‘ഇപ്പോഴും എന്റെ ഏറ്റവും പ്രിയപ്പെട്ട കുട്ടി കുഴപ്പക്കാരന്‍...’;മകന്‍ യുഗിന് ഹൃദ്യമായ ജന്മദിനാശംസകള്‍ നേര്‍ന്ന് അജയ് ദേവ്ഗണ്‍

മകൻ യുഗിന് ജന്മദിനാശംസകൾ നേർന്ന് നടൻ അജയ് ദേവ്ഗൺ. മകനോടൊപ്പമുള്ള സന്തോഷം നിറഞ്ഞ ഒരു ചിത്രം ഇൻസ്റ്റാഗ്രാമിൽ പങ്കുവെച്ചുകൊണ്ടായിരുന്നു താരത്തിന്റെ ആശംസ.

"ഇപ്പോഴും എന്റെ ഏറ്റവും പ്രിയപ്പെട്ട കുട്ടി കുഴപ്പക്കാരൻ... ഇനി അത്ര ചെറുതുമല്ല. ജന്മദിനാശംസകൾ, എന്റെ മോനേ! സ്നേഹം." എന്നായിരുന്നു അജയ് ദേവ്ഗൺ ചിത്രത്തിനൊപ്പം കുറിച്ചത്. നിരവധി പേരാണ് പോസ്റ്റിന് താഴെ യുഗിന് ആശംസകളുമായി എത്തുന്നത്.

നടി കാജോളിന്റെയും അജയ് ദേവ്ഗണിന്റെയും ഇളയ മകനാണ് യുഗ്. ഇന്ന് യുഗിന്റെ 16-ാം ജന്മദിനമാണ്. മകന് ആശംസകൾ നേർന്ന് കാജോളും സമൂഹമാധ്യമങ്ങളിൽ പോസ്റ്റ് പങ്കുവെച്ചിരുന്നു.

1999 ലായിരുന്നു കാജോളും അജയ് ദേവ്ഗണും വിവാഹിതരായത്. ഇവർക്ക് യുഗിനെ കൂടാതെ നിസ എന്നൊരു മകൾ കൂടിയുണ്ട്.