യനിര്ണയത്തില് വിജയിച്ചവരുടെ മാര്ക്ക് വിവരങ്ങള് ഹാജരാക്കാന് വൈസ് ചാന്സലര് നിര്ദേശിച്ചതോടെയാണ് വീഴ്ചയുടെ വ്യാപ്തി പുറത്തുവന്നത്. പരീക്ഷാ കണ്ട്രോളര് വൈസ് ചാന്സലര്ക്ക് നല്കിയ റിപ്പോര്ട്ട് പ്രകാരം വിവിധ സെമസ്റ്ററുകളിലായി പുനര്മൂല്യനിര്ണയത്തിന് അപേക്ഷിച്ച 292 വിദ്യാര്ഥികളില് 231 പേര്ക്കും മാര്ക്ക് ഉയര്ന്നു. ഇതോടെ പുനര്മൂല്യനിര്ണയം വെറും ആശ്വാസനടപടിയല്ലെന്നും ആദ്യ മൂല്യനിര്ണയത്തിലെ ഗുരുതര പിഴവുകളിലേക്കാണ് വിരല്ചൂണ്ടുന്നതെന്നും ആരോപണം ശക്തമായി.
44 പേരുടെയും മാര്ക്ക് മാറി
അഞ്ചാം സെമസ്റ്റര് പരീക്ഷയുടെ പുനര്മൂല്യനിര്ണയത്തിന് അപേക്ഷിച്ച 44 വിദ്യാര്ഥികളുടെയും മാര്ക്കില് വലിയ വ്യത്യാസം രേഖപ്പെടുത്തി. അപേക്ഷിച്ച മുഴുവന് വിദ്യാര്ഥികളുടെയും മാര്ക്ക് മാറിയെന്നത് അതീവ ഗൗരവത്തോടെയാണ് സര്വകലാശാല കാണുന്നത്. ചില ഉത്തരക്കടലാസുകളില് 10 ശതമാനം മുതല് 50 ശതമാനം വരെ മാര്ക്ക് വ്യത്യാസപ്പെട്ടതായാണ് റിപ്പോര്ട്ട്.
സര്വകലാശാലാ ചട്ടപ്രകാരം ആദ്യ മൂല്യനിര്ണയവും പുനര്മൂല്യനിര്ണയവും തമ്മില് 20 ശതമാനത്തിലധികം മാര്ക്ക് വ്യത്യാസമുണ്ടായാല് ആദ്യ മൂല്യനിര്ണയം നടത്തിയ അധ്യാപകര്ക്കെതിരേ നടപടി സ്വീകരിക്കേണ്ടതാണ്. ഇതുസംബന്ധിച്ച് സിന്ഡിക്കേറ്റിന് റിപ്പോര്ട്ട് നല്കിയിട്ടും നടപടിയില്ലെന്ന ആരോപണമാണ് വിദ്യാര്ഥികള് ഉയര്ത്തുന്നത്.
പൂജ്യംനല്കിയ ഉത്തരക്കടലാസും
കൃത്യമായി ഉത്തരമെഴുതിയ ഒന്നര പേജ് ഉത്തരക്കടലാസിന് പൂജ്യം മാര്ക്ക് നല്കിയെന്ന ആരോപണവും പുറത്തുവന്നിട്ടുണ്ട്. വിവാദം ശക്തമായതോടെ പുനര്മൂല്യനിര്ണയം നടത്തിയ മുഴുവന് ഉത്തരക്കടലാസുകളും അടിയന്തരമായി സീല് ചെയ്ത് പരീക്ഷാ കണ്ട്രോളറുടെ കസ്റ്റഡിയില് സുരക്ഷിതമായി സൂക്ഷിക്കാന് വൈസ് ചാന്സലര് നിര്ദേശം നല്കി.
എല്എല്.ബിക്ക് ഇനി ഇരട്ട മൂല്യനിര്ണയം
വിവാദങ്ങളുടെ പശ്ചാത്തലത്തില് എല്എല്.ബി. പരീക്ഷാ നടത്തിപ്പില് സമഗ്ര മാറ്റത്തിനാണ് സര്വകലാശാല ഒരുങ്ങുന്നത്. ചോദ്യപേപ്പര് വിതരണം മുതല് മൂല്യനിര്ണയം വരെ ഓണ്ലൈന് സംവിധാനത്തിലേക്ക് മാറ്റാനും തീരുമാനിച്ചിട്ടുണ്ട്. പി.ജി, എം.ബി.ബി.എസ്. പരീക്ഷകള്ക്ക് സമാനമായി എല്എല്.ബി പരീക്ഷയ്ക്കും ഇരട്ട മൂല്യനിര്ണയം നടപ്പാക്കും.വിദ്യാര്ഥികള്ക്ക് സ്വന്തം ഉത്തരക്കടലാസ് പരിശോധിച്ച് ഉറപ്പുവരുത്താനുള്ള അവസരവും നല്കും.
സുനില് ജെ. സണ്ണി
പുനര്മൂല്യനിര്ണയത്തില് വിജയിച്ചവരുടെ മാര്ക്ക് വിവരങ്ങള് ഹാജരാക്കാന് വൈസ് ചാന്സലര് നിര്ദേശിച്ചതോടെയാണ് വീഴ്ചയുടെ വ്യാപ്തി പുറത്തുവന്നത്. പരീക്ഷാ കണ്ട്രോളര് വൈസ് ചാന്സലര്ക്ക് നല്കിയ റിപ്പോര്ട്ട് പ്രകാരം വിവിധ സെമസ്റ്ററുകളിലായി പുനര്മൂല്യനിര്ണയത്തിന് അപേക്ഷിച്ച 292 വിദ്യാര്ഥികളില് 231 പേര്ക്കും മാര്ക്ക് ഉയര്ന്നു. ഇതോടെ പുനര്മൂല്യനിര്ണയം വെറും ആശ്വാസനടപടിയല്ലെന്നും ആദ്യ മൂല്യനിര്ണയത്തിലെ ഗുരുതര പിഴവുകളിലേക്കാണ് വിരല്ചൂണ്ടുന്നതെന്നും ആരോപണം ശക്തമായി.
44 പേരുടെയും മാര്ക്ക് മാറി
അഞ്ചാം സെമസ്റ്റര് പരീക്ഷയുടെ പുനര്മൂല്യനിര്ണയത്തിന് അപേക്ഷിച്ച 44 വിദ്യാര്ഥികളുടെയും മാര്ക്കില് വലിയ വ്യത്യാസം രേഖപ്പെടുത്തി. അപേക്ഷിച്ച മുഴുവന് വിദ്യാര്ഥികളുടെയും മാര്ക്ക് മാറിയെന്നത് അതീവ ഗൗരവത്തോടെയാണ് സര്വകലാശാല കാണുന്നത്. ചില ഉത്തരക്കടലാസുകളില് 10 ശതമാനം മുതല് 50 ശതമാനം വരെ മാര്ക്ക് വ്യത്യാസപ്പെട്ടതായാണ് റിപ്പോര്ട്ട്.
സര്വകലാശാലാ ചട്ടപ്രകാരം ആദ്യ മൂല്യനിര്ണയവും പുനര്മൂല്യനിര്ണയവും തമ്മില് 20 ശതമാനത്തിലധികം മാര്ക്ക് വ്യത്യാസമുണ്ടായാല് ആദ്യ മൂല്യനിര്ണയം നടത്തിയ അധ്യാപകര്ക്കെതിരേ നടപടി സ്വീകരിക്കേണ്ടതാണ്. ഇതുസംബന്ധിച്ച് സിന്ഡിക്കേറ്റിന് റിപ്പോര്ട്ട് നല്കിയിട്ടും നടപടിയില്ലെന്ന ആരോപണമാണ് വിദ്യാര്ഥികള് ഉയര്ത്തുന്നത്.
പൂജ്യംനല്കിയ ഉത്തരക്കടലാസും
കൃത്യമായി ഉത്തരമെഴുതിയ ഒന്നര പേജ് ഉത്തരക്കടലാസിന് പൂജ്യം മാര്ക്ക് നല്കിയെന്ന ആരോപണവും പുറത്തുവന്നിട്ടുണ്ട്. വിവാദം ശക്തമായതോടെ പുനര്മൂല്യനിര്ണയം നടത്തിയ മുഴുവന് ഉത്തരക്കടലാസുകളും അടിയന്തരമായി സീല് ചെയ്ത് പരീക്ഷാ കണ്ട്രോളറുടെ കസ്റ്റഡിയില് സുരക്ഷിതമായി സൂക്ഷിക്കാന് വൈസ് ചാന്സലര് നിര്ദേശം നല്കി.
എല്എല്.ബിക്ക് ഇനി ഇരട്ട മൂല്യനിര്ണയം
വിവാദങ്ങളുടെ പശ്ചാത്തലത്തില് എല്എല്.ബി. പരീക്ഷാ നടത്തിപ്പില് സമഗ്ര മാറ്റത്തിനാണ് സര്വകലാശാല ഒരുങ്ങുന്നത്. ചോദ്യപേപ്പര് വിതരണം മുതല് മൂല്യനിര്ണയം വരെ ഓണ്ലൈന് സംവിധാനത്തിലേക്ക് മാറ്റാനും തീരുമാനിച്ചിട്ടുണ്ട്. പി.ജി, എം.ബി.ബി.എസ്. പരീക്ഷകള്ക്ക് സമാനമായി എല്എല്.ബി പരീക്ഷയ്ക്കും ഇരട്ട മൂല്യനിര്ണയം നടപ്പാക്കും.വിദ്യാര്ഥികള്ക്ക് സ്വന്തം ഉത്തരക്കടലാസ് പരിശോധിച്ച് ഉറപ്പുവരുത്താനുള്ള അവസരവും നല്കും.
സുനില് ജെ. സണ്ണി
Comments