വിമാനത്താവളത്തിൽ കാത്തിരിക്കുമ്പോൾ സ്വന്തം സാധനങ്ങൾക്കുപോലും പലരും കണ്ണുവെച്ചിരിക്കും. എന്നാൽ ലഖ്നൗ വിമാനത്താവളത്തിൽ കൊച്ചുമകളുടെ ലഗേജിന് കാവലിരുന്ന ഒരു മുത്തശ്ശിയുടെ സ്നേഹമാണ് ഇപ്പോൾ സമൂഹമാധ്യമങ്ങളിൽ വൈറലാകുന്നത്. ഹൈദരാബാദിലേക്കുള്ള വിമാനം കാത്തിരിക്കുമ്പോൾ ലഗേജിനരികിൽ ഇരുന്ന മുത്തശ്ശി ആരെങ്കിലും ബാഗ് എടുത്തുകൊണ്ടുപോകുമോ എന്ന ആശങ്കയിലായിരുന്നു. കൊച്ചുമകളുമായുള്ള അവരുടെ നിഷ്കളങ്കമായ സംഭാഷണമാണ് വീഡിയോയെ കൂടുതൽ ഹൃദയസ്പർശിയാക്കിയത്.
കൊച്ചുമകൾ മുത്തശ്ശിയോട് അവിടെ വന്നിരിക്കുന്നത് എന്തിനാണെന്ന് ചോദിച്ചപ്പോഴാണ് രസകരമായ സംഭാഷണം തുടങ്ങുന്നത്. വിമാനം കാണാനാണ് വന്നതെന്ന് മുത്തശ്ശി പറയുന്നുണ്ടെങ്കിലും, താൻ ഭയന്നിരുന്നുവെന്ന കാര്യം കൊച്ചുമകൾ ഓർമിപ്പിക്കുന്നു. പിന്നാലെ യഥാർഥ കാരണം മുത്തശ്ശി തന്നെ വെളിപ്പെടുത്തി. കൊച്ചുമകളുടെ ലഗേജ് ആരെങ്കിലും എടുത്തുകൊണ്ടുപോകാതിരിക്കാനാണ് അവിടെ ഇരുന്ന് കാവൽ നോക്കുന്നതെന്നായിരുന്നു മുത്തശ്ശിയുടെ മറുപടി. വിമാനത്താവളത്തിൽ ആരും ലഗേജ് എടുത്തുകൊണ്ടുപോകില്ലെന്ന് കൊച്ചുമകൾ പറഞ്ഞിട്ടും മുത്തശ്ശിയുടെ കരുതലിന് കുറവൊന്നുമുണ്ടായില്ല.
ഇതിനിടെ വിമാനത്തെക്കുറിച്ചുള്ള മുത്തശ്ശിയുടെ കൗതുകവും സംഭാഷണത്തിൽ നിറഞ്ഞുനിന്നു. വിമാനം എവിടെയാണ് പാർക്ക് ചെയ്യുന്നതെന്നും ആ സ്ഥലത്തെ ‘പാർക്കിങ്’ എന്നാണ് വിളിക്കുന്നതെന്നും അവർ ചോദിച്ചു. പുറത്ത് മഴ പെയ്യുന്നത് കണ്ടതോടെ മറ്റൊരു നിഷ്കളങ്കമായ ചോദ്യവും എത്തി, മഴ പെയ്യുമ്പോൾ വിമാനവും നനയുമോ? വിമാനം മേൽക്കൂരയുള്ള സ്ഥലത്താണ് നിർത്തിയിടുന്നതെന്ന് കൊച്ചുമകൾ വിശദീകരിച്ചു. ഒടുവിൽ വിമാനം എവിടെയാണെന്ന് അന്വേഷിച്ച മുത്തശ്ശിയോട് വിമാനം ഇതുവരെ എത്തിയിട്ടില്ലെന്നും പാർക്ക് ചെയ്തിരിക്കുകയാണെന്നും കൊച്ചുമകൾ പറഞ്ഞു. രണ്ട് മണിക്കൂറിനുള്ളിൽ ഹൈദരാബാദിലെത്തുമെന്നും മുത്തശ്ശി ആവേശത്തോടെ പറയുന്നതും വീഡിയോയിൽ കാണാം.
‘ദാദിയുടെ സ്നേഹത്തിന്റെ ചെറിയ ചെറിയ വഴികൾ എപ്പോഴും എന്റെ ഹൃദയം ഉരുക്കും’ എന്ന കുറിപ്പോടെയാണ് ‘ദിവ ദാദി’ എന്ന ഇൻസ്റ്റഗ്രാം അക്കൗണ്ട് വീഡിയോ പങ്കുവെച്ചത്. മുത്തശ്ശിയുടെ നിഷ്കളങ്കമായ പ്രതികരണങ്ങളും കൊച്ചുമകളോടുള്ള കരുതലും സോഷ്യൽ മീഡിയ ഉപയോക്താക്കളുടെ ഹൃദയം കീഴടക്കി. സ്വന്തം മുത്തശ്ശിയെ ഓർമിപ്പിക്കുന്നുവെന്നും, കണ്ടതിൽ ഏറ്റവും മധുരമുള്ള വീഡിയോകളിലൊന്നാണിതെന്നും നിരവധി പേർ കമന്റ് ചെയ്തു. തലമുറകൾ മാറിയാലും കൊച്ചുമക്കളോടുള്ള മുത്തശ്ശിമാരുടെ സ്നേഹത്തിനും കരുതലിനും മാറ്റമില്ലെന്ന ഓർമപ്പെടുത്തലായി മാറിയിരിക്കുകയാണ് ഈ വൈറൽ വീഡിയോ.
കൊച്ചുമകൾ മുത്തശ്ശിയോട് അവിടെ വന്നിരിക്കുന്നത് എന്തിനാണെന്ന് ചോദിച്ചപ്പോഴാണ് രസകരമായ സംഭാഷണം തുടങ്ങുന്നത്. വിമാനം കാണാനാണ് വന്നതെന്ന് മുത്തശ്ശി പറയുന്നുണ്ടെങ്കിലും, താൻ ഭയന്നിരുന്നുവെന്ന കാര്യം കൊച്ചുമകൾ ഓർമിപ്പിക്കുന്നു. പിന്നാലെ യഥാർഥ കാരണം മുത്തശ്ശി തന്നെ വെളിപ്പെടുത്തി. കൊച്ചുമകളുടെ ലഗേജ് ആരെങ്കിലും എടുത്തുകൊണ്ടുപോകാതിരിക്കാനാണ് അവിടെ ഇരുന്ന് കാവൽ നോക്കുന്നതെന്നായിരുന്നു മുത്തശ്ശിയുടെ മറുപടി. വിമാനത്താവളത്തിൽ ആരും ലഗേജ് എടുത്തുകൊണ്ടുപോകില്ലെന്ന് കൊച്ചുമകൾ പറഞ്ഞിട്ടും മുത്തശ്ശിയുടെ കരുതലിന് കുറവൊന്നുമുണ്ടായില്ല.
ഇതിനിടെ വിമാനത്തെക്കുറിച്ചുള്ള മുത്തശ്ശിയുടെ കൗതുകവും സംഭാഷണത്തിൽ നിറഞ്ഞുനിന്നു. വിമാനം എവിടെയാണ് പാർക്ക് ചെയ്യുന്നതെന്നും ആ സ്ഥലത്തെ ‘പാർക്കിങ്’ എന്നാണ് വിളിക്കുന്നതെന്നും അവർ ചോദിച്ചു. പുറത്ത് മഴ പെയ്യുന്നത് കണ്ടതോടെ മറ്റൊരു നിഷ്കളങ്കമായ ചോദ്യവും എത്തി, മഴ പെയ്യുമ്പോൾ വിമാനവും നനയുമോ? വിമാനം മേൽക്കൂരയുള്ള സ്ഥലത്താണ് നിർത്തിയിടുന്നതെന്ന് കൊച്ചുമകൾ വിശദീകരിച്ചു. ഒടുവിൽ വിമാനം എവിടെയാണെന്ന് അന്വേഷിച്ച മുത്തശ്ശിയോട് വിമാനം ഇതുവരെ എത്തിയിട്ടില്ലെന്നും പാർക്ക് ചെയ്തിരിക്കുകയാണെന്നും കൊച്ചുമകൾ പറഞ്ഞു. രണ്ട് മണിക്കൂറിനുള്ളിൽ ഹൈദരാബാദിലെത്തുമെന്നും മുത്തശ്ശി ആവേശത്തോടെ പറയുന്നതും വീഡിയോയിൽ കാണാം.
‘ദാദിയുടെ സ്നേഹത്തിന്റെ ചെറിയ ചെറിയ വഴികൾ എപ്പോഴും എന്റെ ഹൃദയം ഉരുക്കും’ എന്ന കുറിപ്പോടെയാണ് ‘ദിവ ദാദി’ എന്ന ഇൻസ്റ്റഗ്രാം അക്കൗണ്ട് വീഡിയോ പങ്കുവെച്ചത്. മുത്തശ്ശിയുടെ നിഷ്കളങ്കമായ പ്രതികരണങ്ങളും കൊച്ചുമകളോടുള്ള കരുതലും സോഷ്യൽ മീഡിയ ഉപയോക്താക്കളുടെ ഹൃദയം കീഴടക്കി. സ്വന്തം മുത്തശ്ശിയെ ഓർമിപ്പിക്കുന്നുവെന്നും, കണ്ടതിൽ ഏറ്റവും മധുരമുള്ള വീഡിയോകളിലൊന്നാണിതെന്നും നിരവധി പേർ കമന്റ് ചെയ്തു. തലമുറകൾ മാറിയാലും കൊച്ചുമക്കളോടുള്ള മുത്തശ്ശിമാരുടെ സ്നേഹത്തിനും കരുതലിനും മാറ്റമില്ലെന്ന ഓർമപ്പെടുത്തലായി മാറിയിരിക്കുകയാണ് ഈ വൈറൽ വീഡിയോ.
Comments