ബിഗ് ബോസ് മലയാളം സീസണ്‍ 4ല്‍ മത്സരാര്‍ത്ഥിയായി എത്തി മലയാളികള്‍ക്ക് സുപരിചിതനായ വ്യക്തിയാണ് റോബിന്‍ രാധാകൃഷ്ണന്‍. ഇപ്പോള്‍ ജീവിതപങ്കാളി ആരതി പൊടിയെ കുറിച്ച് റോബിന്‍ പങ്കുവച്ച ഒരു കുറിപ്പാണ് ശ്രദ്ധ നേടുന്നത്.
'' എന്റെ പൊടി. ലോകം കാണുന്നത് എന്റെ കരുത്താണ്, എന്നാല്‍ അതിന് പിന്നിലെ സ്ത്രീയെ എനിക്ക് മാത്രമേ അറിയൂ. എന്റെ ഏറ്റവും കഠിനമായ ദിവസങ്ങളിലും, പോരാട്ടങ്ങളിലും, പ്രതിസന്ധികളിലും നീ ഒരു നിമിഷം പോലും എന്നെ തനിച്ചാക്കിയില്ല. കാര്യങ്ങള്‍ പ്രയാസകരമായപ്പോള്‍ നീ എനിക്കൊപ്പം ഉറച്ചുനിന്നു. എനിക്ക് സര്‍വ്വതും നഷ്ടപ്പെട്ടുവെന്ന് തോന്നിയ നിമിഷങ്ങളില്‍ നീ എനിക്ക് കരുത്തേകി. നീ എന്റെ ഭാര്യ മാത്രമല്ല, എന്റെ ശക്തിയും സമാധാനവും എനിക്കുള്ള ഏറ്റവും വലിയ പിന്താങ്ങലുമാണ്. എനിക്ക് നിന്റെ ആവശ്യം ഏറ്റവും കൂടുതല്‍ ഉണ്ടായിരുന്ന നിമിഷങ്ങളില്‍ ഒപ്പം നിന്നതിന് നന്ദി. ഐ ലവ് യു, പൊടി'', എന്നാണ് ആരതിക്കൊപ്പമുളള ചിത്രം പങ്കുവച്ച് റോബിന്‍ കുറിച്ചത്.
2025 ഫെബ്രുവരി 16- നായിരുന്നു റോബിന്‍ രാധാകൃഷ്ണനും ആരതി പൊടിയും വിവാഹിതരായത്. നടിയും സംരംഭകയുമാണ് ആരതി പൊടി.
Comments