കപൂര്‍ കുടുംബത്തില്‍ നിന്നെത്തി ബോളിവുഡില്‍ തന്റെ അഭിനയമികവു കൊണ്ട് സ്വന്തമായ ഒരു ഇരിപ്പിടം നേടിയെടുത്ത താരമാണ് കരീന കപൂര്‍. ആദ്യ സിനിമയിലൂടെ പ്രേക്ഷകരുടെ ഹൃദയം കീഴടക്കിയ താരം ശക്തമായ സ്ത്രീ കഥാപാത്രങ്ങള്‍ അവതരിപ്പിച്ച് ബോളിവുഡിന്റെ താരറാണിയായി. സെയ്ഫ് അലി ഖാനെ വിവാഹം ചെയ്ത് രണ്ടാണ്‍മക്കളുടെ അമ്മയായ ശേഷവും കരിയറും വ്യക്തിജീവിതവും ബാലന്‍സ് ചെയ്തു കൊണ്ടു പോകുന്ന അപൂര്‍വ്വം താരങ്ങളില്‍ ഒരാള്‍ കൂടിയാണ് കരീന.
വളരെ സെലക്റ്റീവായി മാത്രം അഭിനയപ്രാധാന്യമുള്ള സിനിമകൾ തെരഞ്ഞെടുത്ത് പ്രേക്ഷകഹൃദയത്തിൽ താരമിപ്പോഴും തന്റെ സ്ഥാനം നിലനിര്‍ത്തിക്കൊണ്ടുപോകുന്നുണ്ട്. പ്രശസ്ത സംവിധായിക മേഘ്ന ഗുൽസാർ സംവിധാനം ചെയ്യുന്ന ക്രൈം ത്രില്ലർ ചിത്രമായ ‘ദായ്‌റ’യാണ് കരീന കപൂറിന്റേതായി റിലീസ് കാത്തിരിക്കുന്ന സിനിമ. മലയാളികളെ സംബന്ധിച്ച് ഈ സിനിമ സ്പെഷ്യലാകുന്നത് പ്രിയതാരം പൃഥ്വിരാജ് സുകുമാരന്‍ പ്രധാന വേഷത്തിലെത്തുന്നു എന്നുള്ളതാണ്. സിനിമയുടെ പ്രൊമോഷന്‍ തിരക്കുകളിലാണ് കരീനയും പൃഥ്വിയും.
ഇപ്പോഴിതാ ബോസ് ലേഡി ലുക്കിലുള്ള തന്റെ പുതിയ ചിത്രങ്ങള്‍ പങ്കിടുകയാണ് കരീന കപൂര്‍ ഖാന്‍. വിന്റേജ് വെഴ്‌സേസ് സ്യൂട്ടിലാണ് താരം തിളങ്ങുന്നത്. ഒലിവ് ടോൺ സ്യൂട്ടും ബട്ടണുകളില്ലാത്ത ബ്ലേസറുമാണ് ഈ കോര്‍സെറ്റിന്റെ ആകര്‍ഷണം. പോയിന്റഡ് ലേപ്പലുകളും ഫ്ലാപ്പ് ഡീറ്റെയിലിംഗുമുള്ള ഡീപ്പ് നെക്ക്ലൈനും സ്യൂട്ടിന് ഹോട്ട് ലുക്ക് നല്‍കുന്നു. മുംബൈയില്‍ തന്റെ വരാനിരിക്കുന്ന ചിത്രത്തിന്റെ ട്രെയിലർ ലോഞ്ചിന് താരം പ്രത്യക്ഷപ്പെട്ടത് ഈ ലുക്കിലാണ്.
Comments