തിരുവനന്തപുരം: മാസപ്പടിക്കേസിലെ ഇ.ഡി. നടപടികളില്‍ പിണറായിക്ക് പിന്തുണ നല്‍കിയേക്കില്ല. സിപിഐ സംസ്ഥാന സെക്രട്ടേറിയേറ്റ് യോഗം വിഷയം സംബന്ധിച്ച നിര്‍ണ്ണായക തീരുമാനം എടുത്തു എന്നാണ് റിപ്പോര്‍ട്ട്. ഭാവിയില്‍ ആരോപണങ്ങള്‍ തെളിയിക്കപ്പെട്ടാല്‍ ഇപ്പോള്‍ കൊടുക്കുന്ന പിന്തുണ ബൂമറാംഗായി മാറുമെന്നാണ് സിപിഐ സംസ്ഥാന സെക്രട്ടറിയേറ്റിന്റെ വിലയിരുത്തല്‍.
കേസില്‍ രാഷ്ട്രീയത്തിന് പകരം നിയമം ഏതുവഴിക്ക് പോകുന്നെ് മാത്രം നോക്കിയാല്‍ മതിയെന്നാണ് തീരുമാനം. നിയമം നിയമത്തിന്റെ വഴിയേ പോകട്ടെയെന്ന നിലപാടിലാണ് സിപിഐ. അതേസമയം തന്നെ ഇഡിയെ കണ്ണടച്ച് വിശ്വസിക്കേണ്ടതില്ലെന്ന അഭിപ്രായവും ഉയര്‍ന്നിട്ടുണ്ട്. വീണ സിഎംആര്‍എല്ലില്‍ നിന്ന് പണം വാങ്ങി എന്നത് യാഥാര്‍ത്ഥ്യമാണെന്നും അത് സേവനത്തിനാണെന്ന് തെളിയിക്കേണ്ട ബാധ്യത വീണക്ക് മാത്രമാണെന്നുമാണ് നേത്യത്വം ചൂണ്ടിക്കാട്ടുന്നത്.
ആദ്യം വീണയ്ക്കെതിരെ മാത്രമായിരുന്നു ഇ ഡി നീക്കം. ഇപ്പോള്‍ പിണറായി വിജയനെതിരെയും മുഹമ്മദ് റിയാസിനെതിരെയും കേസെടുക്കണമെന്നാണ് ഇഡി ഡിജിപിക്ക് നല്‍കിയ കത്തില്‍ പറയുന്നത്. എന്നിട്ടും ഇത്തരം ഒരു നിലപാടില്‍ തന്നെ തുടരാനാണ് സിപിഐ തീരുമാനിക്കുന്നത് എന്നതാണ് ശ്രദ്ധേയം. നിയമപരമായ കാര്യങ്ങള്‍ മുന്നോട്ട് പോകുമ്പോള്‍ അത് വിശദമായി പരിശോധിച്ച ശേഷം മാത്രമാകും പിണറായിക്ക് പിന്തുണ കൊടുക്കുന്നതില്‍ തീരുമാനമുണ്ടാകുക.
Comments