തിരുവനന്തപുരം: അയ്യപ്പസ്വാമിയെയും മാളികപ്പുറത്തമ്മയെയും അപകീര്ത്തിപ്പെടുത്തുന്ന തരത്തില് സണ്ണി എം. കപിക്കാട് നടത്തിയ പരാമര്ശങ്ങള്ക്കെതിരേ പരാതിയും പ്രതിഷേധധും. ദേശീയ തലത്തിലുള്ള ഹരിവരാസനം ചാരിറ്റബിള് ട്രസ്റ്റ് ശക്തമായ പ്രതിഷേധം രേഖപ്പെടുത്തി.
സംഭവത്തില് സമഗ്രമായ അന്വേഷണം നടത്തി വസ്തുതകള് പരിശോധിക്കുകയും, നിയമലംഘനം ഉണ്ടായിട്ടുണ്ടെങ്കില് നിയമാനുസൃതമായ ശക്തമായ നടപടി സ്വീകരിക്കുകയും ചെയ്യണമെന്ന് ആവശ്യപ്പെട്ട് ഹരിവരാസനം ചാരിറ്റബിള് ട്രസ്റ്റ് മുഖ്യമന്ത്രിക്കും, ദേവസ്വം ബോര്ഡ് മന്ത്രിക്കും, കേരള പോലീസ് മേധാവിക്കും പരാതി നല്കിയിട്ടുണ്ട്.
അയ്യപ്പസ്വാമിയെയും മാളികപ്പുറത്തമ്മയെയും കുറിച്ചു സണ്ണി എം. കപിക്കാട് നടത്തിയ പരാമര്ശങ്ങളെ ശബരിമല മാളികപ്പുറം മേല്ശാന്തി സമാജം അപലപിച്ചു. ഒരു വിശ്വാസിക്കും അംഗീകരിക്കാനോ സഹിക്കാനോ കഴിയാത്ത തരത്തിലുള്ള പരാമര്ശങ്ങള് നടത്തുന്നത് അഭിപ്രായ സ്വാതന്ത്യത്തിന്റെ പരിധിയില്പ്പെടുത്തി ന്യായീകരിക്കാനാവില്ല.
മതവികാരം വ്രണപ്പെടുത്തിയതിനെതിരേ തിരുവിതാംകൂര് ദേവസ്വം ബോര്ഡ് അടിയന്തരമായി ഇടപെടുകയും നിയമ നടപടി സ്വീകരിക്കുന്നതിനു സംസ്ഥാന ആഭ്യന്തരവകുപ്പിനെ സമീപിക്കുകയും ചെയ്യണമെന്നു ശബരിമല മാളികപ്പുറം മേല്ശാന്തി സമാജം പ്രസിഡന്റ് പുതുമന മനു നമ്പൂതിരി, സെക്രട്ടറി മാടവന പരമേശ്വരന് നമ്പൂതിരി, ട്രഷറര് ഇടമന ദാമോദരന് പോറ്റി എന്നിവര് ആവശ്യപ്പെട്ടു.
സണ്ണി എം. കപിക്കാടിനെതിരേ തിരൂര് പോലീസിലും പരാതി. ഹിന്ദു ഐക്യവേദി തിരൂര് താലൂക്ക് സെക്രട്ടറി ഇടത്തോട്ടില് മനോജ് കുമാറാണ് എസ്.എച്ച്.ഒയ്ക്കു പരാതി നല്കിയത്. തുഞ്ചത്തെഴുത്തച്ഛന് മലയാള സര്വകലാശാലയുടെ മുന്നില് നടന്ന ഒരു പ്രതിഷേധ പരിപാടിയിലാണ് സണ്ണി കപിക്കാട് നൈഷ്ടിക ബ്രഹ്മചാരിയായ അയ്പ്പസ്വാമിക്കെതിരേ പ്രസംഗിച്ചത്. വിശ്വാസികളുടെ വിശ്വാസം വ്രണപ്പെടുത്തിയെന്നു പരാതിയില് പറയുന്നു.
Comments