മലയാളത്തിന്റെ പ്രിയ നടന്‍ മമ്മൂട്ടിയുടെ ജന്മദിനത്തില്‍ എംഎല്‍എയും നടനുമായ രമേഷ് പിഷാരടി സമൂഹമാധ്യമങ്ങളില്‍ പങ്കുവച്ച കുറിപ്പ് ശ്രദ്ധ നേടുന്നു.
''യാത്രചെയ്യുമ്പോള്‍ വാഹനത്തിന്റെ ജനലിലൂടെ പുറത്തേക്ക് നോക്കിയാല്‍ സൂര്യന്‍ ഒപ്പം യാത്ര ചെയ്യുന്നത് പോലെ തോനുമായിരുന്നു കുട്ടികാലത്ത്. വന്‍ മരങ്ങളും പര്‍വതങ്ങളും പിന്നിലേക്ക് പോകുമ്പോലെ അനുഭവപ്പെടുമ്പോഴും ; സൂര്യന്‍ ഒപ്പം തന്നെ ഉണ്ടാവും.... എന്റെ ഓര്‍മകള്‍ യാത്ര തുടങ്ങിയ കാലം മുതല്‍ ഇന്നുവരെ ഒപ്പം കണ്ട സൂര്യന്‍...ജനാലയിലൂടെ അല്ലാതെ അടുത്ത് കാണുവാന്‍ ഭാഗ്യം ഉണ്ടായപ്പോള്‍. .. സ്‌നേഹത്തിന്റെ ചൂടും അറിവിന്റെ വെളിച്ചവും തരുന്ന വലിയ നക്ഷത്രം.... ഇത് സന്തോഷത്തിന്റെ മേള'', എന്നാണ് പിഷാരടി കുറിച്ചത്.
മമ്മൂട്ടിയുടെ പിറന്നാള്‍ ദിവസം പുതിയ ചിത്രത്തിന്റെ പേര് പ്രഖ്യാപിച്ചു. നിതീഷ് സഹദേവ് സംവിധാനം ചെയ്യുന്ന മേളയാണ് പുതിയ മമ്മൂട്ടി ചിത്രം. 1971ല്‍ ചലച്ചിത്ര രംഗത്ത് അരങ്ങേറ്റം കുറിച്ച മമ്മൂട്ടിക്ക് 1980-ല്‍ കെ.ജി ജോര്‍ജ് സംവിധാനം ചെയ്ത മേളയാണ് കരിയറില്‍ ബ്രേക്ക് നല്‍കിയത്. ഇതിന്റെ ഓര്‍മകള്‍ കൂടി കണക്കിലെടുത്താണ് പുതിയ ചിത്രത്തിന് മേള എന്ന് പേരിട്ടിരിക്കുന്നത്.
Comments