അഭിനേതാവ്, രാഷ്ട്രീയക്കാരന്‍, മുന്‍ മന്ത്രി എന്നീ മേഖലകളിലൊക്കെ തൊട്ടതെല്ലാം പൊന്നാക്കിയ വ്യക്തിയാണ് കെ.ബി. ഗണേഷ്കുമാര്‍. എ കെ ആന്റണി മന്ത്രി സഭയില്‍ ഗതാഗതമന്ത്രിയായിരുന്ന ഗണേഷ് പിന്നീട് 2003ല്‍ പിതാവായ ആര്‍ ബാലകൃഷ്ണപിള്ളക്ക് മന്ത്രിപദവിയിലേക്ക് വഴിയൊരുക്കാനായി തന്റെ മന്ത്രി സ്ഥാനം ഒഴിയുകയായിരുന്നു. പുതിയ മന്ത്രിസഭയില്‍ ഗണേഷിന്റെ മന്ത്രിക്കസേര ഒഴിഞ്ഞെങ്കിലും ജനങ്ങള്‍ക്ക് സ്നേഹത്തിന് ഒരു കോട്ടവും വന്നിട്ടില്ല.
ഇപ്പോഴിതാ സിനിമയിലെ തന്റെ തുടക്കക്കാലത്തെക്കുറിച്ച് സംസാരിക്കുകയാണ് കെ. ബി. ഗണേഷ് കുമാര്‍. തുടക്കത്തില്‍ തനിക്കു കിട്ടിയിരുന്ന ശമ്പളം കൃത്യമായി ഉപയോഗിച്ചിരുന്നെങ്കില്‍ ഇന്ന് മദ്രാസിലെ കോടിക്കണക്കിന് രൂപ കിട്ടുന്ന ഭൂമിയായി കൈയില്‍ കിട്ടിയേനേ എന്നു പറയുകയാണ് ഗണേഷ്കുമാര്‍.
‘‘ആദ്യകാലങ്ങളിൽ ഒരു സിനിമയ്ക്ക് എനിക്ക് 25,000 രൂപ ശമ്പളം കിട്ടുമായിരുന്നു. ഈ 25,000 കൊടുത്താൽ മദ്രാസിൽ 5 സെന്റ് സ്ഥലം കിട്ടിയേനേം. പക്ഷേ, ഞാൻ അത് വാങ്ങിക്കുന്നതിന് പകരം ഇവിടുന്ന് കാർ വാങ്ങിച്ചു. ഒരു കാർ ഇറങ്ങുമ്പോൾ വേറൊരു കാർ, അതും കൂടെ വാങ്ങാൻ തീരമാനിക്കും. അങ്ങനെ കാറും വണ്ടിയും വാങ്ങിച്ചു ഞാൻ ഒരുപാട് പൈസ കളഞ്ഞിട്ടുണ്ട്.
അതിനെ നമ്മൾ ഒഴിവാക്കാമായിരുന്നു. ഇപ്പോൾ ആലോചിക്കുമ്പോൾ പുരോമുഖത്ത് ചിന്തിച്ചാൽ, അന്ന് 25,000 രൂപയ്ക്ക് 5 സെന്റ് സാധനമാണ് ഒരു ഗ്രൗണ്ട് എന്ന് പറയുന്നത്. ഈ ഒരു 5 സെൻ്റ് ഗ്രൗണ്ട് ഒരു മൂന്നെണ്ണം വാങ്ങിച്ചിട്ടിരുന്നെങ്കിൽ ഇന്ന് എത്ര കോടി രൂപയായിരുന്നു... പക്ഷേ, നമ്മൾ അന്ന് ചിന്തിച്ചില്ല, ഇന്ന് ചിന്തിച്ചിട്ട് കാര്യവുമില്ല.
അപ്പോൾ നമ്മുടെ മണ്ടത്തരങ്ങളാണ്. സാമ്പത്തിക കാര്യങ്ങളിൽ നമ്മുടെ പ്ലാനിംഗിൽ വന്ന മണ്ടത്തരമാണ് ഞാൻ പറയുന്നത്, എനിക്ക് പറ്റിയ മണ്ടത്തരമാണ് ഞാൻ പറയുന്നത്. ഈ 25,000 രൂപ ഇവിടെ കൊണ്ടുവന്ന് ഒരു കാറിന് ലോൺ അടയ്ക്കുന്നതിനേക്കാൾ നല്ലത് 25,000-യ്ക്ക് ഒരു സ്ഥലം അവിടെ വാങ്ങുക എന്നതാണ്, അന്ന് 25,000 രൂപയേ ഉള്ളൂ 5 സെന്റ് സ്ഥലത്തിന്റെ വില. ഇന്ന് അവിടെയൊക്കെ... ആ സ്ഥലങ്ങളൊക്കെ ഇന്ന് ഭയങ്കര ടൗണാണ്. മദ്രാസിലെ ഏറ്റവും കോടിക്കണക്കിന് രൂപ സെന്റിന് വിലയുള്ള സ്ഥലമാണ്. പക്ഷേ, ഇത് അന്ന്... ഇപ്പോൾ ഓർക്കുമ്പോൾ നിരാശ തോന്നും. ഇതേ നിരാശ ഓരോ മനുഷ്യനുമുണ്ടാകും... ’’ ഗണേഷ് കുമാർ പറയുന്നു. 24 ബിസിനസ്സിനോട് ഗണേഷ് കുമാര്‍ പറയുന്നത്.
Comments