എല്ലാമുണ്ടായിട്ടും ഇല്ലാത്ത കഴിവിന്റെ പേരില് കേഴുന്നവരാണ് ലോകത്ത് ഏറെയും. സ്വന്തം കഴിവിനെ കണ്ടെത്താനോ മനസ്സിലാക്കാനോ ശ്രമിക്കാത്ത ഇവര്ക്ക് മനശ്ശക്തികൊണ്ട് ഇല്ലായ്മയെ മറിടന്ന അനേകരാണ് മാതൃക. ഇത്തരം അനേകം മാതൃകകള്ക്കിടയിലാണ് അലഹബാദിലെ മൊഹമ്മദ് ആസാദും വരുന്നത്.
അന്ധതയെന്ന സ്വന്തം പരിമിതയെക്കുറിച്ച് കേഴാനും പഴിക്കാനും നില്ക്കാതെ ഇഛാശക്തികൊണ്ട് അതിനെ മറികടന്ന് സമാധാന ജീവിതം നയിക്കുകയാണ് ഇയാള്. അലഹബാദില് ടയര് പഞ്ചര് ജോലികള് ചെയ്യുന്ന ആസാദ് ഇക്കാര്യത്തില് വിദഗ്ദ്ധനാണ്. സാധാരണ ആള്ക്കാര് 30-40 മിനിറ്റുകള് എടുക്കുന്ന ജോലി വെറും 20 മിനിറ്റ് കൊണ്ട് ചെയ്തു തീര്ക്കുന്ന ആസാദ് ഏവരുടേയും ശ്രദ്ധ പിടിച്ചുപറ്റുന്നു. കാഴ്ച ഇല്ലെങ്കിലും ട്രക്കുകള് പോലെയുള്ള കൂറ്റന് വാഹനങ്ങളുടെ ടയറുകളാണ് കേടുപാട് പരിഹരിക്കുന്നത്.
പതിനേഴാം വയസ്സില് വിവാഹിതനായ ആസാദിന് വിവാഹം കഴിഞ്ഞ് രണ്ടാം വര്ഷം തന്നെ കാഴ്ച നഷ്ടമായി. നല്ലപ്രായത്തിന്റെ തുടക്കത്തില് തന്നെ കണ്ണില് ഇരുട്ടു വീണെങ്കിലും ചെയ്തു വന്ന ജോലി തുടര്ന്ന ആസാദ് കാഴ്ചയില്ലായ്മയെ മറികടന്ന് ഈ ജോലിയില് വിദഗ്ദ്ധനായി മാറിയിരിക്കുകയാണ്.
